നെല്ലിക്ക കൊളസ്ട്രോൾ കുറയ്ക്കുമോ? ദിവസവും എത്ര കഴിക്കണം

ചീത്ത കൊളസ്ട്രോൾ അല്ലെങ്കിൽ എൽഡിഎൽ കൊളസ്ട്രോൾ കുറഞ്ഞിരിക്കുന്നതാണ് ആരോഗ്യത്തിന് നല്ലതായി പൊതുവേ പറയാറുള്ളത്. കൊഴുപ്പ് കൂടിയ ഭക്ഷണങ്ങള്‍ കൂടുതലായി കഴിക്കുമ്പോള്‍ ചീത്ത കൊളസ്‌ട്രോള്‍ ഉത്പാദനത്തിന് കാരണമാകുന്നു. ചിലരിൽ എൽഡിഎൽ കൊളസ്ട്രോൾ കൂടുതലായിരിക്കും. ഇത് ഹൃദയാരോഗ്യത്തെ ദോഷകരമായി ബാധിക്കും. ഇത് കുറയ്ക്കാൻ ചില ഭക്ഷണങ്ങൾ സഹായിക്കും. അതിലൊന്നാണ് നെല്ലിക്ക.

പോഷകങ്ങളുടെയും സംയുക്തങ്ങളുടെയും ഒരു കലവറയാണ് നെല്ലിക്ക. ആന്റിഓക്‌സിഡന്റുകൾ, പോളിഫെനോളുകൾ, വിറ്റാമിൻ സി എന്നിവയാൽ സമ്പന്നമാണിത്. വിറ്റാമിൻ സി, ഫ്ലേവനോയ്ഡുകൾ, പോളിഫെനോളുകൾ എന്നിവയാൽ നിറഞ്ഞിരിക്കുന്ന നെല്ലിക്ക ഓക്‌സിഡേറ്റീവ് സ്ട്രെസ് അല്ലെങ്കിൽ കോശ നാശത്തെ ചെറുക്കുന്നു. കൊളസ്ട്രോൾ കുറയ്ക്കാൻ നെല്ലിക്ക സഹായിക്കുമെന്ന് ചില ഗവേഷണങ്ങൾ സൂചിപ്പിക്കുന്നു. 

കരളിൽ കൊളസ്ട്രോളിന്റെ ഉത്പാദനം സ്വാഭാവികമായി കുറയ്ക്കുന്നതിലൂടെ, ആരോഗ്യകരമായ കൊളസ്ട്രോൾ അളവ് നിലനിർത്താൻ നെല്ലിക്ക സഹായിക്കുന്നു. രക്തത്തിൽ നിന്ന് അധിക കൊളസ്ട്രോൾ നീക്കം ചെയ്യാൻ സഹായിക്കുന്നു. നെല്ലിക്കയുടെ ദിവസവും കഴിക്കുന്നത് എൽഡിഎൽ കൊളസ്ട്രോൾ ഗണ്യമായി കുറയ്ക്കുകയും, നല്ല കൊളസ്ട്രോൾ എന്നറിയപ്പെടുന്ന എച്ച്ഡിഎൽ (ഉയർന്ന സാന്ദ്രതയുള്ള ലിപ്പോപ്രോട്ടീൻ) കൊളസ്ട്രോൾ വർധിപ്പിക്കുകയും ചെയ്യുന്നുവെന്ന് ക്ലിനിക്കൽ പഠനങ്ങൾ തെളിയിച്ചിട്ടുണ്ട്.

ദിവസവും എത്ര നെല്ലിക്ക കഴിക്കണം?

കൊളസ്ട്രോൾ നിയന്ത്രിക്കുന്നതിന് നെല്ലിക്കയുടെ അനുയോജ്യമായ അളവ് അവ കഴിക്കുന്ന രീതിയെ ആശ്രയിച്ച് വ്യത്യാസപ്പെടുന്നു. ദിവസവും ഒന്നോ രണ്ടോ നെല്ലിക്ക കഴിക്കാം. ജ്യൂസ് രൂപത്തിലാണെങ്കിൽ 20-30 മില്ലി (ഏകദേശം 2 ടേബിൾസ്പൂൺ) വെള്ളത്തിൽ കലർത്തി രാവിലെ വെറും വയറ്റിൽ കുടിക്കുക. പൊടി രൂപത്തിലാണെങ്കിൽ 1-2 ടീസ്പൂൺ (3-6 ഗ്രാം) ചൂടുവെള്ളത്തിലോ തേനിലോ കലർത്തി ദിവസത്തിൽ ഒന്നോ രണ്ടോ തവണ കഴിക്കുക. കുറച്ച് മാസത്തേക്ക് പതിവായി കഴിക്കുന്നത് കൊളസ്ട്രോൾ കുറയ്ക്കാൻ സഹായിക്കും. 

നെല്ലിക്ക പൊതുവെ സുരക്ഷിതമാണെങ്കിലും, അമിതമായ ഉപഭോഗം അസിഡിറ്റി അല്ലെങ്കിൽ വയറ്റിലെ അസ്വസ്ഥത, ആസിഡ് റിഫ്ലക്സ് എന്നിവയ്ക്ക് കാരണമായേക്കാം. പ്രമേഹമുള്ളവർ പതിവായി നെല്ലിക്ക കഴിക്കുകയാണെങ്കിൽ അവരുടെ രക്തത്തിലെ പഞ്ചസാരയുടെ അളവ് നിരീക്ഷിക്കണം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• രാവിലെ 2 കറിവേപ്പില ചവയ്ക്കാം, 9 ആരോഗ്യഗുണങ്ങൾ നേടി തരും
• 1 മാസം കൊണ്ട് 5 കിലോ കുറയ്ക്കാം, ഈ 7 കാര്യങ്ങൾ ചെയ്തോളൂ
• ഉറങ്ങാൻ കിടക്കുന്നതിനു മുമ്പ് പാൽ ഇങ്ങനെ കുടിച്ചു നോക്കൂ? ഗുണങ്ങൾ ഏറെയാണ്
• വെറും വയറ്റിൽ മഞ്ഞൾ വെള്ളം കുടിക്കുന്നത് ആരോഗ്യത്തിന് ഗുണകരമോ?