തുലാക്കൂറുകാർക്ക് സന്തുഷ്ട കുടുംബജീവിതം, വൃശ്ചികക്കൂറുകാർക്ക് തൊഴിൽ കിട്ടും, ധനുക്കൂറുകാർക്ക് സർവകാര്യവിജയം

തുലാക്കൂറ് (ചിത്തിര1/2, ചോതി, വിശാഖം3/4)

സന്തോഷപൂർണ്ണമായ കുടുംബജീവിതം, മികച്ച സാമ്പത്തിക സ്ഥിതി എന്നിവ ഉണ്ടാകും. ഒന്നിലധികം വരുമാനമാർഗങ്ങൾ, പുതിയ സംരംഭങ്ങൾ എന്നിവ ഉണ്ടാകും. ആരോഗ്യരംഗത്ത് പ്രയാസങ്ങൾ അനുഭവപ്പെടും. കലാകാരന്മാർ, സാഹിത്യപ്രവർത്തകർ എന്നിവരുടെ പ്രശസ്തി വർദ്ധിക്കും. കച്ചവടം, കൃഷി എന്നിവ ലാഭകരം ആയിരിക്കും. 

ചിങ്ങം, കന്നി, തുലാം മാസങ്ങളിൽ ഔദ്യോഗിക രംഗത്ത് മാറ്റങ്ങൾ, ആരോഗ്യപരമായ വിഷമതകൾ, ശത്രുപീഡ എന്നിവ ഉണ്ടാകും. വൃശ്ചികം, ധനു, മകരം മാസങ്ങളിൽ ധനലാഭം, ബന്ധുജനസുഖം, ആഗ്രഹസഫലീകരണം എന്നിവ ഉണ്ടാകും. കുംഭം, മീനം,മേടം മാസങ്ങളിൽ അന്യദേശവാസം, ശ്രേയസ്സ്, മനഃസന്തോഷം എന്നിവ ഉണ്ടാകും. ഇടവം, മിഥുനം, കർക്കടകം മാസങ്ങളിൽ വരുമാന വർദ്ധനവ്, പുണ്യ പ്രവൃത്തികൾ, ഭൂമിലാഭം എന്നിവ ഉണ്ടാകും.

Also Read: ചിങ്ങ മാസത്തെ സമ്പൂർണ്ണ നക്ഷത്രഫലം, അശ്വതി മുതൽ രേവതി വരെ

വൃശ്ചികക്കൂറ്‍ (വിശാഖം1/4, അനിഴം, തൃക്കേട്ട)

അനാവശ്യചിലവുകൾ ഒഴിവാക്കിയും ആഡംബരഭ്രമം കുറച്ചും സാമ്പത്തിക പ്രയാസങ്ങളെ തരണം ചെയ്യാൻ സാധിക്കും. കർമ്മരംഗത്ത് നേട്ടങ്ങൾ, ജോലിസംബന്ധമായ ദൂരയാത്രകൾ എന്നിവ ഉണ്ടാകും. വ്യാപാരികൾക്ക് വർഷാരംഭത്തിൽ തടസ്സങ്ങൾ ഉണ്ടാകും. വിദ്യാഭ്യാസരംഗത്ത് ഉയർച്ച ഉണ്ടാകും. തൊഴിലന്വേഷകർക്ക് അവസരങ്ങൾ ഉണ്ടാകും. 

Also Read:ഓഗസ്റ്റ് മാസത്തെ സമ്പൂർണ നക്ഷത്രഫലം, അശ്വതി മുതൽ രേവതിവരെ

ചിങ്ങം, കന്നി, തുലാം മാസങ്ങളിൽ ബന്ധുജനവിരഹം, കച്ചവടാഭിവൃദ്ധി, ധനലാഭം എന്നിവ ഉണ്ടാകും. വൃശ്ചികം, ധനു, മകരം മാസങ്ങളിൽ ഗൃഹനിർമ്മാണം, വിദ്യാലാഭം, കീർത്തി എന്നിവ ഉണ്ടാകും. കുംഭം, മീനം, മേടം മാസങ്ങളിൽ ശ്രേയസ്സ്, മനോവ്യാകുലതകൾ, അംഗീകാരങ്ങൾ എന്നിവ ഉണ്ടാകും. ഇടവം, മിഥുനം, കർക്കടകം മാസങ്ങളിൽ സ്ഥലമാറ്റം, ഉദരരോഗങ്ങൾ, കാർഷികാദായം എന്നിവ ഉണ്ടാകും.

ധനുക്കൂറ്‍ (മൂലം, പൂരാടം, ഉത്രാടം1/4)

ഭാഗ്യവും ശ്രേയസ്സും അനുഭവിക്കുന്ന കാലമാണ്. കുടുംബ ജീവിതത്തിൽ നിലനിന്നിരുന്ന പ്രയാസങ്ങൾ പരിഹരിക്കപ്പെടും. വരുമാനമാർഗ്ഗങ്ങൾക്ക് താൽക്കാലിക തടസ്സങ്ങൾ ഉണ്ടാകും. അനാവശ്യ കാര്യങ്ങൾക്ക് പണം ധാരാളം ചിലവഴിക്കും. ആരോഗ്യരംഗം തൃപ്തികരം ആയിരിക്കും. 

Also Read: ശുക്രൻ കർക്കടകം, ചിങ്ങം രാശികളിലേക്ക്; അശ്വതി മുതൽ രേവതി വരെ

ചിങ്ങം, കന്നി, തുലാം മാസങ്ങളിൽ കച്ചവട പുരോഗതി, ദൂര യാത്രകൾ, വിദ്യാലാഭം എന്നിവ ഉണ്ടാകും. വൃശ്ചികം, ധനു, മകരം മാസങ്ങളിൽ കുടുംബപുഷ്ടി, ധനധാന്യസമൃദ്ധി, സത്കർമ്മങ്ങൾ എന്നിവ ഉണ്ടാകും. കുംഭം, മീനം, മേടം മാസങ്ങളിൽ സർവകാര്യവിജയം, നേതൃസ്ഥാന ലബ്ധി, ധനലാഭം എന്നിവ ഉണ്ടാകും. ഇടവം, മിഥുനം, കർക്കടകം മാസങ്ങളിൽ ഗൃഹ ഐശ്വര്യം, പരീക്ഷാവിജയം, വാഹന ലാഭം എന്നിവ  ഉണ്ടാകും.

Read More: നിങ്ങളുടെ ജീവിതപങ്കാളി എങ്ങനെയുള്ള ആളാവും?