വെറും 10 മിനിറ്റ് മതി; രാവിലെ ഇതൊന്ന് ചെയ്യൂ; ആരോഗ്യം നിങ്ങളെ തേടി വരും

ആരോഗ്യകരമായ ചില ശീലങ്ങൾക്ക് മൊത്തത്തിലുള്ള ആരോഗ്യത്തെ മാറ്റിമറിക്കാൻ സാധിക്കും. പതിവായി വ്യായാമം ചെയ്യുക, ആരോഗ്യകരമായ ഭക്ഷണങ്ങൾ കഴിക്കുക, ദിവസവും 10,000 ചുവടുകൾ നടക്കുക എന്നിവ ശാരീരിക ആരോഗ്യത്തിന് അത്യന്താപേക്ഷിതമാണെങ്കിലും, മൊത്തത്തിലുള്ള ആരോഗ്യത്തിന് ആവശ്യമായ മറ്റു ചില കാര്യങ്ങളുമുണ്ട്. അത്തരമൊരു ദൈനംദിന ശീലത്തെക്കുറിച്ച് ന്യൂട്രീഷ്യനിസ്റ്റ് ദീപ്സിഖ ജെയിൻ ചൂണ്ടിക്കാട്ടിയിട്ടുണ്ട്. നിങ്ങളുടെ ദിവസം ആരംഭിക്കുന്നതിന് മുമ്പ് രാവിലെ കുറച്ച് മിനിറ്റ് സൂര്യപ്രകാശം ഏൽക്കുക.

Also Read: ഒരു മാസം ദിവസവും തൈര് കഴിക്കുമ്പോൾ എന്ത് സംഭവിക്കും? ഏതു സമയത്ത് കഴിക്കണം

രാവിലെ സൂര്യപ്രകാശമേൽക്കേണ്ടത് എന്തുകൊണ്ട്?

"ഇത് ദിവസവും ചെയ്യുന്നത് നിങ്ങളുടെ ആരോഗ്യത്തെ മാറ്റും. സൂര്യപ്രകാശത്തിന് കോർട്ടിസോൾ നിലയും മാനസികാവസ്ഥയും മെച്ചപ്പെടുത്താൻ കഴിയും. ഒരു ദിവസം 5-10 മിനിറ്റ് സൂര്യപ്രകാശം ലഭിക്കുന്നത് നിങ്ങളുടെ ആരോഗ്യത്തിന് ഒരു ഗെയിം ചേഞ്ചർ ആകാം. ദിവസത്തിലെ ആദ്യ മണിക്കൂറിൽ കുറഞ്ഞത് 5 മുതൽ 10 മിനിറ്റ് വരെ ആവശ്യത്തിന് സൂര്യപ്രകാശം ലഭിക്കാൻ തുടങ്ങിയാൽ, നിങ്ങളുടെ ജീവിതത്തെ മാറ്റിമറിക്കും,'' അവർ പറഞ്ഞു. 

Also Read: ഡയറ്റും ജിമ്മും മറന്നേക്കൂ; വണ്ണം കുറയാൻ ചെയ്യാം ഈ 10 കാര്യങ്ങൾ

1. കോർട്ടിസോളിന്റെ അളവ് വർധിപ്പിക്കുന്നു

“രാവിലെ സൂര്യപ്രകാശം ഏൽക്കുന്നത് കോർട്ടിസോളിന്റെ അളവ് വർധിപ്പിക്കും, ഇത് കൂടുതൽ ശ്രദ്ധ കേന്ദ്രീകരിക്കാൻ നിങ്ങളെ സഹായിക്കും. നിങ്ങളെ കൂടുതൽ ഉൽപ്പാദനക്ഷമതയുള്ളവരാക്കാനും ഊർജ നില വർധിപ്പിക്കാനും സഹായിക്കും.

2. സെറോടോണിൻ പുറത്തുവിടുന്നു

രാവിലെ ആവശ്യത്തിന് സൂര്യപ്രകാശം ഏൽക്കുന്നത് തലച്ചോറിലെ സെറോടോണിൻ അളവ് വർധിപ്പിക്കുമെന്ന് ന്യൂട്രീഷ്യനിസ്റ്റ് ചൂണ്ടിക്കാട്ടി. ഈ സെറോടോണിൻ അളവ് നിങ്ങളെ വളരെയധികം സന്തോഷമുള്ളവരാക്കുകയും മാനസികാവസ്ഥ മെച്ചപ്പെടുത്തുകയും ദിവസം മുഴുവൻ വിഷാദം അനുഭവപ്പെടാനുള്ള സാധ്യത കുറയ്ക്കുകയും ചെയ്യുന്നു.

View this post on Instagram

A post shared by Deepsikha Jain (@fries.to.fit)

Also Read: ഒരു മാസം ദിവസവും കുതിർത്ത ബദാം കഴിച്ചാൽ എന്ത് സംഭവിക്കും?

3. മെലറ്റോണിൻ പുറത്തുവിടുന്നു

രാവിലെ സൂര്യപ്രകാശം ഏൽക്കുന്നത് നിങ്ങളുടെ സർക്കാഡിയൻ താളം ശരിയാക്കും. ഉറങ്ങുന്നതിനുമുമ്പ് മെലറ്റോണിൻ പുറത്തുവിടാൻ ഇത് സഹായിക്കുന്നു, ഇത് യഥാർത്ഥത്തിൽ നിങ്ങളെ കൂടുതൽ നന്നായി ഉറങ്ങാൻ സഹായിക്കും.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക. 

Read More: ഓറഞ്ചിനേക്കാൾ നാലിരട്ടി വൈറ്റമിൻ, വീട്ടുമുറ്റത്തെ ഈ പഴം ഒരെണ്ണം കഴിക്കൂ