നടത്തം അല്ലെങ്കിൽ വർക്ക്ഔട്ട്: ശരീരഭാരം കുറയ്ക്കാൻ ഏതാണ് നല്ലത്?

ചിലർ മണിക്കൂറുകൾ ജിമ്മിൽ ചെലവിട്ട് ശരീര ഭാരം കുറയ്ക്കാൻ താൽപര്യപ്പെടുന്നു. ദിവസവും നടക്കുക മാത്രമാണ് ചെയ്യുന്നതെന്നും ശരീരഭാരം കുറഞ്ഞുവെന്നും മറ്റു ചിലർ അഭിമാനത്തോടെ പറയും. അങ്ങനെയെങ്കിൽ ഇവയിൽ ഏതാണ് ശരീര ഭാരം കുറയ്ക്കാൻ നല്ലത്?. ഒന്ന് മറ്റൊന്നിനേക്കാൾ മികച്ചതാണോ? അതോ ഇതെല്ലാം നിങ്ങളുടെ ശരീരത്തെയും ജീവിതശൈലിയെയും ആശ്രയിച്ചിരിക്കുന്നുണ്ടോ?. 

ശരീരഭാരം കുറയ്ക്കുക എന്നത് കഠിനമായ വ്യായാമത്തെ ആശ്രയിച്ചല്ല, മറിച്ച് സ്ഥിരമായി എന്തിൽ തുടരാൻ കഴിയും എന്നതിലാണുള്ളത്. വ്യായാമം കലോറി എരിച്ചു കളയാൻ സഹായിക്കുന്നു. ഇത് കാലക്രമേണ കൊഴുപ്പ് കുറയുന്നതിന് കാരണമാകുന്നു. എന്നിരുന്നാലും, എല്ലാ വ്യായാമങ്ങളും ഒരേ നിരക്കിൽ കലോറി കത്തിക്കുന്നില്ല. സമയം, ഊർജം എന്നിവയുടെ കാര്യത്തിൽ എല്ലാ വ്യായാമങ്ങളും ഒരുപോലെയല്ല.

Also Read: മലബന്ധം കൊണ്ട് വല്ലാതെ ബുദ്ധിമുട്ടുന്നോ? ഈ ഭക്ഷണങ്ങൾ ഉടൻ ആശ്വാസം നൽകും

നടത്തം

നടത്തം മിനിറ്റിൽ കുറച്ച് കലോറി മാത്രമേ കത്തിക്കുന്നുള്ളൂ. പക്ഷേ, നടത്തം എല്ലാ ദിവസവും എളുപ്പത്തിൽ ചെയ്യാവുന്നതും, സ്ഥിരമായി ചെയ്യാൻ എളുപ്പവുമാണ്. വേഗത്തിലുള്ള നടത്തം, പ്രത്യേകിച്ച് പതിവായി ചെയ്യുമ്പോൾ ശരീരഭാരം കുറയ്ക്കുമെന്ന് പഠനങ്ങൾ കാണിക്കുന്നു. 45–60 മിനിറ്റ് നടത്തം നിങ്ങളുടെ വേഗതയെയും ഭാരത്തെയും ആശ്രയിച്ച് 200 മുതൽ 400 വരെ കലോറി കത്തിച്ചുകളയും. ഇത് ദിവസവും ചെയ്യുകയാണെങ്കിൽ ശരീര ഭാരം ഉറപ്പായും കുറയ്ക്കും. ചില കാര്യങ്ങൾ ചെയ്താൽ നടത്തം ഒരു വ്യായാമം പോലെ തോന്നില്ല. പാട്ട് കേൾക്കാം, ഫോണിൽ സംസാരിച്ച് നടക്കാം, ഒരു സുഹൃത്തിനൊപ്പം നടക്കാം ഇതൊക്കെ നടത്തം ഒരു വ്യായാമമെന്ന തോന്നൽ ഉണ്ടാക്കില്ല.

വർക്ക്ഔട്ട്

ഭാരോദ്വഹനം, സ്പിന്നിങ് അല്ലെങ്കിൽ സർക്യൂട്ട് ട്രെയിനിങ് പോലുള്ള ഉയർന്ന തീവ്രതയുള്ള വ്യായാമങ്ങൾ, കുറഞ്ഞ സമയത്തിനുള്ളിൽ കൂടുതൽ കലോറി കത്തിക്കാൻ സഹായിക്കും. അവ പേശികളെ വളർത്തുകയും, ഉപാപചയപ്രവർത്തനം വർധിപ്പിക്കുകയും, ഹൃദയാരോഗ്യം മെച്ചപ്പെടുത്തുകയും ചെയ്യുന്നു. 

Also Read: ശരീര ഭാരം കുറയ്ക്കാൻ ഉദ്ദേശ്യമുണ്ടോ? ഈ 5 ഭക്ഷണങ്ങൾ കഴിച്ചോളൂ

വർക്ക്ഔട്ടുകൾ നടത്തത്തെക്കാൾ മിനിറ്റിൽ കൂടുതൽ കലോറി കത്തിക്കുന്നു. മാത്രമല്ല, മെലിഞ്ഞ പേശികൾ വളർത്താൻ സഹായിക്കുന്നു, ഇത് ശരീരഭാരം കുറയ്ക്കാൻ പ്രധാനമാണ്. കാരണം പേശികൾ കൊഴുപ്പിനെക്കാൾ കൂടുതൽ കലോറി കത്തിക്കുന്നു. അതിനാൽ, നിങ്ങൾക്ക് കൂടുതൽ പേശികൾ ഉണ്ടെങ്കിൽ ദിവസം മുഴുവൻ കലോറി കത്തിക്കുന്നതിൽ ശരീരം കൂടുതൽ കാര്യക്ഷമമാകും. ശരീരഭാരം കുറയ്ക്കാൻ മാത്രമല്ല, ഫിറ്റ്നസും ആഗ്രഹിക്കുന്ന ആളുകൾക്ക് വ്യായാമം തീർച്ചയായും ഗുണം ചെയ്യും.

Also Read: മാതാപിതാക്കൾക്ക് പ്രമേഹമുണ്ടെങ്കിൽ മക്കൾക്കും വരുമോ?

ഏതാണ് നല്ലത്?

ശരീര ഭാരം കുറയ്ക്കാൻ ഏതാണ് ഗുണകരമെന്ന് ചോദിച്ചാൽ, രണ്ടും നല്ലതാണെന്ന് പറയേണ്ടി വരും. രണ്ടിനും അതിന്റേതായ ഗുണങ്ങളുണ്ട്. നടത്തം എല്ലാ ദിവസവും ചെയ്യാവുന്ന ലളിതമായ കാര്യമാണ്. ആഴ്ചയിൽ 2-4 ദിവസം ശക്തി പരിശീലനമോ കാർഡിയോ സെഷനുകളോ ക്രമീകരിക്കുക.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: 35 കിലോ സിംപിളായി കുറയ്ക്കാം, ഈ 6 കാര്യങ്ങൾ ചെയ്തോളൂ