ജിമ്മിൽ പോയാലും വണ്ണം കുറയില്ല; ഇത് നിയന്ത്രിക്കണമെന്ന് ഡോക്ടർ

ശരീരഭാരം കുറയ്ക്കാനായി 4-5 വർഷമായി പതിവായി നടക്കുന്നു, പതിവായി ജിമ്മിലും പോകുന്നു. എന്നിട്ടും ശരീരഭാരം കുറയുന്നില്ലെന്ന് ചിലർ പരാതി പറയാറുണ്ട്. എന്നാൽ, ശരീര ഭാരം കുറയ്ക്കാൻ നടക്കുകയും ജിമ്മിൽ പോകുകയും മാത്രം പോരാ. ജീവിതശൈലിയിൽ ചില മാറ്റങ്ങൾ കൂടി വരുത്തണമെന്ന് ഡോ.ശർമിക പറഞ്ഞു. ശരീര ഭാരം കുറയ്ക്കാൻ ഓരോരുത്തരും നിയന്ത്രിക്കേണ്ട കാര്യങ്ങൾ എന്തൊക്കെയാണെന്ന് അവർ പറഞ്ഞിട്ടുണ്ട്.

“4-6 വർഷമായി നടക്കാൻ പോകുന്നു. ഞാൻ വ്യായാമം ചെയ്യാറുണ്ട്. പക്ഷേ, ശരീര ഭാരം കുറയുന്നില്ലെന്നാണ് പലരും പറയുന്നത്. 80 ശതമാനം ശരീരഭാരം കുറയുന്നതും നമ്മൾ എന്ത് കഴിക്കുന്നുവെന്നതിനെ ആശ്രയിച്ചിരിക്കുന്നു. കഴിക്കുന്ന ഭക്ഷണം നിയന്ത്രിക്കാതെ, കഴിക്കുന്ന ഭക്ഷണത്തിലെ കാലറി മാത്രം നോക്കിയാൽ ശരീര ഭാരം കുറയ്ക്കാനാവില്ല. ശരിയായ ഡയറ്റ് പിന്തുടരാതെ എത്ര കഠിനമായി വ്യായാമം ചെയ്താലും വണ്ണം കുറയില്ല,'' അവർ പറഞ്ഞു.

"ശരീര ഭാരം കുറയ്ക്കണമെങ്കിൽ, ശരിയായ ഭക്ഷണക്രമം പാലിക്കേണ്ടത് വളരെ പ്രധാനമാണ്. ഡയറ്റ് ഇല്ലാതെ വ്യായാമം മാത്രം ചെയ്ത് ശരീരഭാരം കുറയ്ക്കുകയെന്നത് വളരെ വളരെ ബുദ്ധിമുട്ടാണ്. നിങ്ങൾ ഒരു ജിമ്മിൽ പോകുകയാണെങ്കിൽ, നിങ്ങളുടെ പരിശീലകനിൽ നിന്ന് ഒരു ഡയറ്റ് മെനു വാങ്ങി ആ ഡയറ്റ് അനുസരിച്ച് ഭക്ഷണം കഴിക്കുക," ഡോ. ശാർമിക പറയുന്നു.

Also Read: 6 മാസം കൊണ്ട് കുറച്ചത് 13 കിലോ; 78 ൽനിന്ന് 65 ലേക്ക് വണ്ണം കുറച്ച് യുവതി

ശരീരഭാരം കുറയ്ക്കാൻ ജിമ്മിൽ പോകേണ്ടതില്ല. ജീവിതശൈലിയിൽ വരുത്തുന്ന ചെറിയ കാര്യങ്ങൾ ശരീരഭാരം കുറയ്ക്കുന്നതിൽ വലിയ മാറ്റങ്ങൾ വരുത്തും. വീട്ടിലിരുന്നു തന്നെ ശരീരഭാരം കുറയ്ക്കാൻ സഹായിക്കുന്ന ചില ടിപ്സുകളുണ്ട്. 

1. പോഷകസമൃദ്ധമായ ഭക്ഷണങ്ങൾ കഴിക്കുക: പഴങ്ങൾ, പച്ചക്കറികൾ, ധാന്യങ്ങൾ, പയർവർഗ്ഗങ്ങൾ എന്നിവ ഭക്ഷണത്തിൽ ഉൾപ്പെടുത്തുക. ഈ പോഷകങ്ങൾ സംതൃപ്തി നൽകുന്നവതും കലോറി കുറവുമാണ്. 

2. ആവശ്യത്തിന് ഉറക്കം: മോശം ഉറക്കം ഉപാപചയ പ്രവർത്തനത്തെ മന്ദഗതിയിലാക്കുന്നു. ഇത് ഇൻസുലിൻ റെസിസ്റ്റൻസ് പ്രോത്സാഹിപ്പിക്കുകയും കൊഴുപ്പ് സംഭരണത്തെ പ്രോത്സാഹിപ്പിക്കുന്ന കോർട്ടിസോളിന്റെ അളവ് ഉയർത്തുകയും ചെയ്യും. 

Also Read: രാവിലെ ഭക്ഷണം കഴിക്കുന്നതിന് മുൻപേ ബ്ലഡ് ഷുഗർ ഉയരുന്നോ? ഇതാവാം കാരണം

3. പതിവായി വ്യായാമം ചെയ്യുക: പതിവായി വ്യായാമം ചെയ്യുന്നത് ശരീര ഭാരം കുറയ്ക്കുകയും ചെയ്യും. നടത്തം, സ്ക്വാറ്റുകൾ, സിറ്റ്-അപ്പുകൾ, പ്ലാങ്കുകൾ, യോഗ എന്നിവ ചെയ്യാവുന്നതാണ്.

4. ഭക്ഷണത്തിനു മുൻപ് വെള്ളം കുടിക്കുക: ഭക്ഷണം കഴിക്കുന്നതിന് തൊട്ടുമുമ്പ് വെള്ളം കുടിക്കുന്നത് ഭക്ഷണം കഴിക്കുന്നത് കുറയ്ക്കാൻ സഹായിക്കും. 

5. ശ്രദ്ധയോടെ ഭക്ഷണം കഴിക്കുക: വളരെ വേഗത്തിൽ ഭക്ഷണം കഴിക്കുന്നത് അമിതമായി ഭക്ഷണം കഴിക്കുന്നതിന് മാത്രമല്ല, ദഹനക്കേടിനും കാരണമാകും. 

Also Read: പ്രമേഹം ഉണ്ടെന്ന് കണ്ടെത്തിയാൽ ചോറ് കഴിക്കുന്നത് കുറയ്ക്കണോ?

6. നാരുകൾ കൂടുതലുള്ള ഭക്ഷണം കഴിക്കുക: നാരുകൾ സംതൃപ്തി വർധിപ്പിക്കുന്നതിലൂടെ അമിതമായി ഭക്ഷണം കഴിക്കുന്നത് തടയുന്നു.

7. സ്ട്രെസ് നിയന്ത്രിക്കുക: ലെപ്റ്റിൻ, ഗ്രെലിൻ, കോർട്ടിസോൾ തുടങ്ങിയ വിശപ്പ് നിയന്ത്രിക്കുന്ന ഹോർമോണുകളെ സമ്മർദം ബാധിക്കുകയും ഒരാളെ കൂടുതൽ വിശപ്പുള്ളവരാക്കുകയും ചെയ്യും.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: രാത്രിയിൽ ഉറങ്ങുന്നതിനു മുൻപ് ഈ വെള്ളം 1 ഗ്ലാസ് കുടിക്കൂ, വണ്ണം കുറയ്ക്കാം