ശരീര ഭാരം കുറയ്ക്കുന്നത് എളുപ്പമാക്കണോ? ഈ 7 ടിപ്‌സുകൾ അറിഞ്ഞിരിക്കൂ

ശരീര ഭാരം കുറയ്ക്കാൻ കഠിനമായ ഡയറ്റും വർക്ക്ഔട്ടും പിന്തുടരുന്ന നിരവധി പേരുണ്ട്. ഇതൊന്നും ഇല്ലാതെ വളരെ എളുപ്പത്തിൽ ശരീര ഭാരം കുറയ്ക്കാൻ സാധിക്കും. ഫാറ്റ് കോച്ച് മബ്താബ് എകായ് വെറും 3 മാസം കൊണ്ട് 9 കിലോ കുറച്ചത് ചില ലളിതമായ ജീവിതശൈലി മാറ്റങ്ങളിലൂടെയാണ്. തനിക്ക് ശരീര ഭാരം കുറയ്ക്കാൻ സഹായിച്ച 7 കാര്യങ്ങളെക്കുറിച്ച് ഇൻസ്റ്റഗ്രാം പോസ്റ്റിൽ അവർ വിശദീകരിച്ചിട്ടുണ്ട്. 

1. പ്രഭാതഭക്ഷണത്തിന് പച്ചക്കറികൾ കഴിക്കുക

പ്രഭാതഭക്ഷണത്തിൽ പച്ചക്കറികൾ, പ്രോട്ടീൻ, കൊഴുപ്പ് എന്നിവ ഉൾപ്പെടുത്തുക. ഇതിലൂടെ 4–5 മണിക്കൂർ വയർ നിറഞ്ഞിരിക്കുകയും പഞ്ചസാരയോടുള്ള ആസക്തി കുറയ്ക്കുകയും ലഘുഭക്ഷണമോ അമിതമായി കഴിക്കുന്നതോ തടയുകയും ചെയ്യും.

2. എല്ലാ ഭക്ഷണത്തിലും നാരുകൾ ഉൾപ്പെടുത്തുക

ഓരോ ഭക്ഷണത്തിലും നാരുകൾ ഉൾപ്പെടുത്തുക. പ്രതിദിനം 25–35 ഗ്രാം ലക്ഷ്യം വയ്ക്കുക. ആപ്പിൾ, പിയർ, പയർവർഗങ്ങൾ, കടല, ബ്ലാക്ക് ബീൻസ്, ഓട്സ്, ധാന്യങ്ങൾ കൊണ്ടുള്ള ബ്രെഡ് എന്നിവ മികച്ച ഓപ്ഷനുകളാണ്.

3. കാർബോഹൈഡ്രേറ്റുകൾ കഴിക്കരുത്

കാർബോഹൈഡ്രേറ്റുകൾ അടങ്ങിയ ലഘുഭക്ഷണം ഒഴിവാക്കുക. വെറും വയറ്റിൽ മധുരപലഹാരങ്ങൾ കഴിക്കുന്നതിനുപകരം പ്രധാന ഭക്ഷണത്തിനുശേഷം കഴിക്കുക.

4. എല്ലാ ദിവസവും ചെറിയ രീതിയിൽ വ്യായാമം ചെയ്യുക

ദിവസവും ചെറിയ അളവിൽ വ്യായാമം ചെയ്യുക. ഉദാഹരണത്തിന്, 20 മിനിറ്റ് രാവിലെ നടത്തം, ഭക്ഷണത്തിന് ശേഷം രണ്ട് 20 മിനിറ്റ് നടത്തം, കുടുംബാംഗങ്ങളുമായോ സുഹൃത്തുക്കളുമായോ 30–40 മിനിറ്റ് വൈകുന്നേര നടത്തം എന്നിവ ദിവസവും പതിനായിരം ചുവടുകൾ എളുപ്പത്തിൽ നേടാൻ നിങ്ങളെ സഹായിക്കും.

5. ജലാംശം വർധിപ്പിക്കുക

ധാരാളം വെള്ളം കുടിക്കുക. ഒരു വലിയ വാട്ടർ ബോട്ടിൽ എടുത്ത് രാവിലെ അതിൽ വെള്ളം നിറച്ച് ദിവസം മുഴുവൻ കുടിക്കുക.

View this post on Instagram

A post shared by Mahtab Ekay | Fat Loss Coach for Women (@fitbymahtab)

6. കൂടുതൽ പ്രോട്ടീൻ കഴിക്കുക

പ്രോട്ടീൻ അളവ് ഇരട്ടിയാക്കുക. മുട്ട കഴിക്കുക, സാൻഡ്‌വിച്ചുകളിൽ കോട്ടേജ് ചീസ് ഉപയോഗിക്കുക, പകുതി അല്ലാതെ ഒരു മുഴുവൻ ചിക്കൻ ബ്രെസ്റ്റ് കഴിക്കുക.

7. ഇഷ്ടപ്പെട്ട ഡെസർട്ട് കഴിക്കുക

നിങ്ങൾക്ക് ഇഷ്ടപ്പെട്ട ഡെസർട്ട് ദിവസവും കഴിക്കുക. നിങ്ങൾക്ക് ഏറ്റവും ഇഷ്ടപ്പെട്ട ഒരു ഡെസർട്ട് തിരഞ്ഞെടുക്കുക, എല്ലാ ദിവസവും അത് കഴിക്കുക, ബാക്കിയുള്ള മധുരപലഹാരങ്ങൾ ഒഴിവാക്കുക.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ഓഫീസ് മെഷീനിലെ കോഫി കൊളസ്ട്രോൾ കൂട്ടുമോ?
• ഭക്ഷണത്തിനു മുമ്പ് ഇവയിലൊന്ന് കുടിക്കൂ, ദഹനപ്രശ്നങ്ങൾ പമ്പ കടക്കും
• നെല്ലിക്ക കൊളസ്ട്രോൾ കുറയ്ക്കുമോ? ദിവസവും എത്ര കഴിക്കണം
• രാവിലെ 2 കറിവേപ്പില ചവയ്ക്കാം, 9 ആരോഗ്യഗുണങ്ങൾ നേടി തരും