Weekly Horoscope Aug 17-Aug 23: വാരഫലം, അശ്വതി മുതൽ രേവതിവരെ

ആദിത്യൻ ചിങ്ങം രാശിയിൽ മകം ഞാറ്റുവേലയിലാണ്. ചന്ദ്രൻ കറുത്തപക്ഷത്തിലും. ആഗസ്റ്റ് 22/23 ദിവസങ്ങളിലായിട്ടാണ് അമാവാസി വരിക. 24 ന് വെളുത്തപക്ഷം ആരംഭിക്കുന്നു. ശുക്രൻ മിഥുനം രാശിയിലാണ്. ആഗസ്റ്റ് 21 വെളുപ്പിന് കർക്കടകം രാശിയിൽ പ്രവേശിക്കും. ബുധൻ കർക്കടകം രാശിയിൽ തുടരുന്നു. ചൊവ്വ കന്നിരാശിയിൽ അത്തം നക്ഷത്രത്തിലാണ്. ശനി മീനം രാശിയിൽ ഉത്രട്ടാതി നക്ഷത്രത്തിൽ വക്രഗതി തുടരുന്നു. വ്യാഴം മിഥുനം രാശിയിൽ പുണർതം നക്ഷത്രത്തിലാണ്. 

രാഹുവും കേതുവും യഥാക്രമം കുംഭം, ചിങ്ങം രാശികളിൽ പിൻഗതിയായി നീങ്ങുന്നു. രാഹു പൂരൂരുട്ടാതിയിലും കേതു പൂരം നക്ഷത്രത്തിലുമാണ്. രോഹിണി മുതൽ മകം വരെ നക്ഷത്രങ്ങളാണ് ഈ ആഴ്ചയിൽ. മേല്പറഞ്ഞ ഗ്രഹനിലയനുസരിച്ച് അശ്വതി മുതൽ രേവതി വരെയുള്ള നക്ഷത്രങ്ങളിൽ ജനിച്ചവരുടെ വാരഫലം വായിക്കാം.

അശ്വതി

കൂടുതൽ കാര്യമാത്രപ്രസക്തത കൈവരും. ജോലിഭാരം കൂടാനാണ് സാധ്യത. സമീപഭാവിയിലേക്ക് ആവശ്യമായ കാര്യങ്ങൾ ആസൂത്രണം ചെയ്യേണ്ടി വന്നേക്കും. സഹപ്രവർത്തകരിൽ നിന്നും ബൗദ്ധിക പിന്തുണ പ്രതീക്ഷിച്ചത്ര ഉണ്ടായേക്കില്ല.  മാനസികമായ ഉന്മേഷം ചില ദിവസങ്ങളിൽ നിലനിൽക്കും. മറ്റുള്ളപ്പോൾ ആലസ്യം, അനാവശ്യമായ ഉൽക്കണ്ഠ എന്നിവ സാധ്യതയാണ്. സഹോദരഗുണം ഉണ്ടാവും. ഗാർഹികമായി മുഴുസംതൃപ്തി പറയാനാവില്ല. എന്നാൽ വീടിൻ്റെ വൈകാരിക ഭാവം മങ്ങുകയുമില്ല. സൗഹൃദം കൊണ്ട് സന്തോഷമുണ്ടാവും. ചൊവ്വ മുതൽ വ്യാഴം വരെ ദിവസങ്ങൾക്കാവും കൂടുതൽ മേന്മ വരിക.

Also Read: ഈ ആഴ്‌ച നിങ്ങൾക്കെങ്ങനെ?

ഭരണി

കളിക്കളത്തിൽ ശക്തമായ കരുനീക്കങ്ങൾ നടത്തേണ്ടിവരും, വിജയിക്കാനായി. സ്വതസ്സിദ്ധമായ കഴിവുകൾ പ്രയോജനപ്പെടുത്തും. തൊഴിൽ രംഗത്ത് മ്ലാനത അനുഭവപ്പെടാം. ഭാവി കാര്യങ്ങളിൽ ആസൂത്രണം ആവശ്യമായി വന്നേക്കും. കാര്യാലോചനകളിൽ ഒപ്പമുള്ളവർ അത്ര സഹകരിച്ചേക്കില്ല. വാരാദ്യം ഉയരുന്ന  ഉൽക്കണ്ഠകൾ സ്വയം മാറാൻ സാഹചര്യം തനിയേ ഉദയം ചെയ്യുന്നതാണ്. ബിസിനസ്സ് യാത്രകൾ ഉണ്ടായേക്കും. സുഹൃൽ/ ബന്ധു സമാഗമത്തിൽ നിന്നും മാനസികോർജ്ജം വീണ്ടെടുക്കുന്നതാണ്. ചെലവുകളിൽ നിയന്ത്രണം വേണം.

കാർത്തിക

വചോവിലാസം ശ്രദ്ധിക്കപ്പെടും. സാഹചര്യങ്ങൾ ഭാഗികമായി അനുകൂലമാണ്. പലരും പിന്തുണയ്ക്കാനുണ്ടാവും. തൊഴിലിടത്തിൽ സമാധാനം പുലരുന്നതായിരിക്കും. യാത്രയും അലച്ചിലും സാധ്യതയാണ്. കാര്യസാധ്യത്തിനായി പലവഴികൾ തേടിയേക്കും. നൈതികതയെ അവഗണിക്കാനിടയുണ്ട്. പാർട്ണർഷിപ്പ് വ്യാപാരം ഗുണകരമാവും. പ്രണയത്തിലെ തടസ്സം നീങ്ങുന്നതായിരിക്കും. ഭൂമിവ്യാപാരം മേടക്കൂറുകാർക്ക് ലാഭമുണ്ടാക്കും. കലാപ്രവർത്തനത്തിന് തുടർ അവസരങ്ങൾ ലഭിക്കുന്നതാണ്. കിടപ്പുരോഗികൾക്ക് സഹായം ചെയ്യും.

രോഹിണി

വിമർശനങ്ങളെ ഉൾക്കൊള്ളാൻ കഴിയില്ല. അഞ്ചാം ഭാവത്തിൽ ചൊവ്വ സഞ്ചരിക്കുകയാൽ നിർബന്ധ ശീലം കൂടും. വാക്കുകളിൽ മിതത്വം വരാനിടയുണ്ട്. മുൻജോലിയുടെ വിഹിതം/ കുടിശിക ലഭിക്കുന്നതാണ്. ഗൃഹത്തിലെ അറ്റകുറ്റപ്പണികൾ വേഗത്തിലാക്കും. ചിട്ടി, നറുക്കെടുപ്പ് ഇവയിലൂടെ ധനസമാഹരണം സാധ്യമാകും. എന്നാൽ ചെലവിൻ്റെ കാര്യത്തിൽ ധാരാളിയാവും. പിന്നീട് ആലോചിച്ചാൽ പാഴ്ച്ചെലവായിരുന്നു അധികമെന്നറിയും. മംഗളകർമ്മങ്ങൾക്ക് മുഖ്യപങ്ക് വഹിക്കാനാവും. കുടുംബ സമേതം വിനോദ യാത്രകൾ ആസൂത്രണം ചെയ്യും.

Also Read: ശുക്രൻ കർക്കടകം, ചിങ്ങം രാശികളിലേക്ക്; അശ്വതി മുതൽ രേവതി വരെ

മകയിരം

ജന്മനക്ഷത്രം വരുന്ന വാരമാകയാൽ പാരിതോഷികങ്ങൾ ലഭിക്കാനിടയുണ്ട്. ക്ഷേത്രദർശനാദികൾ ഉചിതമായേക്കും. ജോലിഭാരം കൂടുന്നതിൽ ഉൽക്കണ്ഠയുണ്ടാവും. ജോലിമാറ്റത്തിന് ഗ്രഹാനുകൂല്യം ഇല്ലാത്ത വേളയാണെന്നത് മറക്കരുത്. അധികവരുമാനത്തിന് വഴികളാലോചിക്കും. അറ്റകുറ്റപ്പണി കഴിഞ്ഞ് വാഹനം നിരത്തിലിറക്കാൻ കൂടുതൽ പണം വേണ്ടി വരുന്നതാണ്. അനുരാഗികൾക്ക് തടസ്സങ്ങളുണ്ടാവും. പാപഗ്രഹങ്ങൾ ഇടക്കിടെ മനസ്സിൻ്റെ സ്വസ്ഥതയെ ഗ്രസിക്കാനിടയുണ്ട്. പൊതുപ്രവർത്തനത്തിൽ വിരക്തി തോന്നാം. കുടുംബത്തിൻ്റെ പിന്തുണ ശക്തി പകർന്നേക്കും.

തിരുവാതിര

ജീവിതത്തിൻ്റെ സുഖദുഃഖാത്മകത ഓർക്കാനിടവരും. കരുതിയ എല്ലാക്കാര്യങ്ങളും നിർവഹണത്തിൽ എത്തിക്കാൻ സാധിച്ചേക്കില്ല. ബാങ്കിൽ നിന്നും ധനസഹായം / വായ്പ ലഭിക്കുന്നതാണ്. ധനവിനിയോഗത്തിൽ ജാഗ്രത പുലർത്തണം. കിട്ടാക്കടങ്ങളോർത്ത് വ്യാകുലതയുണ്ടാവും. ആഘോഷങ്ങളെ മുൻനിർത്തി ആടഭയാഭരണാദികൾ വാങ്ങിയേക്കും. ജന്മനക്ഷത്രത്തിലൂടെ ചന്ദ്രൻ കടന്നുപോവുകയാൽ ജീവകാരുണ്യത്തിനും ദൈവിക സമർപ്പണങ്ങൾക്കും സമയം കണ്ടെത്തണം. ആരോഗ്യപ്രശ്നങ്ങൾക്ക് വൈദ്യസഹായം ഉചിതമാവും. തൊഴിലിടത്തിൽ സമ്മിശ്രഫലം പ്രതീക്ഷിക്കാം.

പുണർതം

പ്രതീക്ഷിച്ച സാമ്പത്തിക ഇടപാടുകൾ വാരാദ്യത്തിൽ നിന്നും മാറ്റി വെച്ചാലും പിന്നീട് നടന്നേക്കും. മത്സരാധിഷ്ഠിത കരാറുകളിൽ പങ്കെടുക്കുന്നതാണ്. പഠനകാര്യങ്ങളിൽ വൈമുഖ്യം വരാനിടയുണ്ട്. മാതാപിതാക്കൾ ശ്രദ്ധിക്കേണ്ട കാര്യമാണത്. ചില അതൃപ്തികൾ തുടരപ്പെടാം. ബിസിനസ്സുകാർക്ക് സർക്കാർ കാര്യങ്ങളിൽ ഉണ്ടായിരുന്ന തടസ്സം നീങ്ങാനിടയുണ്ട്. ഉന്നതോദ്യോഗസ്ഥരുടെ പിന്തുണ കിട്ടാം. കുടുംബത്തിൽ സമാധാനമുണ്ടാവും. ദൈവിക സമർപ്പണങ്ങൾ മുടങ്ങില്ല. പ്രണയികൾക്ക് വീണ്ടും ഒരുമിക്കേണ്ട സാഹചര്യം ഉരുത്തിരിയാം.

പൂയം

ഞായറും തിങ്കളും നല്ല അനുഭവങ്ങളാവും. പ്രിയജനസമാഗമം സന്തോഷമേകും. മംഗളകർമ്മങ്ങളിൽ / വിരുന്നുകളിൽ പങ്കെടുക്കും. ശുഭവാർത്തകൾ കേൾക്കാനിടയാവും.ചൊവ്വ, ബുധൻ ദിവസങ്ങളിൽ തടസ്സങ്ങളെ നേരിടേണ്ടി വരുന്നതാണ്. കർമ്മരംഗത്ത് ആലസ്യമനുഭവപ്പെടും. ചെലവധികരിച്ചേക്കും. കടം കൊടുത്ത തുക കിട്ടിയേക്കില്ല. മറ്റു ദിവസങ്ങളിൽ പ്രായേണ ഗുണാനുഭവങ്ങളാവും ഭവിക്കുന്നത്. നക്ഷത്രാധിപൻ്  വക്രഗതി തുടരുകയാൽ പ്രശ്നങ്ങളിൽ തീരുമാനമെടുക്കാൻ കുഴങ്ങുന്നതാണ്.

മകം

വളരെ അനുകൂലമായ വാരമാണ്. പ്രയത്നത്തിന് അർഹിക്കുന്ന പ്രതിഫലം ലഭിക്കുന്നതാണ്. തൊഴിൽ മേഖലയിൽ പലതരം മാറ്റങ്ങൾ ദൃശ്യമാവും. കാലത്തിനനുസരിച്ച് മാറാൻ സന്നദ്ധതയുണ്ടാവും. ബിസിനസ്സിൻ്റെ വളർച്ചക്കായി പരസ്യത്തിൻ്റെ സഹായം കൈക്കൊള്ളുന്നതാണ്.  കൈവായ്പ മടക്കാൻ സാധിക്കും. വ്യക്തിപരമായി സന്തോഷാനുഭവങ്ങൾ ഉണ്ടാവുന്നതാണ്. കുടുംബകാര്യങ്ങൾ ഭംഗിയായി മുന്നോട്ടു പോകും. വ്യാഴം, വെള്ളി ദിവസങ്ങളിൽ അലച്ചിൽ / ചെലവ് ഇവയ്ക്ക് സാധ്യത. ശനിയാഴ്ച ദൈവിക സമർപ്പണങ്ങൾ ഫലവത്താകുന്നതാണ്.

Also Read: സമ്പൂർണ വർഷഫലം; അശ്വതി മുതൽ രേവതി വരെ

പൂരം

പ്രധാന കാര്യങ്ങൾ ഭംഗിയായി നടത്താനാവും. ഒപ്പമുള്ളവർ സൗഹാർദ്ദത്തോടെ പെരുമാറും. സാങ്കേതികമായ അറിവ് നേടാൻ കഴിയുന്നതാണ്. ജോലിഭാരം കൂടുമെങ്കിലും ആലോസരമുണ്ടാവില്ല. വായ്പ കുടിശ്ശിക അടയ്ക്കാൻ സാധിച്ചേക്കും. ഏജൻസി വ്യാപാരത്തിൽ ലാഭം പ്രതീക്ഷിക്കാം. മകൻ്റെ ജോലിക്കാര്യത്തിൽ പുരോഗതിയുണ്ടാവും.  ചൊവ്വ രണ്ടാം ഭാവത്തിലുള്ളതും ജന്മരാശിയിൽ കേതു - രവിയോഗം ഉള്ളതും വാരാന്ത്യത്തിൽ പിരിമുറുക്കം സൃഷ്ടിക്കാം. സംഭാഷണം ചിലപ്പോൾ പരുഷമായിത്തീരും.   വിട്ടുവീഴ്ചകൾ ഗാർഹസ്ഥ്യത്തെ കൂടുതൽ മധുരമാക്കും.

ഉത്രം

പലകാര്യങ്ങളിൽ ശ്രദ്ധ ചെലുത്തേണ്ടിവരുന്ന വാരമാണ്. ചുമതലകൾ കൂടാനിടയുണ്ട്. സ്വകാര്യ സ്ഥാപനത്തിൽ പ്രവർത്തിക്കുന്നവർക്ക് വേതനം മെച്ചപ്പെടും. ആശയ വിനിമയശേഷി പ്രയോജനം ചെയ്യുന്നതാണ്. സ്വന്തം ബിസിനസ്സിൽ വളർച്ചയുണ്ടാവും. ഉപഭോക്താക്കളെ ആകർഷിക്കാൻ പദ്ധതികൾ കൊണ്ടുവരും. അലച്ചിലുണ്ടാവും. വരവിൽ നല്ലൊരുപങ്കും ചെലവായിപ്പോകും. ചിലരുടെ കുത്സിത ശ്രമങ്ങളെ പരാജയപ്പെടുത്തും. വിദേശത്തു പോകാൻ ഇച്ഛിക്കുന്നവർക്ക് രേഖകൾ ശരിയായിക്കിട്ടും. വെള്ളി, ശനി ദിവസങ്ങൾക്ക് മേന്മ കുറയാം.

അത്തം

ആത്മാഭിമാനം സംരക്ഷിക്കുന്നതിൽ വിജയിക്കുന്നതാണ്. കൂട്ടുകച്ചവടത്തിൽ / സ്വന്തം വ്യാപാരത്തിൽ ലാഭം ഉയരും. ഉദ്യോഗാർത്ഥികൾക്ക് ചെറിയ ജോലികൾ ലഭിക്കുന്നതാണ്. കലാപ്രവർത്തകർക്ക് അവസരങ്ങൾ സംജാതമാകും. മനസ്സന്തോഷത്തിനുള്ള കാര്യങ്ങൾ ഭവിക്കുന്നതാണ്. പ്രണയത്തിൽ വിഘ്നമകലും. ദാമ്പത്യത്തിൽ സുഖാനുഭവം പ്രതീക്ഷിക്കാം. ചൊവ്വയും കേതുവും അനിഷ്ടന്മാരാകയാൽ ധനകാര്യത്തിൽ ശ്രദ്ധയുണ്ടാവണം. തിടുക്കപ്പെട്ട് തീരുമാനങ്ങൾ കൈക്കൊള്ളരുത്. മറ്റുള്ളവർ പറയുന്നത് കേൾക്കാൻ തയ്യാറാവേണ്ടതുണ്ട്.

ചിത്തിര

വ്യാപാരം പുഷ്ടിപ്പെടുന്നതാണ്. പരസ്യതന്ത്രങ്ങൾ വിജയം കാണും. കിടമത്സരങ്ങളിൽ നിന്നും പിന്മാറുകയില്ല. ഉദ്യോഗസ്ഥർക്ക് ചുമതലകൾ കൂടാനിടയുണ്ട്. സ്വകാര്യസ്ഥാപനത്തിൽ പദവികൾ ലഭിക്കുന്നതാണ്. അയവില്ലാത്ത നിലപാടുകളാൽ സംഘടനയിൽ ഒറ്റപ്പെടാൻ സാധ്യത കാണുന്നു. സന്താനങ്ങളുടെ കാര്യത്തിൽ നല്ലശ്രദ്ധ ആവശ്യമുള്ള സമയമാണ്. കൂട്ടുകെട്ടുകളിൽ ജാഗ്രതയുണ്ടാവണം. വാരാദ്യ ദിവസങ്ങൾക്ക് മേന്മ കുറയാം. വ്യവഹാരങ്ങൾക്ക് മുതിരരുത്. തുലാക്കൂറുകാർക്ക് സർക്കാരിൽ നിന്നും അനുമതി രേഖ കൈവരും.

ഉത്രം

പലകാര്യങ്ങളിൽ ശ്രദ്ധ ചെലുത്തേണ്ടിവരുന്ന വാരമാണ്. ചുമതലകൾ കൂടാനിടയുണ്ട്. സ്വകാര്യ സ്ഥാപനത്തിൽ പ്രവർത്തിക്കുന്നവർക്ക് വേതനം മെച്ചപ്പെടും. ആശയ വിനിമയശേഷി പ്രയോജനം ചെയ്യുന്നതാണ്. സ്വന്തം ബിസിനസ്സിൽ വളർച്ചയുണ്ടാവും. ഉപഭോക്താക്കളെ ആകർഷിക്കാൻ പദ്ധതികൾ കൊണ്ടുവരും. അലച്ചിലുണ്ടാവും. വരവിൽ നല്ലൊരുപങ്കും ചെലവായിപ്പോകും. ചിലരുടെ കുത്സിത ശ്രമങ്ങളെ പരാജയപ്പെടുത്തും. വിദേശത്തു പോകാൻ ഇച്ഛിക്കുന്നവർക്ക് രേഖകൾ ശരിയായിക്കിട്ടും. വെള്ളി, ശനി ദിവസങ്ങൾക്ക് മേന്മ കുറയാം.

അത്തം

ആത്മാഭിമാനം സംരക്ഷിക്കുന്നതിൽ വിജയിക്കുന്നതാണ്. കൂട്ടുകച്ചവടത്തിൽ / സ്വന്തം വ്യാപാരത്തിൽ ലാഭം ഉയരും. ഉദ്യോഗാർത്ഥികൾക്ക് ചെറിയ ജോലികൾ ലഭിക്കുന്നതാണ്. കലാപ്രവർത്തകർക്ക് അവസരങ്ങൾ സംജാതമാകും. മനസ്സന്തോഷത്തിനുള്ള കാര്യങ്ങൾ ഭവിക്കുന്നതാണ്. പ്രണയത്തിൽ വിഘ്നമകലും. ദാമ്പത്യത്തിൽ സുഖാനുഭവം പ്രതീക്ഷിക്കാം. ചൊവ്വയും കേതുവും അനിഷ്ടന്മാരാകയാൽ ധനകാര്യത്തിൽ ശ്രദ്ധയുണ്ടാവണം. തിടുക്കപ്പെട്ട് തീരുമാനങ്ങൾ കൈക്കൊള്ളരുത്. മറ്റുള്ളവർ പറയുന്നത് കേൾക്കാൻ തയ്യാറാവേണ്ടതുണ്ട്.

ചിത്തിര

വ്യാപാരം പുഷ്ടിപ്പെടുന്നതാണ്. പരസ്യതന്ത്രങ്ങൾ വിജയം കാണും. കിടമത്സരങ്ങളിൽ നിന്നും പിന്മാറുകയില്ല. ഉദ്യോഗസ്ഥർക്ക് ചുമതലകൾ കൂടാനിടയുണ്ട്. സ്വകാര്യസ്ഥാപനത്തിൽ പദവികൾ ലഭിക്കുന്നതാണ്. അയവില്ലാത്ത നിലപാടുകളാൽ സംഘടനയിൽ ഒറ്റപ്പെടാൻ സാധ്യത കാണുന്നു. സന്താനങ്ങളുടെ കാര്യത്തിൽ നല്ലശ്രദ്ധ ആവശ്യമുള്ള സമയമാണ്. കൂട്ടുകെട്ടുകളിൽ ജാഗ്രതയുണ്ടാവണം. വാരാദ്യ ദിവസങ്ങൾക്ക് മേന്മ കുറയാം. വ്യവഹാരങ്ങൾക്ക് മുതിരരുത്. തുലാക്കൂറുകാർക്ക് സർക്കാരിൽ നിന്നും അനുമതി രേഖ കൈവരും.

ചോതി

വാരാദ്യ ദിവസങ്ങളിൽ അഷ്ടമരാശിക്കൂറ് ആകയാൽ കരുതൽ വേണ്ടതുണ്ട്. ശുഭാരംഭങ്ങൾക്ക് നന്നല്ലാത്ത ദിവസങ്ങളാണ്. വാഗ്വാദങ്ങൾക്ക് മുതിരരുത്. ഏറ്റെടുത്ത കാര്യങ്ങളിൽ ആലസ്യത്തിന് സാധ്യത കാണുന്നുണ്ട്. മറ്റു ദിവസങ്ങളിൽ ക്രമാനുഗതമായ ഗുണം പ്രതീക്ഷിക്കാം. പ്രതിയോഗികളെ തമസ്കരിച്ച് മുന്നേറുന്നതാണ്. ഉദ്യോഗപർവ്വം സ്വസ്ഥതയുള്ളതാവും. സ്വകാര്യ സ്ഥാപനത്തിൽ പൂർണ്ണ പ്രവർത്തന സ്വാതന്ത്ര്യമുണ്ടായിരിക്കും. വസ്തുവിൽപ്പനയിൽ നല്ല ജാഗ്രതയുണ്ടാവണം. ദാമ്പത്യത്തിൽ അനുരഞ്ജനത്തിലൂടെ സമാധാനമുണ്ടാവും.

Also Read: കർക്കടക മാസത്തെ സമ്പൂർണ നക്ഷത്രഫലം, അശ്വതി മുതൽ രേവതിവരെ

വിശാഖം

ആലസ്യം ഉപേക്ഷിച്ച് കൂടുതൽ കർമ്മനിരതരാവേണ്ടതുണ്ട്. ആദിത്യൻ അനുകൂലനാവുകയാൽ തൊഴിൽ തടസ്സങ്ങൾ അകലും. ഒപ്പമുള്ളവരേയും അവരുടെ കഴിവുകളേയും ഏകോപിപ്പിക്കുന്നതിൽ വിജയം വരിക്കും. ധാർമ്മിക കാര്യങ്ങൾ അനുഷ്ഠിക്കാൻ സമയം കണ്ടെത്തുന്നതാണ്. ഏജൻസി ഏർപ്പാടുകൾ ലാഭകരമാവും. വൈകാരിക പ്രതികരണങ്ങൾ ഒഴിവാക്കുന്നത് ഉചിതമായിരിക്കും. ജീവിതശൈലീ രോഗങ്ങൾ അല്പം ക്ലേശിപ്പിക്കും. വിദ്യാർത്ഥികൾക്ക് ഏകാഗ്രതയുണ്ടാവും. തുലാക്കൂറുകാർക്ക് വാരാദ്യവും വൃശ്ചികക്കൂറുകാർക്ക് വാരമധ്യവും ഗുണകരമാവില്ല. 

അനിഴം

ഗുണാനുഭവങ്ങൾക്കൊപ്പം ചില കയ്പുരസങ്ങളും ഭവിക്കും. തൊഴിൽ രംഗത്ത് ശോഭിക്കാനാവും.  മേലധികാരികളുടെ പ്രശംസ നേടുന്നതാണ്. മുൻകൂട്ടിയുള്ള ആസൂത്രണം വിജയത്തിലേക്ക് നയിക്കും. തൊഴിൽ തേടുന്നവർക്ക് സ്വകാര്യ സ്ഥാപനത്തിൽ ജോലി ലഭിക്കുന്നതാണ്. സംരംഭങ്ങൾ ബാലാരിഷ്ടകളെ മറികടക്കും. ഭൂമിയിൽ നിന്നും ആദായം വരും. ഗാർഹികാന്തരീക്ഷം അത്ര മെച്ചപ്പെട്ടതാവില്ല. മക്കളെക്കുറിച്ച് ചില ഉൽക്കണ്‌ഠകൾ വരാം. സ്വകാര്യ സ്ഥാപനത്തിലെ നിക്ഷേപങ്ങൾ തിരികെ കിട്ടാൻ ശ്രമം തുടരുന്നതാണ്. ചൊവ്വ, ബുധൻ ദിവസങ്ങളിൽ സ്വസ്ഥത കുറയും. 

തൃക്കേട്ട

ഒമ്പതാം ഭാവത്തിലെ ശുഭഗ്രഹങ്ങളും പത്താം ഭാവത്തിലെ ആദിത്യനും അനുകൂലഫലങ്ങൾ സൃഷ്ടിക്കും. ഭാഗ്യപുഷ്ടിയുണ്ടാവുന്നതാണ്. നറുക്കെടുപ്പിലും ചിട്ടിയിലും ഊഹക്കച്ചവടത്തിലും വിജയിക്കും. പ്രവൃത്തിയിൽ ഏകാഗ്രത പുലർത്തുന്നതാണ്. തടസ്സ സാധ്യതകളെ മുൻകൂട്ടി കണ്ടറിഞ്ഞ് പ്രതിരോധിക്കും. സാമ്പത്തികമായ പിരിമുറുക്കങ്ങൾക്ക് നല്ല അയവുണ്ടാവും. പിതാവിന് അഭ്യുദയം ഉണ്ടാവും. പിതാവിൽ നിന്നും തനിക്ക് നേട്ടങ്ങൾ കൈവരും. ദൂരദിക്കിലെ ജോലിക്കാർക്ക് വീട്ടിനടുത്തേക്ക് ജോലിമാറ്റം കിട്ടുന്നതാണ്. ചൊവ്വയും ബുധനും സുഖവും സുഗമതയും കുറയാനിടയുണ്ട്. കരുതൽ വേണം.

മൂലം

പല അസംതൃപ്തികൾ ഉണ്ടാവുമെങ്കിലും സംതൃപ്തരെന്ന് ഭാവിക്കേണ്ടിവരും. തൊഴിലിടത്തിൽ അദ്ധ്വാനഭാരം പതിവിലുമേറും. വാരാദ്യ ദിവസങ്ങളിൽ ഭോഗസുഖം, സുഹൃൽസമാഗമം മൂലം സന്തോഷം എന്നിവ പ്രതീക്ഷിക്കാം. വായ്പകളുടെ തിരിച്ചടവിന് പണം വന്നെത്തും. ബിസിനസ്സുകാർക്ക് ലാഭം കുറയുന്നതാണ്. സ്റ്റോക്ക് സമാഹരിക്കുന്നതിൽ ശ്രദ്ധ ഉണ്ടാവണം. വിദ്യാർത്ഥികൾക്ക് ഉന്മേഷം കുറയും. കൂട്ടുകെട്ടുകളിൽ രക്ഷിതാക്കൾക്ക് ഉൽക്കണ്ഠയുണ്ടാവും. വ്യാഴം, വെള്ളി ദിവസങ്ങൾ അഷ്ടമരാശിക്കൂറാകയാൽ കരുതൽ വേണ്ടതുണ്ട് 

പൂരാടം

പ്രവർത്തനങ്ങൾ ഏകാഗ്രതയോടെ നിർവഹിച്ച് മേലധികാരികളുടെ പ്രീതിനേടും.  സമയനിഷ്ഠ പാലിക്കാനായേക്കും. പ്രൈവറ്റ് സ്ഥാപനത്തിൽ ജോലി ചെയ്യുന്നവരുടെ വേതനം പരിഷ്കരിക്കപ്പെടാം. വ്യായാമം, ആരോഗ്യകാര്യം ഇവയിൽ ശ്രദ്ധയുണ്ടാവും. സ്വാശ്രയ തൊഴിലിൽ നേട്ടങ്ങൾ വരും. കുടുംബത്തിൻ്റെ മുഴുപിന്തുണ ലഭിക്കുന്നതായിരിക്കും. നവീന ഗൃഹോപകരണങ്ങൾ വാങ്ങും. ദേഹസുഖമുണ്ടാവും. സഭ/ സമാജം/ സംഘടന ഇവയിൽ പ്രവർത്തിക്കുന്നവർക്ക് തിരക്കേറും. വ്യാഴം, വെള്ളി ദിവസങ്ങളിൽ ശുഭാരംഭം ഒഴിവാക്കണം.

ഉത്രാടം

ചില സന്ദിഗ്ദ്ധതകൾ വന്നുചേരും. പുതിയ കാര്യങ്ങൾ ഉൾക്കൊള്ളാൻ മടിക്കുന്നതാണ്. സാങ്കേതികജ്ഞാനം നേടേണ്ടത് അനിവാര്യതയുമാവും. കർമ്മരംഗത്ത് ഉന്മേഷം പുലർത്തും. കാര്യനിർവഹണത്തിൽ സഹപ്രവർത്തകരുടെ പിന്തുണയുണ്ടാവും. ഏജൻസി പ്രവർത്തനങ്ങൾ കൊണ്ട് ധനലാഭം വരും. കുടുംബത്തോടൊപ്പം അവധിക്കാല യാത്രകൾ ആസൂത്രണം ചെയ്യുന്നതാണ്. പുതിയ വീട് നിർമ്മിക്കുന്നതിനെപ്പറ്റി ചർച്ചകളുണ്ടാവും. ബന്ധുക്കളുടെ പ്രവർത്തനങ്ങളിൽ അതൃപ്തി തോന്നുമെങ്കിലും പരസ്യപ്പെടുത്തിയേക്കില്ല.

തിരുവോണം

ഉദ്യോഗസ്ഥർക്ക് പലവിധ നേട്ടങ്ങൾ കരഗതമാവും. പ്രൈവറ്റ് ജോലിയിൽ ശമ്പളക്കൂടുതൽ പ്രതീക്ഷിക്കാം. കലാകാരന്മാർക്ക് അവസരങ്ങൾ കുറയില്ല. വിദ്യാഭ്യാസത്തിൽ ശുഷ്കാന്തി പുലർത്തുന്നതാണ്. പുതുസംരംഭങ്ങളെക്കുറിച്ച് ഗാഢമായി ആലോചിക്കുവാൻ സന്നദ്ധതയുണ്ടാവണം. വിയോജിക്കുന്നവരെ ചേർത്തിണക്കുവാൻ വിഫലശ്രമം നടത്തും. സദ്വാർത്തകൾ കേൾക്കുവാനാവും. വിവാഹാദി മംഗളകർമ്മങ്ങളിൽ പങ്കെടുക്കും. പിതാവിൻ്റെ ആരോഗ്യത്തിൽ ശ്രദ്ധിക്കണം. അഷ്ടമരാശിക്കൂറ് തുടങ്ങുകയാൽ ശനിയാഴ്ചക്ക് മേന്മയുണ്ടാവില്ല.

അവിട്ടം

പൂർവ്വിക സ്വത്തിൽ നിന്നും ആദായമുണ്ടാവും. വ്യാപാരത്തിൽ സാമാന്യമായ പുരോഗതി പ്രതീക്ഷിച്ചാൽ മതി. കടം വാങ്ങാൻ പ്രേരണ വരാം. ചെലവുകൾ ചുരുക്കുകയാവും കൂടുതൽ അഭികാമ്യം. പുതിയ ശാഖ ഇപ്പോൾ തുടങ്ങിയാൽ നഷ്ടം വരാനിടയുണ്ട്. കരാറുപണികൾ തുടരാൻ സാധിച്ചേക്കും. തൊഴിൽ തേടുന്നവർക്ക് താത്കാലിക ജോലി ലഭിക്കാം. കുടുംബത്തിൽ സമാധാനമുണ്ടാവും. മകൻ്റെ ശ്രേയസ്സിൽ അഭിമാനിക്കാൻ കഴിയുന്നതാണ്. കൂട്ടുകെട്ടുകളിൽ കരുതലുണ്ടാവണം. ജന്മനാട്ടിലേക്ക് പോകാൻ യാത്രകൾ ആസൂത്രണം ചെയ്യുന്നതായിരിക്കും.

ചതയം

ഉദ്യോഗത്തിലുള്ള പ്രശ്നങ്ങൾക്ക് പോംവഴി കണ്ടെത്തും. സാമവും ദാനവും ഭേദവുമൊക്കെ വേണ്ടി വന്നേക്കും. അദ്ധ്വാനത്തിൽ പിന്നോട്ടുപോക്കില്ല. ആദർശപ്പടി ജീവിക്കാൻ ശ്രമിക്കുന്നതാണ്. ബിസിനസ്സിൽ കാലാവസ്ഥയുടെ ക്ഷിപ്രമാറ്റങ്ങളും പരിഗണിക്കണം. ലാഭം കുറയുന്നതിനേക്കാൾ നല്ലത് കൈനഷ്ടം വരാതിരിക്കുകയാണ്. ശത്രുക്കളുടെ പ്രവർത്തനങ്ങളെ തമസ്കരിക്കും. അനൗദ്യോഗിക യാത്രകൾ ആവശ്യമാവും. ഭൂമി വ്യാപാരത്തിൽ നഷ്ടം വരാനിടയുണ്ട്. വിവാദങ്ങളിൽ മൗനം ഭൂഷണമാണെന്ന് ഓർമ്മിക്കുക. പതിവ് ആരോഗ്യ പരിശോധനകൾ നീട്ടിവെക്കരുത്.

പൂരൂരുട്ടാതി

സമൂഹത്തിൽ സ്വാധീനം വർദ്ധിക്കും. വാക്കുകൾ ശ്രദ്ധിക്കപ്പെടുന്നതാണ്. സഹായ വാഗ്ദാനങ്ങൾ പാലിക്കപ്പെടും. പുതിയ കാര്യങ്ങൾ ആരംഭിക്കാൻ സാധിക്കുന്നതാണ്. ശനിയും രാഹുവും ചൊവ്വയും അനുകൂലതയിലല്ലാത്തതിനാൽ എപ്പോഴും ജാഗ്രത വേണം. ആലസ്യവും ഉന്മേഷക്കുറവും പെട്ടെന്ന് പിടികൂടാം. തീരുമാനിച്ച കാര്യങ്ങൾ നീട്ടിവെക്കാനുള്ള സാധ്യത തള്ളിക്കളയാനാവില്ല. ലോൺ അപേക്ഷകൾ പരിഗണിക്കാൻ താമസമുണ്ടാവും. വിദേശത്തു കഴിയുന്നവരുടെ ശുഭവർത്തമാനം സന്തോഷമേകും.

ഉത്രട്ടാതി

പരാശ്രയത്തിൽ താല്പര്യമുണ്ടാവില്ലെങ്കിലും ചിലരെ ആശ്രയിക്കേണ്ടിവരും. കാര്യസിദ്ധി എളുപ്പമായേക്കില്ല. ദിവസ വേതനത്തിൽ തുടർജോലി ലഭിക്കുന്നതാണ്. വലിയ തോതിൽ മുതൽമുടക്കുന്നത് ഇപ്പോൾ ആശാസ്യമല്ല. യാത്രകൾ മൂലമുള്ള വ്യാപാരം വിജയിച്ചേക്കും. സുഹൃത്തുക്കളുടെ ഉപദേശം സ്വീകാര്യമാവും. വ്യവഹാരങ്ങൾ നീണ്ടുപോകുന്നതിൽ മനപ്രയാസം ഭവിക്കും. കരാറുകളും വ്യവസ്ഥകളും വായിച്ചുനോക്കാൻ മറക്കരുത്. സാഹിത്യകാരന്മാർക്ക് ഭാവനാവിലാസമുണ്ടാവും. ദാമ്പത്യത്തിൽ അനുരഞ്ജനം അനിവാര്യമാണ്.

രേവതി

പ്രധാന കാര്യങ്ങൾ തടസ്സമില്ലാതെ നടന്നുകൂടും. വിശ്വസിച്ച് ഏൽപ്പിച്ചവ കൃത്യമായി പൂർത്തിയാക്കും. ധനകാര്യത്തിൽ ശ്രദ്ധയുണ്ടാവുന്നതാണ്. ചെലവുകൾ നിയന്ത്രിച്ചേക്കും. പഠനം, ഗവേഷണം ഇവയിൽ മികവുണ്ടാവുന്ന വാരമാണ്. പ്രണയികളുടെ തടസ്സങ്ങൾ നീങ്ങും. മാതാപിതാക്കളെ ബോധ്യപ്പെടുത്താനാവും. പുതിയ ചിട്ടി/ നിക്ഷേപം ഇവയിൽ ചേർന്നേക്കും. വഴിയാത്ര മൂലം ക്ലേശമനുഭവപ്പെടും. കൂട്ടുബിസിനസ്സിനെക്കുറിച്ച് ചർച്ച പുരോഗമിക്കുന്നതാണ്. അയൽ തർക്കങ്ങൾക്ക്  പരിഹാരമുണ്ടാവും. ചൊവ്വ, ബുധൻ, ശനി ദിവസങ്ങൾ ശരാശരിയായിരിക്കും.

Read More: ഓഗസ്റ്റ് മാസത്തെ സമ്പൂർണ നക്ഷത്രഫലം, അശ്വതി മുതൽ രേവതിവരെ