നാല് മാസം കൊണ്ട് 25 കിലോ കുറയ്ക്കാം, ഈ 10 തെറ്റിദ്ധാരണകൾ ഒഴിവാക്കൂ

ശരീര ഭാരം കുറയ്ക്കാൻ ശ്രമിക്കുമ്പോൾ പലരും പല അഭിപ്രായങ്ങളുമായി നമ്മുടെ അടുത്ത് എത്താറുണ്ട്. ഇത് ശരീര ഭാരം കുറയ്ക്കുന്നതുമായി ബന്ധപ്പെട്ട പല തെറ്റിദ്ധാരണകൾക്കും കാരണമാകും. ഈ തെറ്റിദ്ധാരണകൾ ഒഴിവാക്കിയാൽ തന്നെ ശരീര ഭാരം എളുപ്പത്തിൽ കുറയ്ക്കാമെന്ന് പറയുകയാണ് ന്യൂട്രീഷ്യനിസ്റ്റ് അമാക. വെറും 4 മാസം കൊണ്ട് 24 കിലോയാണ് അവർ കുറച്ചത്. ശരീരഭാരം കുറയ്ക്കാനുള്ള യാത്രയിൽ വിശ്വസിക്കാൻ പാടില്ലാത്ത 10 കാര്യങ്ങളെക്കുറിച്ച് അവർ ഇൻസ്റ്റഗ്രാം പോസ്റ്റിൽ വിശദീകരിച്ചിട്ടുണ്ട്. 

1. കുറച്ച് ഭക്ഷണം കഴിക്കുക, കൂടുതൽ നടക്കുക

ശരീര ഭാരം കുറയ്ക്കാൻ കലോറി കുറവ് ആവശ്യമാണ്, എന്നാൽ, അതിനുവേണ്ടി പട്ടിണി കിടക്കേണ്ട ആവശ്യമില്ല. അങ്ങനെ ചെയ്യുന്നത് ഉപാപചയപ്രവർത്തനത്തെ മന്ദഗതിയിലാക്കുകയും പിന്നീട് അമിതമായി ഭക്ഷണം കഴിക്കാൻ ഇടയാക്കുകയും ചെയ്യുന്നു. ഉപവസിക്കുന്നുണ്ടെങ്കിൽ പോലും, ഭക്ഷണം ശരിയായ അളവിൽ സമതുലിതമാണെന്ന് ഉറപ്പാക്കുക.

2. കാർബോഹൈഡ്രേറ്റുകളാണ് ശത്രു

കാർബോഹൈഡ്രേറ്റ് നിങ്ങളുടെ വണ്ണം കൂട്ടില്ല, അമിതമായി കഴിക്കുന്നത് ശരീര ഭാരം കൂട്ടുന്നു. മധുരക്കിഴങ്ങ്, ഓട്സ് തുടങ്ങിയ ആരോഗ്യകരമായ കാർബോഹൈഡ്രേറ്റുകൾ ശരീരഭാരം കുറയ്ക്കാൻ സഹായിക്കുന്നു.

3. കൊഴുപ്പ് കഴിക്കുന്നത് വണ്ണം കൂട്ടും

കൊഴുപ്പ് കത്തിച്ച് വയർ നിറയാൻ ശരീരത്തിന് ആരോഗ്യകരമായ കൊഴുപ്പുകൾ (അവക്കാഡോ, നട്സ് പോലുള്ളവ) ആവശ്യമാണ്.

4. രാവിലെയും വൈകുന്നേരവും കുടിക്കുന്ന പാനീയങ്ങൾ ഉപയോഗശൂന്യമാണ്

രാവിലെയും വൈകുന്നേരവും കുടിക്കുന്ന പാനീയങ്ങൾ ശരീരഭാരം കുറയ്ക്കാൻ സഹായിക്കും. ശരീരത്തിലെ ജലാംശം നിലനിർത്താനും, ദഹനത്തെ സഹായിക്കാനും, വിശപ്പ് കുറയ്ക്കാനും സഹായിക്കും.

5. ശരീരഭാരം കുറയ്ക്കാൻ ഗുളികകളും ചായയും സഹായിക്കും

ചായയോ ഗുളികയോ കൊഴുപ്പ് കത്തിക്കുന്നില്ല. ശരിയായ രീതിയിൽ ഭക്ഷണം കഴിക്കുകയും ആക്ടീവായി തുടരുകയും ചെയ്യുക.

6. വ്യായാമം ചെയ്താൽ മാത്രമേ വയറിലെ കൊഴുപ്പ് കത്തിക്കാനാകൂ

കൊഴുപ്പ് എവിടെ നിന്ന് കുറയ്ക്കണമെന്ന് നിങ്ങൾക്ക് തീരുമാനിക്കാൻ കഴിയില്ല. നല്ല ഭക്ഷണക്രമവും വ്യായാമവും വയറിലെ കൊഴുപ്പ് കത്തിക്കാൻ സഹായിക്കും.

View this post on Instagram

A post shared by CERTIFIED NUTRITIONIST (@shred_with_amaka)

7. രാത്രി വൈകി ഭക്ഷണം കഴിക്കുന്നത് വണ്ണം കൂട്ടും

സമയത്തേക്കാൾ പ്രധാനമാണ് മൊത്തം കലോറി ഉപഭോഗമാണ്. രാത്രിയിലെ ആരോഗ്യകരമായ ലഘുഭക്ഷണം ശരീര ഭാരം കുറയ്ക്കലിനെ ബാധിക്കില്ല. ഭക്ഷണം ശരിയായി ദഹിക്കുന്നുണ്ടെന്ന് ഉറപ്പാക്കാൻ കൃത്യസമയത്ത് ഭക്ഷണം കഴിക്കാൻ ശ്രമിക്കണം.

8. പ്രിയപ്പെട്ട ഭക്ഷണങ്ങളെല്ലാം ഉപേക്ഷിക്കണം

ഇഷ്ടപ്പെട്ട ഭക്ഷണങ്ങൾ മിതമായി കഴിക്കുന്നതിലൂടെ ശരീരഭാരം കുറയ്ക്കാൻ കഴിയും. മിതമായ അളവിൽ ഭക്ഷണം കഴിക്കുകയും, അമിതമാകാതെ ശ്രദ്ധിക്കുകയും, എപ്പോൾ കഴിക്കണമെന്നും ശ്രദ്ധിക്കുകയാണ് പ്രധാന കാര്യം. 

9. ഭാരോദ്വഹനം നിങ്ങളെ പേശീബലമുള്ളവരാക്കും

കാർഡിയോ വ്യായാമത്തേക്കാൾ സ്ട്രെങ്ത് പരിശീലനം കൊഴുപ്പ് കത്തിച്ചുകളയാൻ സഹായിക്കും. അതിനാൽ ഭാരോദ്വഹനം ആരംഭിക്കാൻ ഭയപ്പെടരുത്.

10. പുരോഗതിയുടെ ഏറ്റവും മികച്ച അളവുകോലാണ് സ്കെയിൽ

ശരീര ഭാരത്തിൽ മാത്രം ശ്രദ്ധിക്കുന്നതിനുപകരം, നിങ്ങളുടെ വസ്ത്രങ്ങൾ യോജിക്കുന്നുണ്ടോ എന്നിവയൊക്കെ ട്രാക്ക് ചെയ്യുക. അങ്ങനെ ചെയ്താൽ ശരീര ഭാരം കുറയുന്നുണ്ടോയെന്ന് നിങ്ങൾക്ക് മനസിലാക്കാൻ കഴിയും.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ദിവസവും ഉപ്പ് കൂടുതൽ കഴിച്ചാൽ ശരീരത്തിന് എന്ത് സംഭവിക്കും? എത്ര അളവ് കഴിക്കാം?
• നെയ്യ് വെറുതെ കഴിക്കുന്നതിനു പകരം ഇങ്ങനെ ചെയ്തു നോക്കൂ, ഏറെ ഗുണങ്ങളുണ്ട്
• കോവയ്ക്ക കഴിച്ചാൽ കിട്ടുന്ന ഈ ഗുണങ്ങൾ അറിഞ്ഞാൽ അതിശയിക്കും
• ശരീര ഭാരം കുറയ്ക്കുന്നത് എളുപ്പമാക്കണോ? ഈ 7 ടിപ്‌സുകൾ അറിഞ്ഞിരിക്കൂ