ഒരു മാസത്തേക്ക് ദിവസവും ഓട്സ് കഴിച്ചാൽ ശരീരത്തിന് എന്ത് സംഭവിക്കും?

ലോകത്തിലെ ഏറ്റവും ആരോഗ്യകരമായ ധാന്യങ്ങളിൽ ഒന്നായി ഓട്സ് കണക്കാക്കപ്പെടുന്നു. പ്രഭാതഭക്ഷണമായാലും ഉച്ചഭക്ഷണമായാലും അത്താഴമായാലും ലഘുഭക്ഷണമായാലും ദിവസത്തിലെ ഏത് സമയത്തും ഓട്സ് കഴിക്കാം. ആരോഗ്യ ഗുണങ്ങൾ ഏറെയുള്ളതിനാൽ ഓട്സ് പോലുള്ള ധാന്യങ്ങൾ ഡോക്ടർമാർ പലപ്പോഴും ശുപാർശ ചെയ്യാറുണ്ട്. ഫിറ്റ്നസ് പ്രേമികളുടെയും ഇഷ്ട ഭക്ഷണം കൂടിയാണിത്. 

തിരക്കേറിയ ദിനചര്യയിൽ എളുപ്പത്തിൽ ഉൾപ്പെടുത്താവുന്നതും വേഗത്തിൽ തയ്യാറാക്കാൻ സാധിക്കുന്നതും ആയതിനാൽ ഇൻസ്റ്റന്റ് ഓട്സും ജനപ്രിയമാണ്. ഒരു മാസത്തേക്ക് എല്ലാ ദിവസവും ഓട്സ് കഴിക്കുമ്പോൾ ശരീരത്തിന് എന്ത് സംഭവിക്കുമെന്ന് അറിയാം.

Also Read: അവക്കാഡോയെക്കാൾ നല്ലത് നെല്ലിക്ക; എന്തുകൊണ്ട് ദിവസവും കഴിക്കണം?

1. ശരീരഭാരം നിയന്ത്രിക്കാൻ സഹായിക്കുന്നു

ഓട്‌സിൽ സ്വാഭാവികമായും ഉയർന്ന അളവിൽ നാരുകൾ അടങ്ങിയിട്ടുണ്ട്. ഇത് കൂടുതൽ നേരം വയർ നിറഞ്ഞിരിക്കാനും അമിതമായി ഭക്ഷണം കഴിക്കുന്നത് തടയാനും സഹായിക്കുന്നു. രാവിലെ ഒരു പാത്രം ഓട്‌സ് കഴിക്കുന്നത് വിശപ്പ് നിയന്ത്രിക്കുന്നതിലൂടെ അനാവശ്യമായ ലഘുഭക്ഷണം നിയന്ത്രിക്കാൻ സഹായിക്കും.

2. മലബന്ധം അകറ്റുന്നു

ക്രമരഹിതമായ മലവിസർജനവുമായി നിങ്ങൾ ബുദ്ധിമുട്ടുന്നുണ്ടെങ്കിൽ, ഓട്‌സ് നല്ല വ്യത്യാസം വരുത്തും. അവയിൽ ലയിക്കുന്നതും ലയിക്കാത്തതുമായ നാരുകൾ അടങ്ങിയിട്ടുണ്ട്, ഇത് മലം മൃദുവാക്കാനും സുഗമമായ ദഹനത്തെ പ്രോത്സാഹിപ്പിക്കാനും ഒരുമിച്ച് പ്രവർത്തിക്കുന്നു. കുടലിന്റെ പ്രവർത്തനംമെച്ചപ്പെടുത്തുന്നതിലൂടെ, ഓട്‌സ് മലബന്ധം തടയാനും ആരോഗ്യകരമായ ദഹനവ്യവസ്ഥയെ പിന്തുണയ്ക്കാനും സഹായിക്കുന്നു. 

Also Read: 150 കിലോയിൽ നിന്ന് 65 ലേക്ക്: 85 കിലോ ശരീര ഭാരം കുറച്ച് യുവതി; രഹസ്യം വെളിപ്പെടുത്തി

3. രക്തസമ്മർദ നില കുറയ്ക്കുന്നു

ഓട്സിൽ ആന്റിഓക്‌സിഡന്റുകളും പോളിഫെനോൾസ് എന്നറിയപ്പെടുന്ന ഗുണകരമായ സസ്യ സംയുക്തങ്ങളും അടങ്ങിയിട്ടുണ്ട്, ഇത് ശരീരത്തിലെ ഓക്‌സിഡേറ്റീവ് സമ്മർദം കുറയ്ക്കാൻ സഹായിക്കുന്നു. ഇത് രക്തയോട്ടം മെച്ചപ്പെടുത്തുകയും ആരോഗ്യകരമായ ധമനികളെ പിന്തുണയ്ക്കുകയും ഹൃദയത്തിലെ ആയാസം കുറയ്ക്കുകയും ചെയ്യുന്നു. കാലക്രമേണ, പതിവായി ഓട്സ് കഴിക്കുന്നത് രക്തസമ്മർദത്തിന്റെ അളവ് കുറയ്ക്കാനും ഹൃദയ സംബന്ധമായ അസുഖങ്ങൾ തടയാനും സഹായിക്കും. 

4. രക്തത്തിലെ പഞ്ചസാരയുടെ അളവ് കുറയ്ക്കുന്നു

ഓട്സ് രക്തപ്രവാഹത്തിലെ പഞ്ചസാരയുടെ ആഗിരണം മന്ദഗതിയിലാക്കാൻ സഹായിക്കുന്നു. ഇത് ഇൻസുലിൻ അളവിൽ പെട്ടെന്നുള്ള കുതിച്ചുചാട്ടം തടയുകയും ദിവസം മുഴുവൻ രക്തത്തിലെ പഞ്ചസാരയുടെ അളവ് സ്ഥിരമായി നിലനിർത്തുകയും ചെയ്യുന്നു. അനാരോഗ്യകരമായ എൽഡിഎൽ കൊളസ്ട്രോൾ കുറയ്ക്കുന്നതിനും മൊത്തത്തിലുള്ള ഹൃദയാരോഗ്യം മെച്ചപ്പെടുത്തുന്നതിനും ഓട്സ് സഹായിക്കുന്നു. പ്രമേഹം നിയന്ത്രിക്കുന്നവർക്കോ തടയാൻ ലക്ഷ്യമിടുന്നവർക്കോ ഓട്സ് മികച്ചൊരു ഓപ്ഷനാണ്.

Also Read: പിങ്ക് നിറമോ വെള്ള നിറമോ: പ്രമേഹമുള്ളവർക്ക് ഏത് പേരയ്ക്കയാണ് നല്ലത്? ഒരു ദിവസം എത്രയെണ്ണം കഴിക്കാം

5. ചർമ്മത്തെ സംരക്ഷിക്കുന്നു

ചർമ്മത്തിന്റെ പിഎച്ച് ബാലൻസ് നിലനിർത്തുന്നതിലൂടെ ചൊറിച്ചിൽ, വരൾച്ച എന്നിവ ഒഴിവാക്കാൻ അവ സഹായിക്കുന്നു. ഓട്‌സ് ചർമ്മത്തിന് ഈർപ്പം നൽകുകയും മൃദുവാക്കുകയും സംരക്ഷിക്കുകയും ചെയ്യും.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക. 

Read More: ഒരു മാസം കൊണ്ട് രക്തസമ്മർദം കുറയ്ക്കാം; അടുക്കളയിലുണ്ട് മാജിക്