ഈ 10 രോഗങ്ങൾ നിങ്ങൾക്കുണ്ടോ? ഈ 10 ഭക്ഷണങ്ങൾ ഒഴിവാക്കൂ

സ്‌പിനച്, തേങ്ങാവെള്ളം, ചിയ സീഡ്സ്, ബീറ്റ്റൂട്ട്, വെളുത്തുള്ളി, മധുരക്കിഴങ്ങ്, മഞ്ഞൾ, ഇഞ്ചി, ഗ്രാമ്പൂ തുടങ്ങിയവയൊക്കെ അവയുടെ ആരോഗ്യ ഗുണങ്ങൾ കാരണം വളരെയധികം ജനപ്രീതി നേടിയിട്ടുണ്ട്. അവയിൽ ധാതുക്കളും പോഷകങ്ങളും നിറഞ്ഞിരിക്കുന്നു. എന്നാൽ, ചില പ്രത്യേക സാഹചര്യങ്ങളിൽ ഈ ഭക്ഷണപദാർത്ഥങ്ങൾ കഴിക്കുന്നത് ശരീരത്തിന് ദോഷം ചെയ്യുമെന്ന് നിങ്ങൾക്കറിയാമോ?.  

അടുത്തിടെ ന്യൂട്രീഷ്യനിസ്റ്റ് കിരൺ കുക്രേജ ആരോഗ്യത്തിന് ഗുണകരമായ 10 ഭക്ഷണപദാർത്ഥങ്ങളുടെ ഒരു പട്ടിക പങ്കിട്ടു. "ആരോഗ്യകരമാണെന്നു കരുതിയാലും, ചില സാഹചര്യങ്ങളിൽ അവ ആരോഗ്യകരമല്ല. ചില ആരോഗ്യപ്രശ്നങ്ങൾക്ക് നിങ്ങൾ ഒഴിവാക്കേണ്ടി വന്നേക്കാവുന്ന 10 നല്ല ഭക്ഷണങ്ങൾ ഇവയാണ്. അതിൽ എന്നെ ഏറ്റവും ഞെട്ടിച്ചത് ആറാം നമ്പർ ആണ്," പോസ്റ്റ് പങ്കുവച്ചുകൊണ്ട് അവർ കുറിച്ചു.

Also Read: പ്രമേഹമുള്ളവർക്ക് പൈനാപ്പിൾ എത്ര അളവ് കഴിക്കാം?

നിങ്ങൾക്ക് ചില ആരോഗ്യപ്രശ്നങ്ങൾ ഉണ്ടെങ്കിൽ ഒഴിവാക്കേണ്ട 10 ഭക്ഷണങ്ങൾ ഇവയാണ്.

1. ബിപി കുറഞ്ഞ ആളുകൾ തേങ്ങാവെള്ളം ഒഴിവാക്കുക.

2. വൃക്കയിൽ കല്ലുകൾ ഉള്ളവർ സ്പിനച്, ബീറ്റ്റൂട്ട് പോലുള്ള ഉയർന്ന ഓക്സലേറ്റ് ഭക്ഷണങ്ങൾ കഴിക്കുന്നത് പ്രശ്നം വഷളാക്കും.

3. ഉയർന്ന യൂറിക് ആസിഡ് ഉണ്ടെങ്കിൽ കൂൺ കഴിക്കരുത്.

Also Read: ദിവസവും 7 നേരം ഭക്ഷണം, കൃത്യസമയത്ത് ഉറക്കം; 51-ാം വയസിലും ഹൃത്വിക് ഫിറ്റാണ്

4. ഹൈപ്പോതൈറോയിഡിസം ഉണ്ടെങ്കിൽ സോയാബീൻ ഉൽപ്പന്നങ്ങൾ ഒഴിവാക്കുക.

5. വയറിളക്കം ഉണ്ടെങ്കിൽ ചിയ സീഡ്സ് കഴിക്കരുത്.

6. ഗ്യാസ് പ്രശ്നങ്ങൾ ഉണ്ടെങ്കിൽ വേവിക്കാത്ത പച്ചക്കറികൾ കൊണ്ടുള്ള സാലഡുകൾ കഴിക്കരുത്. പകരം, ആവിയിൽ വേവിച്ചതോ പുഴുങ്ങിയതോ ആയ പച്ചക്കറികൾ കഴിക്കുക.

7. ആസിഡ് റിഫ്ലക്സ് ഉണ്ടെങ്കിൽ വെളുത്തുള്ളി, സിട്രസ് പഴങ്ങൾ എന്നിവ കഴിക്കുന്നത് ഒഴിവാക്കണം.

Also Read: ഭക്ഷണമല്ല, രക്തത്തിലെ പഞ്ചസാരയുടെ അളവ് വർധിപ്പിക്കുന്ന 5 കാര്യങ്ങൾ ഇവയാണ്

8. പ്രമേഹം നിയന്ത്രണാതീതമാണെങ്കിൽ മധുരക്കിഴങ്ങ്, ചോളം എന്നിവ കഴിക്കുന്നത് ഒഴിവാക്കുക.

9. മൗത്ത് അൾസർ ഉണ്ടെങ്കിൽ പൈനാപ്പിൾ ഒഴിവാക്കണം.

10. മുഖക്കുരു പ്രശ്‌നമുണ്ടെങ്കിൽ കറുവാപ്പട്ട, ഗ്രാമ്പൂ, ഇഞ്ചി, ഉലുവ തുടങ്ങിയ സുഗന്ധവ്യഞ്ജനങ്ങൾ ഒഴിവാക്കുക.

View this post on Instagram

A post shared by Kiran Kukreja| Nutritionist| Weight Management| Skin & Hair (@nuttyovernutritionn)

രക്തസമ്മർദത്തിനുള്ള മരുന്ന് കഴിക്കുന്നുണ്ടെങ്കിൽ, തേങ്ങാവെള്ളം ഒഴിവാക്കുന്നതാണ് നല്ലതെന്ന് ക്ലീവ്‌ലാൻഡ് ക്ലിനിക് പറയുന്നു. അതുപോലെ ഉയർന്ന അളവിലുള്ള പൊട്ടാസ്യവും നേരിയ ഡൈയൂററ്റിക് ഗുണങ്ങളും കാരണം തേങ്ങാവെള്ളം രക്തസമ്മർദ്ദത്തെ ബാധിച്ചേക്കാമെന്നതിനാൽ, ശസ്ത്രക്രിയയ്ക്ക് രണ്ടാഴ്ച മുമ്പ് തേങ്ങാവെള്ളം കുടിക്കരുതെന്നും ശുപാർശ ചെയ്യുന്നു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: അരക്കെട്ട് എന്നും ആകൃതിയിൽ നിൽക്കും? വയറിലെ കൊഴുപ്പ് കുറയ്ക്കാൻ ഈ 5 കാര്യങ്ങൾ ചെയ്യൂ