വണ്ണം കുറയ്ക്കുകയെന്ന ലക്ഷ്യം കൈയെത്തും ദൂരത്ത്; ഈ 2 കാര്യങ്ങൾ ചെയ്ത് നോക്കൂ

ശരീരഭാരം കുറയ്ക്കാൻ നിരവധി മാർഗങ്ങളുണ്ടെങ്കിലും, അവ ശരിയായി പിന്തുടരുന്നത് ഒരു വെല്ലുവിളിയാണ്. കർശനമായ ഭക്ഷണക്രമങ്ങൾ, കഠിനമായ വ്യായാമങ്ങൾ തുടങ്ങി പലതും പരീക്ഷിച്ചുനോക്കി പരാജയപ്പെട്ട നിരവധി പേരുണ്ട്. എന്നാൽ, ആരോഗ്യകരമായ രീതിയിൽ ശരീര ഭാരം കുറയ്ക്കുകയെന്നത് 10 നുറുങ്ങുകൾ പിന്തുടരുന്നതല്ല, മറിച്ച് 2 ലളിതമായ നുറുങ്ങുകൾ പിന്തുടരുന്നതാണെന്ന് ഡോ.ശർമിക പറയുന്നു, .

1. വ്യായാമവും വൈറ്റമിൻ ഡിയും

ശരീരഭാരം കുറയ്ക്കാൻ ആക്ടീവായി തുടരുന്നതും ആവശ്യത്തിന് വൈറ്റമിൻ ഡി ലഭിക്കുന്നതും അത്യാവശ്യമാണ്. ഒരു തെരുവ് നായ കുറച്ച് ഭക്ഷണം മാത്രമേ കഴിക്കൂ, പക്ഷേ, എപ്പോഴും നടക്കുകയും സൂര്യപ്രകാശവും ഏൽക്കുന്നതുകാരണം അത് മെലിഞ്ഞിരിക്കും. എന്നാൽ, വളർത്തുമൃഗത്തിന് ധാരാളം പ്രോട്ടീൻ ലഭിച്ചാലും, വ്യായാമക്കുറവ് കാരണം അതിന്റെ ഭാരം വർധിക്കുമെന്ന് ഡോ.ശർമിക പറഞ്ഞു.

Also Read: ഭക്ഷണം കഴിച്ചശേഷം മധുരം കഴിക്കാറുണ്ടോ? പ്രമേഹം വരാമെന്ന് ഡോക്ടറുടെ മുന്നറിയിപ്പ്

2. അത്താഴം നേരത്തെ കഴിക്കുക

വൈകുന്നേരം 6 മണിക്ക് മുമ്പ് അത്താഴം കഴിക്കണം. സൂര്യാസ്തമയത്തിനു ശേഷം ഭക്ഷണം കഴിക്കുന്നത് ഒഴിവാക്കണം, ശരീരത്തിലെ കൊഴുപ്പ് കുറയ്ക്കാൻ കഴിവുള്ളതിനാൽ വൈകുന്നേരം 6 മുതൽ രാവിലെ 6 വരെയാണ് ഉപവാസത്തിന് ഏറ്റവും നല്ല സമയമെന്ന് ഡോ.ശർമിക അഭിപ്രായപ്പെട്ടു. വൈകുന്നേരം 6 മണിക്ക് ശേഷം ഭക്ഷണം കഴിച്ചാൽ, അത് ഒരു ഡയറ്റ് ആണെങ്കിൽ പോലും, ശരീരഭാരം കുറയുന്നത് സാവധാനത്തിലായിരിക്കുമെന്ന് അവർ പറയുന്നു.

Also Read: വണ്ണം കുറയാൻ ജിമ്മിൽ പോകേണ്ട; 25 കിലോ കുറച്ച യുവതിയുടെ 5 ടിപ്‌സുകൾ

ശരീരഭാരം കുറയ്ക്കുന്നത് ഒരു ജീവിതശൈലി മാറ്റമാണ്. അത് ചില ശീലങ്ങൾ മാറ്റുന്നതിനെ ആശ്രയിച്ചിരിക്കുന്നു. ഈ 2 ലളിതമായ ശീലങ്ങൾ നിങ്ങൾ സ്ഥിരമായി പിന്തുടരുകയാണെങ്കിൽ, ആരോഗ്യകരമായ ശരീരഭാരം തീർച്ചയായും നിങ്ങളുടെ കൈയെത്തും ദൂരത്ത് ഉണ്ടാകും.

ശരീര ഭാരം കുറയ്ക്കാൻ ആഗ്രഹിക്കുന്നവർക്കും വയറിലെ കൊഴുപ്പ് കുറയ്ക്കാൻ ശ്രമിക്കുന്നവർക്കും ഒരു പാനീയം ദിവസവും കുടിക്കാവുന്നതാണ്. വളരെ എളുപ്പത്തിൽ വീട്ടിൽ സുലഭമായ ചില ചേരുവകൾ ഉപയോഗിച്ചാണ് ഈ പാനീയം തയ്യാറാക്കുന്നത്.

Also Read: എന്തുകൊണ്ട് രാത്രിയിൽ ഗ്രാമ്പൂ വെള്ളം കുടിക്കണം?

തയ്യാറാക്കുന്ന വിധം

വെള്ളം നന്നായി തിളപ്പിക്കുക. ഇതിലേക്ക് ജീരകവും ഇഞ്ചിയും ചേർക്കുക. നന്നായി തിളപ്പിച്ച് ഒരു ഗ്ലാസ് ആക്കി കുറുക്കിയെടുക്കുക. ഒരു ഗ്ലാസിലേക്ക് അരിച്ചെടുത്തശേഷം ചെറുനാരങ്ങ നീരും ഒരു നുള്ള് മഞ്ഞൾപ്പൊടിയും ചേർത്ത് ഇളം ചൂടോടു കൂടി ദിവസവും രാവിലെ കുടിക്കുക. ഉപാപചയ പ്രവർത്തനം വർധിപ്പിക്കാനും വയർ വീർക്കൽ കുറയ്ക്കാനും ദഹനപ്രവർത്തനം സുഗമമാക്കാനും ഈ പാനീയം സഹായിക്കും.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ശരീര ഭാരം കുറയ്ക്കണോ? രാത്രിയിൽ ഈ സമയത്ത് ഭക്ഷണം കഴിക്കൂ