ശരീര ഭാരം കുറയ്ക്കണോ? രാത്രിയിൽ ഈ സമയത്ത് ഭക്ഷണം കഴിക്കൂ

ശരീരഭാരം കുറയ്ക്കാനുള്ള യാത്രയിലാണ് നിങ്ങളെങ്കിൽ, എന്ത് കഴിക്കുന്നു എന്നതുപോലെ പ്രധാനമാണ് ഭക്ഷണം കഴിക്കുന്ന സമയവും. ശരീരഭാരം കുറയ്ക്കാൻ അത്താഴം നേരത്തെ കഴിക്കണമെന്ന് പലരും പറയുന്നത് നിങ്ങൾ കേട്ടിട്ടുണ്ടാകും. ന്യൂട്രീഷ്യനിസ്റ്റും ഡയറ്റീഷ്യനുമായ ഡോ.ആഷ്‌ലി ലൂക്കാസ്, ശരീരഭാരം കുറയ്ക്കാൻ ശ്രമിക്കുന്നവർക്ക് അത്താഴം കഴിക്കാൻ ഏറ്റവും അനുയോജ്യമായ സമയം ഏതാണെന്ന് വിശദീകരിച്ചിട്ടുണ്ട്. 

Also Read: വാൽനട്ട് ദിവസവും കഴിക്കുന്ന ശീലമുണ്ടോ? ശരീരത്തിന് എന്ത് സംഭവിക്കും

ശരീരഭാരം കുറയ്ക്കുന്നതിനും മൊത്തത്തിലുള്ള ആരോഗ്യത്തിനും സമീകൃതവും പോഷകസമൃദ്ധവുമായ ഭക്ഷണം കഴിക്കേണ്ടതുണ്ട്. ശരിയായ സമയത്ത് ഭക്ഷണം കഴിക്കേണ്ടതിന്റെ പ്രാധാന്യം വിദഗ്ധർ ഊന്നിപ്പറഞ്ഞിട്ടുണ്ട്. ശരീരഭാരം കുറയ്ക്കാനുള്ള യാത്രയിലാണെങ്കിൽ, സൂര്യപ്രകാശം പിന്തുടരുക എന്നതാണ് വിജയത്തിലേക്കുള്ള വഴിയെന്ന് ഡയറ്റീഷ്യൻ വെളിപ്പെടുത്തുന്നു, കാരണം ഈ രീതി ഉപാപചയ പ്രവർത്തനങ്ങൾ മെച്ചപ്പെടുത്തുകയും ഹോർമോണുകളെ നിയന്ത്രിക്കുകയും ചെയ്യുന്നു.

"നമ്മുടെ ശരീരവും, മെറ്റബോളിസവും, ഹോർമോണുകളും പകൽ സമയങ്ങളിൽ ഭക്ഷണം ദഹിപ്പിക്കുന്നതിലും ഉപാപചയമാക്കുന്നതിലും ഏറ്റവും കാര്യക്ഷമമാണ്. അതിനാൽ, വൈകുന്നേരം 6-7 മണിയോടെ അത്താഴം അവസാനിപ്പിക്കുക, അടുത്ത ഭക്ഷണത്തിന് മുമ്പ് 12 മണിക്കൂർ ഇടവേള എടുക്കാൻ ശ്രമിക്കുക," അവർ പറഞ്ഞു.

Also Read: പോഷകങ്ങളുടെ കലവറ; ഈ ഇല ഒരുപിടി മതി, മലബന്ധം മാറിക്കിട്ടും

രാത്രി 7 മണിക്ക് മുമ്പ് അത്താഴം കഴിക്കേണ്ടത് എന്തുകൊണ്ട്?

വൈകുന്നേരം 7 മണിക്ക് ശേഷം ഭക്ഷണം കഴിക്കാൻ താൻ ശുപാർശ ചെയ്യില്ലെന്നും അവർ അഭിപ്രായപ്പെട്ടു. “ഉറങ്ങുന്നതിന് തൊട്ടുമുമ്പ് ഭക്ഷണം കഴിച്ചാൽ, നിങ്ങളുടെ ഉറക്കം അത്ര ആഴമുള്ളതായിരിക്കില്ല. ഉറങ്ങുന്നതിന് തൊട്ടുമുമ്പ് ഭക്ഷണം കഴിക്കുന്നത് ഉറക്കത്തിന്റെ ഗുണനിലവാരത്തെ ബാധിക്കും, ഇത് രാത്രിയിലെ വിശ്രമം കുറയുന്നതിലേക്ക് നയിക്കും. കൂടാതെ, വൈകിയുള്ള ഭക്ഷണം ടൈപ്പ് 2 പ്രമേഹ സാധ്യത വർധിപ്പിക്കും,” അവർ വിശദീകരിച്ചു.

Also Read: ഒറ്റയ്ക്കുള്ള സമയത്ത് ഹൃദയാഘാതം ഉണ്ടായാൽ എന്തു ചെയ്യണം?

രാത്രി വൈകിയുള്ള അത്താഴം നല്ല ആശയമല്ലെന്ന് നിരവധി പഠനങ്ങൾ സൂചിപ്പിക്കുന്നു. ഭക്ഷണം ഒഴിവാക്കുന്നതും രാത്രിയിൽ ലഘുഭക്ഷണം കഴിക്കുന്നതും ശരീരഭാരം കുറയ്ക്കാൻ അനുയോജ്യമല്ല. ഉറങ്ങുമ്പോഴും കൊഴുപ്പ് കത്തിക്കാൻ നിങ്ങളുടെ ശരീരത്തിന്റെ സിർർകാഡിയൻ താളം ശരീരത്തെ പ്രോഗ്രാം ചെയ്തിട്ടുണ്ട്. അതിനാൽ, പ്രഭാതഭക്ഷണം ഒഴിവാക്കി, രാത്രിയിൽ ലഘുഭക്ഷണം കഴിക്കുമ്പോൾ കൊഴുപ്പ് കത്തിക്കുന്നത് വൈകിപ്പിക്കുന്നു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: സെക്‌സ് ടോയ്സ് ശരിയായി വൃത്തിയാക്കാറില്ലേ? നിങ്ങളെ രോഗിയാക്കും