രാപ്പകൽ സമരം 48-ാം ദിവസം, നിരാഹാര സമരം 9-ാം ദിവസം; ആശാ വർക്കർമാരോട് കനിയാതെ സർക്കാർ

തിരുവനന്തപുരം: വേതന വർധനവ് അടക്കം ആവശ്യപ്പെട്ട് സെക്രട്ടറിയേറ്റിനു മുന്നിൽ നടത്തുന്ന ആശ വർക്കർമാരുടെ സമരം 48-ാം ദിവസത്തിലേക്ക് കടന്നു. നിരാഹാര സമരം ഇന്ന് ഒൻപതാം ദിവസത്തിലാണ്. സമരം ഒരു മാസത്തിലധികം പിന്നിട്ടിട്ടും സർക്കാരിന്റെ ഭാഗത്തുനിന്നും യാതൊരുവിധ അനുകൂല പ്രതികരണവും ഉണ്ടായിട്ടില്ല.

തിങ്കളാഴ്ച രാപ്പകൽ സമരം 50 ദിവസം തികയുന്ന സാഹചര്യത്തിൽ മുടിമുറിച്ച് പ്രതിഷേധിക്കാനാണ് ആശാ വർക്കർമാരുടെ തീരുമാനം. സെക്രട്ടറിയേറ്റ് സമര പന്തലിലാണ് മുടി മുറിക്കൽ സമരം നടക്കുക. സമര പന്തലിലെ ആശാ വർക്കർമാർക്ക് ഐക്യദാര്‍ഢ്യം പ്രഖ്യാപിച്ച് പ്രാദേശിക തലത്തിലും ആശമാര്‍ മുടി മുറിച്ച് പ്രതിഷേധിക്കും. സമരം അടുത്ത ഘട്ടത്തിലേക്ക് വ്യാപിപ്പിക്കുന്നതിന്റെ ഭാഗമായാണ് മുടി മുറിച്ച് പ്രതിഷേധിക്കുന്നത്. 

ഫെബ്രുവരി 10നാണ് ആശാ വർക്കർമാർ സെക്രട്ടറിയേറ്റിനു മുന്നിൽ സമരം തുടങ്ങിയത്. ഓണറേറിയം വർധന അടക്കമുള്ള ആശാ പ്രവർത്തകരുടെ ആവശ്യങ്ങൾ അംഗീകരിക്കാൻ സർക്കാർ ഇതുവരെ തയ്യാറായിട്ടില്ല. ഓണറേറിയം 7000 രൂപയിൽ നിന്ന് 21000 രൂപയായി ഉയർത്തുക, പെൻഷൻ ആനുകൂല്യം ഉറപ്പാക്കുക എന്നിവയാണ് ആശാ പ്രവർത്തകരുടെ പ്രധാന ആവശ്യങ്ങൾ.

Read More

• മാസപ്പടി കേസിൽ വിജിലൻസ് അന്വേഷണമില്ല, ഹർജികൾ തള്ളി
• ഒത്തുതീർപ്പ് ചർച്ചയിൽ ശ്രീമതി ടീച്ചർ കരഞ്ഞു, ഖേദപ്രകടനം എന്‍റെ ഔദാര്യം: ബി.ഗോപാലകൃഷ്ണൻ
• കോട്ടയം നഴ്സിങ് കോളേജിലെ റാഗിങ്; കൊടും ക്രൂരത വിവരിച്ച് കുറ്റപത്രം
• 'കേരളത്തിന്റെ ഒരുമയുടെ കരുത്ത്;' വയനാട് ടൗൺഷിപ്പിന് തറക്കല്ലിട്ടു മുഖ്യമന്ത്രി