അരക്കെട്ട് എന്നും ആകൃതിയിൽ നിൽക്കും? വയറിലെ കൊഴുപ്പ് കുറയ്ക്കാൻ ഈ 5 കാര്യങ്ങൾ ചെയ്യൂ

പലർക്കും വയറിലെ കൊഴുപ്പ് കുറയ്ക്കുകയെന്നത് വെല്ലുവിളി നിറഞ്ഞതാണ്. ഫിറ്റ്നസ് പരിശീലകനായ ലാർസ് മെയ്ഡൽ വയറിലെ കൊഴുപ്പ് എന്നെന്നേക്കുമായി കുറയ്ക്കാൻ സഹായിക്കുന്നതിനുള്ള ചില നുറുങ്ങു വഴികൾ ഇൻസ്റ്റഗ്രാം പേജിൽ പോസ്റ്റ് ചെയ്ത വീഡിയോയിൽ പറഞ്ഞിരുന്നു. കഠിനമായി വ്യായാമം ചെയ്യാതെയും പട്ടിണി കിടക്കാതെയും വയറിലെ കൊഴുപ്പ് കുറയ്ക്കാമെന്ന് അദ്ദേഹം പറഞ്ഞു.

കഠിനമായി വർക്ക്ഔട്ട് ചെയ്യുകയും ആരോഗ്യകരമായ ഭക്ഷണം കഴിക്കുകയും ചെയ്തിട്ടും വയറിലെ കൊഴുപ്പ് കുറയുന്നില്ലെങ്കിൽ, നിങ്ങൾ പിന്തുടരുന്ന രീതി തെറ്റാണെന്ന് മനസിലാക്കുക. മിക്ക പുരുഷന്മാരും വയർ കുറയ്ക്കാൻ കൂടുതൽ കാർഡിയോ, കുറഞ്ഞ ഭക്ഷണം, മരുന്നുകൾ, കഠിനമായ വ്യായാമങ്ങൾ, എന്നിവ ആവശ്യമാണെന്ന് കരുതുന്നുണ്ട്. എന്നാൽ, കഠിനമായ വ്യായാമമോ, കാർബോഹൈഡ്രേറ്റുകളുടെ കുറവോ, മരുന്നുകളോ അതിന് പരിഹാരം നൽകില്ലെന്ന് അദ്ദേഹം അഭിപ്രായപ്പെട്ടു. 

Also Read: കൊളസ്ട്രോൾ കൂടുതലാണോ? കുറയ്ക്കാൻ കുതിർത്ത ഈ നട്സ് 2 എണ്ണം കഴിക്കൂ

അതുകൊണ്ടാണ് നിങ്ങളുടെ അരക്കെട്ടിന് ചുറ്റും കൊഴുപ്പ് കൂടുന്നത്, ദിവസം മുഴുവൻ ക്ഷീണം തോന്നുന്നത്, എല്ലാം ശരിയായി ചെയ്തിട്ടും നിങ്ങൾ കുടുങ്ങി കിടക്കുന്നതെന്ന് അദ്ദേഹം വ്യക്തമാക്കി. മെറ്റബോളിസം വർധിപ്പിക്കാനും വയറിലെ കൊഴുപ്പ് കുറയ്ക്കാനും സഹായിക്കുന്ന അഞ്ച് കാര്യങ്ങളെക്കുറിച്ചും അദ്ദേഹം വിശദീകരിച്ചിട്ടുണ്ട്. 

1. ദിവസവും 150 ഗ്രാം പ്രോട്ടീൻ കഴിക്കാൻ ശ്രമിക്കുക

ആവശ്യത്തിന് പ്രോട്ടീൻ കഴിക്കുന്നത് പേശികളുടെ വളർച്ചയെ പ്രോത്സാഹിപ്പിക്കുകയും, മെറ്റബോളിസം വർധിപ്പിക്കുകയും, കൂടുതൽ നേരം വയറു നിറഞ്ഞതായി തോന്നാൻ സഹായിക്കുകയും ചെയ്യുന്നു.

2. ദിവസവും കുറഞ്ഞത് 10,000 ചുവടുകളെങ്കിലും നടക്കുക

ദിവസം മുഴുവൻ ആക്ടീവായി തുടരുന്നത് കലോറി കത്തിക്കുന്നത് വർധിപ്പിക്കുകയും മൊത്തത്തിലുള്ള ഉപാപചയ ആരോഗ്യം മെച്ചപ്പെടുത്തുകയും ചെയ്യുന്നു.

Also Read: 75 കിലോയിൽനിന്ന് 50 ലേക്ക് ശരീര ഭാരം കുറച്ച് നടി; ഒഴിവാക്കിയത് ഈ ഭക്ഷണങ്ങൾ

3. ആഴ്ചയിൽ മൂന്ന് തവണ ജിമ്മിൽ പോകുക

പതിവ് ശക്തി പരിശീലനം പേശികളുടെ വളർച്ച വർധിപ്പിക്കുന്നു. ഇത് വേഗത്തിലുള്ള മെറ്റബോളിസത്തിനും കൊഴുപ്പ് കുറയ്ക്കുന്നതിനും അത്യാവശ്യമാണ്.

View this post on Instagram

A post shared by Lars Meidell | #1 Fitness Coach For Busy Men (@larsmeidell)

4. രാവിലെ ഇന്റർമിറ്റന്റ് ഫാസ്റ്റിങ് പരീക്ഷിക്കുക

പ്രഭാതഭക്ഷണം ഒഴിവാക്കുകയോ ഭക്ഷണം കഴിക്കാനുള്ള സമയം പരിമിതപ്പെടുത്തുകയോ ചെയ്യുന്നത് ഇൻസുലിൻ സെൻസിറ്റിവിറ്റി മെച്ചപ്പെടുത്താനും കൊഴുപ്പ് കത്തുന്നതിനെ പ്രോത്സാഹിപ്പിക്കാനും സഹായിക്കും.

Also Read: ഹാങ് ഓവർ മാറുന്നില്ലേ? മദ്യപിക്കുന്നതിനു മുൻപ് ഇത് കുടിക്കൂ

5. ഉപവാസ സമയത്ത് ബ്ലാക്ക് കോഫി കുടിക്കുക

കാലറി കൂട്ടാതെ മെറ്റബോളിസവും ഊർജവും വർധിപ്പിക്കാൻ കട്ടൻ കാപ്പിക്ക് കഴിയും.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: അരക്കെട്ട് നിങ്ങളോട് നന്ദി പറയും, 3 മാസത്തിൽ 10 കിലോ കുറയ്ക്കാം; ഈ 10 കാര്യങ്ങൾ ചെയ്യൂ