വയർ കുറച്ച് അരക്കെട്ട് പരന്നതാക്കാം, ഈ 8 കാര്യങ്ങൾ മടികൂടാതെ ചെയ്യൂ

വയറിലെ കൊഴുപ്പ് കുറച്ച് ഭംഗിയുള്ളതാക്കി മാറ്റാൻ ആരാണ് ആഗ്രഹിക്കാത്തത്?. പരന്ന വയർ എന്നത് പലരുടെയും ലക്ഷ്യമാണ്. വയറിലെ കൊഴുപ്പ് വെറുമൊരു സൗന്ദര്യപ്രശ്നം മാത്രമല്ല, ആരോഗ്യ പ്രശ്നങ്ങൾക്കു കൂടി വഴിയൊരുക്കുന്നതാണ്. ഇൻസുലിൻ റെസിസ്റ്റൻസ്, ടൈപ്പ്-2 പ്രമേഹം, ഉയർന്ന രക്തസമ്മർദ്ദം, ഫാറ്റി ലിവർ, ഹൃദ്രോഗം എന്നിവയ്ക്കുള്ള സാധ്യത വർധിപ്പിക്കുന്നു.

പരന്ന വയർ ആഗ്രഹിക്കുന്നവർക്ക്, വ്യായാമം കൊണ്ട് മാത്രം കൊഴുപ്പ് കുറയ്ക്കാൻ കഴിയില്ലെന്ന് മനസിലാക്കേണ്ടതുണ്ട്. ജീവിതശൈലി ശീലങ്ങളിലും മാറ്റം വരുത്തേണ്ടതുണ്ട്. ഇത് ഉപാപചയപ്രവർത്തനത്തെ വർധിപ്പിക്കുകയും കൊഴുപ്പ് എരിച്ചു കളയുന്നത് കൂട്ടുകയും ചെയ്യുന്നു. പരന്ന വയർ നേടുന്നതിന് ദിനചര്യയിൽ ഉൾപ്പെടുത്താവുന്ന ശീലങ്ങൾ നോക്കാം.

1. കാലറി കുറവുള്ള ഭക്ഷണം കഴിക്കുക: വയറിലെ കൊഴുപ്പ് കുറയ്ക്കാനായി കാലറി കുറഞ്ഞ ഭക്ഷണക്രമം തിരഞ്ഞെടുക്കുക. ജങ്ക് ഫുഡ് പോലുള്ള അനാരോഗ്യകരമായ ഭക്ഷണക്രമങ്ങൾ ഒഴിവാക്കുക. അവ പലപ്പോഴും വിപരീതഫലങ്ങൾ ഉണ്ടാക്കും.

Also Read: രാവിലെ വെറും വയറ്റിൽ 1 സ്‌പൂൺ നെയ്യ് കഴിക്കൂ; നേടൂ ഈ 5 ആരോഗ്യ ഗുണങ്ങൾ

2. പ്രോട്ടീനിന് മുൻഗണന നൽകുക: ഉയർന്ന പ്രോട്ടീൻ അടങ്ങിയ ഭക്ഷണക്രമം പിന്തുടരുക. എല്ലാ ഭക്ഷണത്തിലും ഒരു പ്രോട്ടീൻ ഉറവിടം ഉൾപ്പെടുത്താൻ ശ്രമിക്കുക.

3. റെസിസ്റ്റൻസ് ട്രെയിനിങ്ങും എയ്‌റോബിക് വ്യായാമവും: ഇവ വയറിലെ കൊഴുപ്പ് കുറയ്ക്കാൻ സഹായിക്കുന്നു. ഈ കോമ്പിനേഷൻ ഒരുമിച്ച് മികച്ച രീതിയിൽ പ്രവർത്തിക്കുന്നു.

4. ശുദ്ധീകരിച്ച കാർബോഹൈഡ്രേറ്റുകളും പഞ്ചസാര ചേർത്ത ഭക്ഷണങ്ങളും കുറയ്ക്കുക: ശുദ്ധീകരിച്ച കാർബോഹൈഡ്രേറ്റുകളും പഞ്ചസാര ചേർത്ത പാനീയങ്ങളും കൂടുതലായി കഴിക്കുന്നത് വയറിലെ കൊഴുപ്പും കരളിലെ കൊഴുപ്പും വർധിപ്പിക്കും. വെളുത്ത അരി/മൈദ കൊണ്ടുള്ള മധുരപലഹാരങ്ങൾ എന്നിവ മാറ്റി ധാന്യങ്ങൾ, പയറുവർഗ്ഗങ്ങൾ, പഴങ്ങൾ, പച്ചക്കറികൾ എന്നിവ കഴിക്കുക.

Also Read:നടത്തം, ഉറക്കം, പ്രോട്ടീൻ; വണ്ണം പെട്ടെന്ന് കുറയ്ക്കാം, ഈ 5 കാര്യങ്ങൾ ശീലമാക്കൂ

5. നാരുകൾ വർധിപ്പിക്കുക: നാരുകൾ, പ്രത്യേകിച്ച് ലയിക്കുന്ന നാരുകൾ വർധിപ്പിക്കുന്നത് സംതൃപ്തി വർധിപ്പിക്കുകയും വയറിലെ കൊഴുപ്പ് കുറയ്ക്കുകയും ചെയ്യുന്നു. ബീൻസ്, ഓട്സ്, പഴങ്ങൾ, പച്ചക്കറികൾ എന്നിവ നാരുകളുടെ നല്ല ഉറവിടങ്ങളാണ്.

6. മദ്യം പരിമിതപ്പെടുത്തുക: മദ്യം കഴിക്കുന്ന അളവ് പരിമിതപ്പെടുത്തുക. അമിതമായ മദ്യപാനം വയറിനു ചുറ്റും കൊഴുപ്പ് അടിഞ്ഞു കൂടുന്നതിന് ഇടയാക്കും. 

Also Read: കാൻസറിൽനിന്ന് രക്ഷ നേടാൻ മാംസം കഴിക്കുന്നത് സഹായിക്കുമോ?

7. നന്നായി ഉറങ്ങുക: നല്ല ഉറക്കം വയറിലെ കൊഴുപ്പ് കുറയ്ക്കുന്നതിന് സഹായിക്കും. 7-8 മണിക്കൂർ ഉറക്കം ലക്ഷ്യമിടുക. 

8. സമ്മർദം നിയന്ത്രിക്കുക: വിട്ടുമാറാത്ത സമ്മർദം കോർട്ടിസോളിന്റെ അളവ് വർധിപ്പിക്കും, ഇത് വയറിലെ കൊഴുപ്പ് അടിഞ്ഞുകൂടാൻ കാരണമാകും. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: അത്താഴം വൈകി കഴിക്കരുത്, വെറും വയറ്റിൽ പഴങ്ങൾ വേണ്ട; പ്രമേഹമുള്ളവർ ഈ 5 കാര്യങ്ങൾ ശ്രദ്ധിക്കണം