ഒരു സ്പൂൺ ഉലുവ മതി, വയറിലെ കൊഴുപ്പ് ഉരുക്കി കളയാൻ പൊടിക്കൈ ഇതാ

ശരീരഭാരം കുറയ്ക്കാൻ ഭക്ഷണക്രമത്തിൽ നിയന്ത്രണം വരുത്തിയതുകൊണ്ടോ ജിമ്മിൽ മണിക്കൂറുകൾ ചെലവഴിച്ചതുകൊണ്ടോ പ്രയോജനം കിട്ടണമെന്നില്ല. ചിലപ്പോൾ, ദിനചര്യയിൽ ശരിയായ ശീലങ്ങൾ ഉൾപ്പെടുത്തുന്നതിലൂടെ നിങ്ങളുടെ ലക്ഷ്യം നേടിയെടുക്കാൻ കഴിഞ്ഞെന്നു വരും. ശരീരഭാരം കുറയ്ക്കാനുള്ള യാത്ര വേഗത്തിലാക്കാൻ പ്രകൃതിദത്തവും ഫലപ്രദവുമായ ഒരു മാർഗം കണ്ടെത്താൻ പലരും പാടുപെടുന്നു. 

Also Read: ഉലുവ കുതിർക്കണോ? വണ്ണവും കൊളസ്ട്രോളും കുറയ്ക്കുമോ? 13 ചോദ്യങ്ങൾക്ക് ഡോക്ടറുടെ ഉത്തരം

മെറ്റബോളിസം വർധിപ്പിക്കാനും കൊഴുപ്പ് കുറയ്ക്കുന്നത് വേഗത്തിലാക്കാനും സഹായിക്കുന്ന ഒരു മാജിക് പാനീയത്തെക്കുറിച്ച് ന്യൂട്രീഷ്യനിസ്റ്റ് ദേവയാനി ഇൻസ്റ്റഗ്രാം പോസ്റ്റിൽ എഴുതി. "കൊഴുപ്പ് കുറയ്ക്കാൻ എല്ലാം പരീക്ഷിച്ചു, 10,000 ചുവടുകൾ, സമീകൃത ഭക്ഷണം, നേരത്തെയുള്ള അത്താഴം, പക്ഷേ, എന്നിട്ടും കൊഴുപ്പ് കുറയുന്നില്ലേ? ആ അധിക കിലോ എളുപ്പത്തിൽ കുറയ്ക്കാൻ നിങ്ങളെ സഹായിക്കുന്ന ഒരു മാന്ത്രിക പാനീയം എന്റെ പക്കലുണ്ട്," അവർ തന്റെ പോസ്റ്റിൽ എഴുതി. 

Also Read: ഡയറ്റും ജിമ്മും മറന്നേക്കൂ; വണ്ണം കുറയാൻ ചെയ്യാം ഈ 10 കാര്യങ്ങൾ

"ഒറ്റരാത്രികൊണ്ട് ഒന്നും സംഭവിക്കുന്നില്ല. ഇത് 30 ദിവസം കുടിക്കണം. ഈ പാനീയം വേഗത്തിൽ കൊഴുപ്പ് ഉരുകാൻ സഹായിക്കുക മാത്രമല്ല, മെറ്റബോളിസം വർധിപ്പിക്കുകയും കുടലിന്റെ ആരോഗ്യം മെച്ചപ്പെടുത്തുകയും ചെയ്യുന്നു," അവർ പറഞ്ഞു.

Also Read: വെറും 10 മിനിറ്റ് മതി; രാവിലെ ഇതൊന്ന് ചെയ്യൂ; ആരോഗ്യം നിങ്ങളെ തേടി വരും

ചേരുവകൾ

• ഉലുവ
• മഞ്ഞൾ പൊടി
• അയമോദകം
• പെരുംജീരകം
• കറുവാപ്പട്ട

തയ്യാറാക്കുന്ന വിധം

• എല്ലാ ചേരുവകളും നന്നായി പൊടിച്ചെടുക്കുക. അതിനുശേഷം വായു കടക്കാത്ത ഒരു ബോട്ടിലിൽ സൂക്ഷിക്കാം.
• എല്ലാ ദിവസവും ഉച്ചഭക്ഷണത്തിനും അത്താഴത്തിനും അര മണിക്കൂർ മുൻപായി 1 ടേബിൾസ്പൂൺ ചൂടുവെള്ളത്തിൽ ചേർത്തു കുടിക്കാം.
• ഇങ്ങനെ ദിവസത്തിൽ രണ്ടും നേരം 30 ദിവസം കുടിക്കുന്നതിലൂടെ വയറിലെ കൊഴുപ്പ് ഉരുക്കി കളയും.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക. 

Read More: ഭക്ഷണത്തിന് മുമ്പ് വെള്ളം കുടിച്ചാൽ രക്തത്തിലെ പഞ്ചസാരയുടെ അളവ് കുറയുമോ?