6 മാസം കൊണ്ട് കുറച്ചത് 13 കിലോ; 78 ൽനിന്ന് 65 ലേക്ക് വണ്ണം കുറച്ച് യുവതി

തിരക്കേറിയ ജീവിത ഷെഡ്യൂളുകൾ കാരണം ആരോഗ്യകരമായ ഭക്ഷണം തിരഞ്ഞെടുക്കുന്നതും പതിവ് വ്യായാമവും പലർക്കും ശരീരഭാരം കുറയ്ക്കുന്നത് ഒരു പോരാട്ടമായി മാറിയേക്കും. ആറ് മാസത്തിനുള്ളിൽ 78 കിലോയിൽ നിന്ന് 65 കിലോയിലേക്ക് ശരീര ഭാരം കുറച്ച പേൾ എന്ന യുവതി, ആ ലക്ഷ്യം കൈവരിക്കാൻ തന്നെ സഹായിച്ച ടിപ്സുകളും ജീവിതശൈലി മാറ്റങ്ങളും എന്തൊക്കെയാണെന്ന് ഇൻസ്റ്റഗ്രാമിൽ പോസ്റ്റ് ചെയ്ത വീഡിയോയിൽ വിശദീകരിച്ചിട്ടുണ്ട്. 

"6 മാസത്തിനുള്ളിൽ 78 കിലോയിൽ നിന്ന് 65 കിലോയായി കുറച്ചു. മാജിക് മരുന്നുകളില്ല,, ഫാഡ് ഡയറ്റുകളില്ല, സ്ഥിരമായ പരിശീലനം മാത്രം. എനിക്ക് കൃത്യമായി എന്താണ് പ്രവർത്തിച്ചതെന്നും അത് എന്തുകൊണ്ട് പ്രവർത്തിക്കുന്നുവെന്നതിന്റെ തെളിവും നോക്കാം," പേൾ എഴുതി.

Also Read: രാവിലെ ഭക്ഷണം കഴിക്കുന്നതിന് മുൻപേ ബ്ലഡ് ഷുഗർ ഉയരുന്നോ? ഇതാവാം കാരണം

1. കാലറി കുറവ്

ശരീരം ഉപയോഗപ്പെടുത്തുന്നതിനെക്കാൾ കുറച്ച് കാലറി കഴിക്കുന്നതിലൂടെ കൊഴുപ്പ് കുറയുമെന്ന തത്വത്തെ ഗവേഷണങ്ങൾ പിന്തുണയ്ക്കുന്നുണ്ട്. 

Also Read: പ്രമേഹം ഉണ്ടെന്ന് കണ്ടെത്തിയാൽ ചോറ് കഴിക്കുന്നത് കുറയ്ക്കണോ?

2. ഇന്റർമിറ്റന്റ് ഫാസ്റ്റിങ് (ഉച്ചയ്ക്ക് 12 മുതൽ വൈകുന്നേരം 6 വരെ)

ഇന്റർമിറ്റന്റ് ഫാസ്റ്റിങ് കൊഴുപ്പ് എരിച്ചു കളയുന്നത് വർധിപ്പിക്കുകയും ഉപാപചയ ആരോഗ്യം മെച്ചപ്പെടുത്തുകയും ചെയ്യുന്നുവെന്ന് തെളിയിക്കപ്പെട്ടിട്ടുണ്ട്. പൊണ്ണത്തടിയില്ലാത്തവരിൽ നടത്തിയ പഠനത്തിൽ ഇന്റർമിറ്റന്റ് ഫാസ്റ്റിങ് പ്രതിദിനം 15 ഗ്രാമിൽ കൂടുതൽ കൊഴുപ്പ് കത്തിക്കുന്നുവെന്ന് കണ്ടെത്തിയിട്ടുണ്ട്. 

Also Read: രാത്രിയിൽ ഉറങ്ങുന്നതിനു മുൻപ് ഈ വെള്ളം 1 ഗ്ലാസ് കുടിക്കൂ, വണ്ണം കുറയ്ക്കാം

View this post on Instagram

A post shared by Pearl (@pearlpanjabi)

3. ദിവസവും 10000-12000ചുവടുകൾ നടക്കുക

10,000 മുതൽ 12,000 ചുവടുകൾ വരെ ദിവസവും നടക്കുന്നത് മെച്ചപ്പെട്ട ആരോഗ്യ ഗുണങ്ങൾ നൽകുന്നതായി കണ്ടെത്തിയിട്ടുണ്ട്. ദിവസവും 10,000 ചുവടുകൾ നടക്കുന്നത് ശരീരത്തിലെ കൊഴുപ്പിന്റെ ശതമാനവും അരക്കെട്ടിന്റെ ചുറ്റളവും കുറയ്ക്കുന്നതിനും മൊത്തത്തിലുള്ള ആരോഗ്യ പുരോഗതിക്കും കാരണമാകുമെന്ന് ഗവേഷണങ്ങൾ സൂചിപ്പിക്കുന്നു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ഒന്നിനു പകരം രണ്ട് വാഴപ്പഴം കഴിച്ചാൽ ബ്ലഡ് ഷുഗർ എങ്ങനെ പ്രതികരിക്കും?