Weight Loss: ഡയറ്റിൽ മാത്രം മാറ്റം വരുത്തി; 1 വർഷം കൊണ്ട് 129 കിലോയിൽനിന്ന് 50 ആക്കി വണ്ണം കുറച്ച് യുവതി

ശരീര ഭാരം കുറച്ച് സോഷ്യൽ മീഡിയയിൽ വൈറലായി മാറിയ നിരവധി പേരുണ്ട്. സുഷ്മിത ഗൗതം എന്ന യുവതി 1 വർഷം കൊണ്ട് 129 കിലോയിൽനിന്നും 50 ലേക്ക് ശരീര ഭാരം എത്തിച്ചാണ് ഞെട്ടിച്ചിരിക്കുന്നത്. 2023 ൽ ശരീര ഭാരം 129 ൽ എത്തിയപ്പോഴാണ് സുഷ്മിത വണ്ണം കുറയ്ക്കാൻ തീരുമാനിച്ചത്. പലതവണ ശരീര ഭാരം കുറഞ്ഞെങ്കിലും, കുറച്ചു കഴിഞ്ഞപ്പോൾ തിരികെ പഴയ പടിയിലേക്ക് എത്തിയതായി ഇൻസ്റ്റഗ്രാമിൽ പങ്കുവച്ച പോസ്റ്റിൽ യുവതി വ്യക്തമാക്കി. 

അമിതമായി ഭക്ഷണം കഴിക്കുന്നതോ അനാരോഗ്യകരമായ ഭക്ഷണക്രമം പിന്തുടരുന്നതോ ആണ് ശരീര ഭാരം കൂടുന്നതിന് പിന്നിലെന്ന് മനസിലാക്കി. 2024 ൽ കർശനമായ ഡയറ്റ് പിന്തുടർന്നുവെന്നും ഒരു വർഷം കൊണ്ട് ശരീര ഭാരം 50 ലേക്ക് എത്തിച്ചെന്നും യുവതി വെളിപ്പെടുത്തി. ശരീര ഭാരം കുറയ്ക്കാൻ ഭക്ഷണക്രമത്തിൽ മാത്രമാണ് താൻ മാറ്റം വരുത്തിയതെന്ന് യുവതി പറഞ്ഞു. ദൈനംദിന ഭക്ഷണത്തിൽ ധാരാളം പനീർ ഉൾപ്പെടുത്തുകയും വീട്ടിൽ പാകം ചെയ്ത ഭക്ഷണം മാത്രം കഴിക്കാൻ ശ്രമിച്ചതായും സുഷ്മിത പറഞ്ഞു.

View this post on Instagram

A post shared by Sushmita Gautam (@isushmita23)

ശരീര ഭാരം കുറച്ചതിനുശേഷം പിസിഒഡി, തൈറോയ്ഡ്, സെർവിക്കൽ (കഴുത്ത്/നട്ടെല്ല് വേദന), ശ്വസന ബുദ്ധിമുട്ടുകൾ, പിഗ്മെന്റേഷൻ എന്നിവയുൾപ്പെടെയുള്ള നിരവധി ആരോഗ്യ പ്രശ്നങ്ങളിൽനിന്നും തനിക്ക് ആശ്വാസം ലഭിച്ചതായും യുവതി വ്യക്തമാക്കി. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• വേനൽക്കാലത്ത് ഈന്തപ്പഴം കഴിക്കാമോ?
• പാലിൽ ഒരു നുള്ള് കറുവാപ്പട്ട ചേർത്ത് കുടിക്കൂ; സുഖമായി ഉറങ്ങാം, ബ്ലഡ് ഷുഗർ നിയന്ത്രിക്കാം
• കൊളസ്ട്രോൾ കുറയ്ക്കാൻ കറിവേപ്പില മതി; ഈ 5 രീതിയിൽ കഴിച്ചോളൂ
• പട്ടിണി കിടക്കാതെ ശരീര ഭാരം കുറയ്ക്കാം; ഇതാ 7 വഴികൾ