ഭക്ഷണത്തിനു മുൻപോ ശേഷമോ? ശരീര ഭാരം കുറയ്ക്കാൻ വെള്ളരിക്ക എപ്പോൾ കഴിക്കണം

ശരീരത്തിന് ജലാംശം നൽകുന്നതിനുള്ള മികച്ച ലഘുഭക്ഷണമാണ് വെള്ളരിക്ക. ശരീരത്തെ തണുപ്പിക്കുക മാത്രമല്ല, വയറു നിറയ്ക്കുകയും ചെയ്യുന്നു. സാലഡുകളിൽ ചേർത്തും, സ്മൂത്തികളിലോ ഡീറ്റോക്സ് പാനീയങ്ങളിലോ ചേർത്തും വെള്ളരിക്ക കഴിക്കാവുന്നതാണ്. ആരോഗ്യ ഗുണങ്ങൾക്കും പേരുകേട്ടതാണ് വെള്ളരിക്ക. വെള്ളരിക്ക കഴിക്കാൻ ഏറ്റവും അനുയോജ്യമായ സമയം ഏതാണ്? വെള്ളരിക്ക കഴിക്കേണ്ടത് ഭക്ഷണത്തിന് മുമ്പോ ശേഷമോ?. പലരും ചോദിക്കുന്ന ചോദ്യങ്ങളാണിത്. 

വെള്ളരിക്കയിൽ 95% വെള്ളമാണ്. അവയിൽ വിറ്റാമിൻ കെ, പൊട്ടാസ്യം, മഗ്നീഷ്യം, ആന്റിഓക്‌സിഡന്റുകൾ, ആന്റി-ഇൻഫ്ലമേറ്ററി ഗുണങ്ങളുള്ള കുക്കുർബിറ്റാസിൻ പോലുള്ള സസ്യ സംയുക്തങ്ങൾ എന്നിവ അടങ്ങിയിട്ടുണ്ട്. വെള്ളരിക്ക കഴിക്കുന്നത് ജലാംശം നിലനിർത്താൻ സഹായിക്കുന്നു, ദഹനത്തെ സഹായിക്കുന്നു, വയർ നിറഞ്ഞതായി തോന്നിപ്പിക്കുന്നതിലൂടെ ശരീരഭാരം നിയന്ത്രിക്കാൻ പോലും സഹായിക്കും. വെള്ളരിക്കയിൽ കാലറി കുറവാണ്. ഒരു കപ്പ് വെള്ളരിക്കയിൽ 16 കാലറി മാത്രമേ അടങ്ങിയിട്ടുള്ളൂ. അതിനാൽതന്നെ ഏതു ഭക്ഷണത്തിനൊപ്പവും കഴിക്കാവുന്നതാണ്. 

Also Read: ഈ 10 രോഗങ്ങൾ നിങ്ങൾക്കുണ്ടോ? ഈ 10 ഭക്ഷണങ്ങൾ ഒഴിവാക്കൂ

ഭക്ഷണത്തിന് മുമ്പ് കഴിച്ചാലുള്ള ഗുണങ്ങൾ

ഭക്ഷണത്തിന് മുമ്പ് വെള്ളരിക്ക കഴിക്കുന്നത് വിശപ്പ് നിയന്ത്രിക്കാൻ സഹായിക്കും. അവയിൽ കൂടുതലും വെള്ളവും നാരുകളും അടങ്ങിയിരിക്കുന്നതിനാൽ വയറു നിറയ്ക്കും. ഭക്ഷണ സമയത്ത് കുറഞ്ഞ കാലറി ഭക്ഷണങ്ങൾ കഴിക്കാൻ സഹായിക്കും. ഭക്ഷണത്തിന് മുമ്പ് വെള്ളരിക്ക കഴിക്കാൻ പോഷകാഹാര വിദഗ്ധർ പലപ്പോഴും പറയാറുണ്ട്. ഉയർന്ന അളവിലുള്ള വെള്ളവും നാരുകളും ഉള്ളതിനാൽ വേഗത്തിൽ വയറു നിറയാൻ സഹായിക്കും, ഇത് പിന്നീട് കഴിക്കുന്ന ഭക്ഷണത്തിന്റെ അളവ് കുറയ്ക്കും.

Also Read: ദിവസവും 7 നേരം ഭക്ഷണം, കൃത്യസമയത്ത് ഉറക്കം; 51-ാം വയസിലും ഹൃത്വിക് ഫിറ്റാണ്

ഭക്ഷണത്തിന് ശേഷം കഴിച്ചാലുള്ള ഗുണങ്ങൾ

ഭക്ഷണത്തിനുശേഷം വെള്ളരിക്ക കഴിക്കുന്നത് ദഹനത്തിന് സഹായിക്കും. വെള്ളരിക്ക കഴിക്കുന്നത് ഭക്ഷണത്തിനു ശേഷം വയറു വീർക്കുന്നത് തടയുകയും ചെയ്യും. ഭക്ഷണത്തിൽ അന്നജമോ കൊഴുപ്പോ കൂടുതലാണെങ്കിൽ, വെള്ളരിക്ക കഴിക്കുന്നത് കാലറി ആഗിരണം മന്ദഗതിയിലാക്കില്ല. അത്താഴത്തിന് ശേഷം ഒരു കഷ്ണം വെള്ളരിക്ക കഴിക്കുന്നതിലൂടെ മധുരപലഹാരം കഴിക്കാനുള്ള ആസക്തി മറികടക്കാം. 

Also Read: പ്രമേഹമുള്ളവർക്ക് പൈനാപ്പിൾ എത്ര അളവ് കഴിക്കാം?

ശരീര ഭാരം കുറയ്ക്കാൻ എപ്പോൾ കഴിക്കണം?

ശരീരഭാരം കുറയ്ക്കലാണ് ലക്ഷ്യമെങ്കിൽ ഭക്ഷണത്തിന് മുമ്പ് കഴിക്കണം. ഉന്മേഷദായകവും ജലാംശം നൽകുന്നതുമായ ഫലം കിട്ടാൻ ഭക്ഷണത്തിന് ശേഷം വെള്ളരിക്ക കഴിക്കുക. സമീകൃതാഹാരത്തോടൊപ്പം ഒരു ദിവസം ഒരു ഇടത്തരം വെള്ളരിക്ക കഴിക്കുന്നതാണ് ഏറ്റവും അനുയോജ്യം. വെള്ളരിക്ക ആരോഗ്യകരമാണെങ്കിലും, ഒന്നും അമിതമായി കഴിക്കുന്നത് അനുയോജ്യമല്ല. ആരോഗ്യമുള്ള മിക്ക മുതിർന്നവർക്കും പ്രതിദിനം 1-2 ഇടത്തരം വെള്ളരിക്ക കഴിക്കുന്നത് പൊതുവെ സുരക്ഷിതമാണ്. ഇത് ധാരാളം വിറ്റാമിനുകളും ധാതുക്കളും ജലാംശവും നൽകുന്നു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ഭക്ഷണമല്ല, രക്തത്തിലെ പഞ്ചസാരയുടെ അളവ് വർധിപ്പിക്കുന്ന 5 കാര്യങ്ങൾ ഇവയാണ്