ശരീര ഭാരം കുറയ്ക്കാൻ ഉദ്ദേശ്യമുണ്ടോ? ഈ 5 ഭക്ഷണങ്ങൾ കഴിച്ചോളൂ

ശരീര ഭാരം കുറയ്ക്കാൻ ശ്രമിക്കുന്നവരോട് കാർബോഹൈഡ്രേറ്റുകൾ കൂടുതൽ കഴിക്കാൻ പാടില്ലെന്ന് ശുപാർശ ചെയ്യാറുണ്ട്. എന്നാൽ, കലോറി കുറവുള്ള ചില കാർബോഹൈഡ്രേറ്റുകൾ സംതൃപ്തി നൽകാൻ സഹായിക്കുമെന്ന് നിങ്ങൾക്കറിയാമോ? ശരീര ഭാരം കുറയ്ക്കാൻ ശ്രമിക്കുന്നവർക്ക് ഫൈബർ, പ്രോട്ടീൻ, കാർബോഹൈഡ്രേറ്റ് എന്നിവ വാഗ്‌ദാനം ചെയ്യുന്ന അഞ്ച് ഭക്ഷണങ്ങളെക്കുറിച്ച് ഫിറ്റ്നസ് പരിശീലകനായ ഡാൻ ഗോ ഇൻസ്റ്റഗ്രാമിൽ ഒരു പോസ്റ്റ് ഷെയർ ചെയ്തിട്ടുണ്ട്. 

ഈ ഭക്ഷണങ്ങൾ കഴിക്കുന്നത് കുറവ് കലോറി നൽകുന്നതിനൊപ്പം സംതൃപ്തിയും നിലനിർത്തും. കൂടുതൽ നേരം വയർ നിറഞ്ഞിരിക്കാനും ദഹന ആരോഗ്യത്തിനും ഗുണം ചെയ്യുന്ന അവശ്യ പോഷകങ്ങൾ അവ നൽകുന്നുണ്ട്. കലോറി കുറവായിരിക്കാൻ ശ്രദ്ധിച്ചുകൊണ്ട് വയർ നിറയാൻ താൻ കഴിക്കുന്ന മികച്ച അഞ്ച് കാർബോഹൈഡ്രേറ്റുകൾ എന്തൊക്കെയാണെന്ന് ഡാൻ പറഞ്ഞിട്ടുണ്ട്. 

Also Read: മാതാപിതാക്കൾക്ക് പ്രമേഹമുണ്ടെങ്കിൽ മക്കൾക്കും വരുമോ?

1. ഉരുളക്കിഴങ്ങ്

ഉരുളക്കിഴങ്ങിൽ കലോറി കുറവാണ്, നാരുകൾ കൂടുതലാണ്. ദീർഘനേരം വയർ നിറഞ്ഞിരിക്കാൻ സഹായിക്കുന്നു. കൂടാതെ അവയുടെ പ്രതിരോധശേഷിയുള്ള അന്നജവും ഉയർന്ന ജലാംശവും കൂടുതൽ നേരം സംതൃപ്തി അനുഭവിക്കാൻ സഹായിക്കുന്നു.

2. ബ്ലൂബെറി

അടുത്തത് ബ്ലൂബെറിയാണ്. അവയിൽ നാരുകളും വെള്ളവും ധാരാളമായി അടങ്ങിയിട്ടുണ്ട്. ഇത് കുറഞ്ഞ കലോറിയും ഉയർന്ന സംതൃപ്തിയും നൽകുന്നു. ഇവയിലെ നാരുകൾ ദഹനത്തെ മന്ദഗതിയിലാക്കുന്നു, വയറു നിറയ്ക്കുന്നു, രക്തത്തിലെ പഞ്ചസാരയുടെ അളവ് സ്ഥിരപ്പെടുത്താൻ സഹായിക്കുന്നു.

Also Read: 35 കിലോ സിംപിളായി കുറയ്ക്കാം, ഈ 6 കാര്യങ്ങൾ ചെയ്തോളൂ

3. പയർവർഗങ്ങൾ

അവയിൽ നാരുകളും സസ്യാധിഷ്ഠിത പ്രോട്ടീനും അടങ്ങിയിട്ടുണ്ട്. ഇവ രണ്ടും സംതൃപ്തി വർധിപ്പിക്കുകയും വിശപ്പ് നിയന്ത്രിക്കുകയും ചെയ്യുമെന്ന് തെളിയിക്കപ്പെട്ടിട്ടുണ്ട്. ചോറിന് പകരം പയർവർഗങ്ങൾ കഴിക്കുക. വെളുത്ത അരിയെ അപേക്ഷിച്ച് അവയിൽ കുറച്ച് കലോറിയും കൂടുതൽ നാരുകളും ഉയർന്ന അളവിലുള്ള പ്രോട്ടീനും അടങ്ങിയിരിക്കുന്നു.

4. ബ്രോക്കോളി

അവയിൽ ധാരാളം നാരുകളും വെള്ളവും അടങ്ങിയിരിക്കുന്നു. ഇവ പോഷകങ്ങൾ നൽകുന്നതിനൊപ്പം വയർ നിറയാൻ സഹായിക്കുന്നു. 

Also Read: നാല് ആഴ്ചത്തേക്ക് ദിവസവും രണ്ട് കിവി കഴിച്ചാൽ എന്ത് സംഭവിക്കും?

View this post on Instagram

A post shared by Dan Go | Fitness Coach (@danfounder)

5. ആപ്പിൾ

അവ സ്വാഭാവികമായി മധുരമുള്ളതും, കുറഞ്ഞ കലോറിയും, ഉയർന്ന അളവിൽ നാരുകൾ നൽകുകയും ചെയ്യുന്നു. വിശപ്പ് നിയന്ത്രിക്കാനും ലഘുഭക്ഷണം കുറയ്ക്കാനും സഹായിക്കുന്നു. അവയിലെ നാരുകൾ രക്തത്തിലെ പഞ്ചസാരയെ നിയന്ത്രിക്കാനും സഹായിക്കുന്നു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: പ്രഭാത ഭക്ഷണം ഒഴിവാക്കി, മണിക്കൂറുകൾ ജിമ്മിൽ ചെലവിട്ടു; ശരീര ഭാരം കുറയ്ക്കുമെന്ന് കരുതി ചെയ്ത 9 തെറ്റുകൾ