പട്ടിണി കിടക്കാതെ ശരീര ഭാരം കുറയ്ക്കാം; ഇതാ 7 വഴികൾ

ശരീര ഭാരം കുറയ്ക്കുക എന്നതുകൊണ്ട് ഉദ്ദേശിക്കുന്നത് പട്ടിണി കിടക്കുന്നതല്ല. ശരീര ഭാരം നിലനിർത്താൻ ആരോഗ്യകരമായ ജീവിതശൈലി സ്വീകരിക്കുകയും ആരോഗ്യകരവും തൃപ്തി നൽകുന്നതുമായ ഭക്ഷണങ്ങൾ തിരഞ്ഞെടുക്കുകയും വേണം. ശരീരഭാരം കുറയ്ക്കാൻ സഹായിക്കുന്ന ചില പ്രകൃതിദത്ത വഴികളുണ്ട്.

1. കുറച്ചല്ല, കൂടുതൽ കഴിക്കുക

നാരുകൾ അടങ്ങിയ ഭക്ഷണങ്ങളായ സലാഡുകൾ, പച്ചക്കറികൾ, പഴങ്ങൾ, ധാന്യങ്ങൾ, പയർവർഗ്ഗങ്ങൾ എന്നിവ കൂടുതൽ നേരം വയറു നിറഞ്ഞിരിക്കാൻ സഹായിക്കും. ഇത് ഭക്ഷണത്തിനിടയിൽ ലഘുഭക്ഷണം കഴിക്കാനുള്ള പ്രവണത കുറയ്ക്കും. 

2. ആദ്യ ഭക്ഷണം പ്രോട്ടീൻ

പേശികളുടെ വളർച്ചയിലും സംതൃപ്തി നൽകുന്നതിലും ഉപാപചയപ്രവർത്തനം വർധിപ്പിക്കുന്നതിലും പ്രോട്ടീൻ പ്രധാന പങ്കുവഹിക്കുന്നു. ഭക്ഷണം പ്രോട്ടീൻ സമ്പുഷ്ടമാക്കാൻ മുട്ട, പയർവർഗ്ഗങ്ങൾ, പാലുൽപ്പന്നങ്ങൾ എന്നിവ ഉൾപ്പെടുത്തുക.

3. ധാരാളം വെള്ളം കുടിക്കുക

ചിലപ്പോൾ വിശപ്പിനെ ദാഹമായി തെറ്റിദ്ധരിക്കാറുണ്ട്. ആവശ്യത്തിന് വെള്ളം കുടിക്കുന്നത് ദഹനം മെച്ചപ്പെടുത്തുകയും വിശപ്പ് ശമിപ്പിക്കാൻ സഹായിക്കുകയും ചെയ്യുന്നു.

4. കൂടുതൽ ചലിക്കുക

നടത്തം, നൃത്തം, സ്ട്രെച്ചിങ് പോലുള്ള ആക്ടിവിറ്റികൾ ജിമ്മിൽ മണിക്കൂറുകൾ ചെലവഴിക്കാതെ തന്നെ ഉപാപചയപ്രവർത്തനം വർധിപ്പിക്കുകയും കലോറി കത്തിക്കുകയും ചെയ്യും.

5. മധുരം കുറയ്ക്കുക

പഞ്ചസാര അടങ്ങിയ പാനീയങ്ങൾ, പ്രോസസ്ഡ് ഭക്ഷണങ്ങൾ, റിഫൈൻഡ് കാർബോഹൈഡ്രേറ്റുകൾ എന്നിവ ശരീരഭാരം വർധിപ്പിക്കുന്നതിനും ഊർജം കുറയ്ക്കുന്നതിനും കാരണമാകുന്നു. മിതമായ അളവിൽ തേൻ അല്ലെങ്കിൽ ശർക്കര പോലുള്ള പ്രകൃതിദത്ത മധുരപലഹാരങ്ങൾ ഉപയോഗിക്കുക.

6. സ്ട്രെസ് കുറയ്ക്കുക, ഉറക്കത്തിന് പ്രാധാന്യം നൽകുക

ഉറക്കക്കുറവും അമിത സമ്മർദവും അമിതവണ്ണത്തിന് ഇടയാക്കും. 7-8 മണിക്കൂർ ഉറങ്ങുക, ധ്യാനം, പ്രാണായാമം പോലുള്ളവ പരിശീലിക്കുക.

7. ഡയറ്റിങ്ങിനേക്കാൾ ശ്രദ്ധയോടെ ഭക്ഷണം കഴിക്കുക

ശരീരം നൽകുന്ന സിഗ്നലുകൾ ശ്രദ്ധിക്കുക, വിശക്കുമ്പോൾ ഭക്ഷണം കഴിക്കുക, വയർ നിറയുമ്പോൾ നിർത്തുക, വൈകാരികമായി ഭക്ഷണം കഴിക്കുന്നത് ഒഴിവാക്കുക.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ഈ 7 ഗുണങ്ങൾ അറിഞ്ഞാൽ ആരും ബദാം കഴിച്ചുപോകും
• നെഞ്ചെരിച്ചിൽ പ്രശ്നമാണോ? പ്രതിവിധി വീട്ടിലുണ്ട് 
• നാല് മാസം കൊണ്ട് 25 കിലോ കുറയ്ക്കാം, ഈ 10 തെറ്റിദ്ധാരണകൾ ഒഴിവാക്കൂ
• ദിവസവും ഉപ്പ് കൂടുതൽ കഴിച്ചാൽ ശരീരത്തിന് എന്ത് സംഭവിക്കും? എത്ര അളവ് കഴിക്കാം?