Weight Loss: വീട്ടിലെ ഭക്ഷണം മാത്രം കഴിച്ചു, 101 കിലോയിൽനിന്ന് 62 കിലോയായി വണ്ണം കുറച്ച് 24കാരി

Weight Loss Tips: ശരീര ഭാരം കുറച്ച് സോഷ്യൽ മീഡിയയിൽ വൈറലായ താരമാണ് 24 കാരിയായ കോപൽ അഗർവാൾ. ശരീര ഭാരം 101 കിലോ എത്തിയപ്പോഴാണ് കോപൽ വണ്ണം കുറയ്ക്കാനുള്ള തീരുമാനം എടുത്തത്. വീട്ടിൽ തയ്യാറാക്കിയ ആരോഗ്യകരമായ ഭക്ഷണം അടങ്ങിയ ഡയറ്റും പതിവ് വ്യായാമവും 62 കിലോ കുറയ്ക്കാൻ കോപലിനെ സഹായിച്ചു. തനിക്ക് ഇഷ്ടമുള്ള വസ്ത്രങ്ങളെല്ലാം ഇപ്പോൾ ധരിക്കാൻ കഴിയുന്നുണ്ടെന്ന് യുകെയിൽ പഠിക്കുന്ന കോപൽ പറയുന്നു.

ശരീര ഭാരം കുറച്ചതിലൂടെ, ശാരീരിക ആരോഗ്യം മാത്രമല്ല, മാനസികാരോഗ്യവും ആത്മാഭിമാനവും മെച്ചപ്പെടുത്താൻ സാധിച്ചതായി യുവതി പറഞ്ഞു. ശരീരഭാരം കുറയ്ക്കുന്നതിന് വേണ്ടി താൻ എന്താണ് കഴിച്ചതെന്നും കോപൽ വിശദീകരിച്ചിട്ടുണ്ട്. 

പ്രഭാതഭക്ഷണം 

ഒന്നുകിൽ അഞ്ച് മുട്ടയുടെ വെള്ളയും ഒരു റൊട്ടിയും, അതല്ലെങ്കിൽ 1 ബൗൾ പോഹയും 2 കഷ്ണം പനീറും, അതല്ലെങ്കിൽ പഴങ്ങൾ ചേർത്ത് ഔരു ബൗൾ യോഗർട്ട്. ഈ മൂന്നിൽ ഏതെങ്കിലും ഒന്നാണ് പ്രഭാത ഭക്ഷണമായി കഴിക്കുക.

ഉച്ചയ്ക്ക് മുൻപ് (ഏതെങ്കിലും ഒന്ന്)

ഒരു ബൗൾ തണ്ണിമത്തൻ അല്ലെങ്കിൽ സ്ട്രോബെറി അതല്ലെങ്കിൽ കരിക്കിൻ വെള്ളം

ഉച്ചഭക്ഷണം (ഇതിൽ ഏതെങ്കിലും ഒന്ന്)

100 ഗ്രാം ചിക്കനൊപ്പം വിവിധ ഇലക്കറികൾ, അല്ലെങ്കിൽ തൈരിനൊപ്പം കിച്ചഡി, 
അതല്ലെങ്കിൽ പച്ചക്കറികൾക്കൊപ്പം പനീർ ബുർജി

വൈകുന്നേരം

1 കപ്പ് ​ഗ്രീൻ ടീ

അത്താഴം (ഇതിൽ ഏതെങ്കിലും ഒന്ന്)

പനീർ അൽപം പച്ചക്കറികൾ ചേർത്ത് കഴിക്കുക, അതല്ലെങ്കിൽ 100 ഗ്രാം ചിക്കൻ സാലഡ് അതല്ലെങ്കിൽ എഗ് ബുർജി

View this post on Instagram

A post shared by KOPAL AGARWAL | Fitness | Nutrition | Skincare | Travel (@_kopal.agarwal_)

വെറും 6 മാസം കൊണ്ട് 32 കിലോ കുറയ്ക്കാൻ തന്നെ സഹായിച്ച ചില കാര്യങ്ങളെക്കുറിച്ചും കോപൽ പറഞ്ഞിട്ടുണ്ട്. 

• രാവിലെ നേരത്തെ എഴുന്നേൽക്കുകയും നേരത്തെ ഉറങ്ങുകയും ചെയ്യുക.
• ചൂടുവെള്ളം കുടിച്ച് കൊണ്ട് ദിവസം തുടങ്ങുക. എല്ലാ ദിവസവും കുറഞ്ഞത് മൂന്ന് ലിറ്റർ വെള്ളം കുടിക്കുക
• ദിവസവും കുറഞ്ഞത് 10,000 ചുവടുകൾ നടക്കുക
• പഞ്ചസാരയും ജങ്ക് ഫുഡും പൂർണ്ണമായും ഒഴിവാക്കുകയും വീട്ടിൽ പാകം ചെയ്ത ഭക്ഷണം മാത്രം കഴിക്കുകയും ചെയ്യുക.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ദിവസവും നടന്നിട്ടും ശരീരഭാരം കുറയുന്നില്ലേ? ഈ തെറ്റുകൾ തിരിച്ചറിയുക
• രക്തസമ്മർദ്ദം കുറയ്ക്കാം; ഈ 5 ഭക്ഷണങ്ങൾ കഴിക്കൂ
• വയറിലെ കൊഴുപ്പ് കുറച്ച് പരന്നതാക്കാം; ചൂടുവെള്ളത്തിൽ വെളുത്തുള്ളി ചേർത്ത് രാത്രി കുടിക്കൂ
• ഡയറ്റ് ഒന്നും വേണ്ട; ശരീര ഭാരം കുറയ്ക്കാൻ ഈ 5 കാര്യങ്ങൾ ശീലമാക്കൂ