നടത്തം, ഉറക്കം, പ്രോട്ടീൻ; വണ്ണം പെട്ടെന്ന് കുറയ്ക്കാം, ഈ 5 കാര്യങ്ങൾ ശീലമാക്കൂ

ദിവസവും ജിമ്മിൽ പോവുക, കാലറി ഉപഭോഗം നിയന്ത്രിക്കുക തുടങ്ങിയ കാര്യങ്ങൾ ചെയ്തതുകൊണ്ടു മാത്രം ശരീര ഭാരം കുറയില്ല. സ്ഥിരതയോടെ വണ്ണം കുറയ്ക്കാനായി ദൈനംദിന ശീലങ്ങളിൽ വരുത്തുന്ന ചെറിയ മാറ്റം സഹായിക്കും. ഈ ശീലങ്ങൾ പലപ്പോഴും സംഭാഷണത്തിന്റെ ഭാഗമാണെങ്കിലും, അവ എല്ലായ്പ്പോഴും പ്രായോഗികമാക്കാറില്ല. ശരീരഭാരം കുറയ്ക്കുന്നതിനെക്കുറിച്ചും ഫിറ്റ്നസിനെക്കുറിച്ചും പതിവായി ടിപ്സുകൾ പങ്കിടുന്ന ഫിറ്റ്നസ് പരിശീലക ഗിന അമിൻ, അടുത്തിടെ ഭാരം കുറയ്ക്കൽ യാത്ര എളുപ്പമാക്കാൻ തന്നെ സഹായിച്ച ചില കാര്യങ്ങളെക്കുറിച്ച് വെളിപ്പെടുത്തി. 

Also Read: കാൻസറിൽനിന്ന് രക്ഷ നേടാൻ മാംസം കഴിക്കുന്നത് സഹായിക്കുമോ?

1. ധാരാളം നടക്കുക

ശരീര ഭാരം കുറയ്ക്കാൻ മണിക്കൂറുകൾ ജിമ്മിൽ ചെലവഴിക്കുന്നതും ദീർഘമായ ജിം സെഷനുകളും മാത്രമല്ല ആവശ്യമായിട്ടുള്ളത്. ചെറിയൊരു നടത്തം പോലും ശരീര ഭാരം കുറയ്ക്കാൻ നിങ്ങളെ സഹായിക്കും. "ഞാൻ ജിമ്മിന് പുറത്തുള്ള ചലനങ്ങൾക്ക് മുൻഗണന നൽകി, ഒരു ദിവസം 10,000 ചുവടുകൾ നടക്കുകയായിരുന്നു എന്റെ ലക്ഷ്യം. ഇതിനായി കൂടുതൽ നടക്കുന്നതിൽ ശ്രദ്ധ കേന്ദ്രീകരിച്ചു. ഭക്ഷണത്തിന് ശേഷം നടക്കുക. കോളുകളിൽ ആയിരിക്കുമ്പോൾ നടക്കുക, സ്ക്രോൾ ചെയ്യുന്നതിനു പകരം നടക്കുക."

2. എല്ലാ ഭക്ഷണത്തിലും പ്രോട്ടീൻ

ഇന്റർമിറ്റന്റ് ഫാസ്റ്റിങ്ങിനെക്കുറിച്ചും ലഘുഭക്ഷണം ഒഴിവാക്കുന്നതിനെക്കുറിച്ചും സംസാരിക്കാമെങ്കിലും, വിശപ്പ് തോന്നുന്ന സമയത്ത് പലപ്പോഴും ഈ തീരുമാനം മാറാറുണ്ട്. അപ്പോൾ ആസക്തിക്ക് എന്താണ് പരിഹാരം? പ്രോട്ടീൻ. ''ലഘുഭക്ഷണം ഉപേക്ഷിച്ച് പ്രോട്ടീൻ സമ്പുഷ്ടമായ ഭക്ഷണങ്ങളിൽ ശ്രദ്ധ കേന്ദ്രീകരിച്ചു. ഇത് കൂടുതൽ നേരം വയറു നിറഞ്ഞിരിക്കാൻ സഹായിച്ചു. രാവിലെ മുട്ടയോ ഗ്രീക്ക് യോഗർട്ടോ, ഉച്ചഭക്ഷണത്തിന് ചിക്കൻ അല്ലെങ്കിൽ ബീഫ്, അത്താഴത്തിന് ചിക്കൻ അല്ലെങ്കിൽ ചെമ്മീൻ, പെട്ടെന്ന് വിശക്കുമ്പോൾ ഒരു പ്രോട്ടീൻ ഷേക്ക് എന്നിവ കഴിച്ചു.''

Also Read:അത്താഴം വൈകി കഴിക്കരുത്, വെറും വയറ്റിൽ പഴങ്ങൾ വേണ്ട; പ്രമേഹമുള്ളവർ ഈ 5 കാര്യങ്ങൾ ശ്രദ്ധിക്കണം

3. ഭാരോദ്വഹനം

പേശികളുടെ വളർച്ചയ്ക്ക് വെയ്റ്റ് ലിഫ്റ്റിങ് സഹായിക്കുന്നു. ആഴ്ചയിൽ 3–4 തവണ ശക്തി പരിശീലനം നടത്തുന്നത് പേശികളെ വളർത്തുകയും അസ്ഥികളുടെ ആരോഗ്യത്തെ പിന്തുണയ്ക്കുകയും ഇൻസുലിൻ സെൻസിറ്റിവിറ്റി മെച്ചപ്പെടുത്തുകയും ചെയ്യുന്നു.

4. സ്ഥിരമായ ഉറക്കം

ഉറക്കത്തിന് നിരവധി ശക്തമായ ആരോഗ്യ ഗുണങ്ങളുണ്ട്, അതിൽ ശരീരഭാരം കുറയ്ക്കുന്നതും ഉൾപ്പെടുന്നു. ഉറക്കക്കുറവ് അനുഭവപ്പെടുമ്പോൾ, താൻ കൂടുതൽ ജങ്ക് ഫുഡ് കഴിക്കുകയും വ്യായാമങ്ങൾ ഒഴിവാക്കുകയും ചെയ്യുമായിരുന്നുവെന്ന് അവർ പറഞ്ഞു. ഉറക്കത്തിന് മുൻഗണന നൽകിയതോടെ എല്ലാം മാറി. രാത്രിയിൽ കുറഞ്ഞത് 7 മണിക്കൂറെങ്കിലും ഞാൻ ലക്ഷ്യം വച്ചു, ഉറങ്ങുന്നതിനുമുമ്പ് സ്‌ക്രീൻ സമയം ഒഴിവാക്കി, നേരത്തെയുള്ള വ്യായാമങ്ങൾ ഷെഡ്യൂൾ ചെയ്യുന്നത് നിർത്തി. 

Also Read: ആരോഗ്യത്തിന് അപകടം; എന്റെ വീട്ടിൽനിന്നും ഞാൻ ഒഴിവാക്കിയ 6 വസ്തുക്കൾ; ഡോക്ടർ പറയുന്നു

View this post on Instagram

A post shared by Gina Amin (@workoutwithgina)

5. മാനസികാവസ്ഥയിലെ മാറ്റം

ആഴ്ചയിൽ ഒരു ദിവസം ഇഷ്ടമുള്ള ഭക്ഷണം കഴിച്ചാൽ ശരീര ഭാരം കുറയ്ക്കുന്നതിനെ ബാധിക്കുമോ എന്നുള്ള ചിന്തകൾ തന്നെ അലട്ടിയിരുന്നതായി അവർ പറഞ്ഞു. തുടക്കത്തിൽ പെട്ടെന്ന് എന്തെങ്കിലും കഴിക്കുകയും, പിന്നീട് അതിനെക്കുറിച്ചോർത്ത് കുറ്റബോധം തോന്നുകയും ചെയ്യുമായിരുന്നു. എന്നാൽ, ഈ ചിന്ത മാറ്റിയതോടെ കാര്യങ്ങൾ മാറിമറിഞ്ഞു. ഓരോ തവണ ഭക്ഷണം കഴിക്കുമ്പോഴും, അതിനെക്കുറിച്ച് അമിതമായി ചിന്തിക്കുന്നത് നിർത്തി. കുറ്റബോധമില്ലാതെ പതിവ് ദിനചര്യ പിന്തുടർന്നു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: 1 മാസം കൊണ്ട് വയർ കുറച്ച് ഭംഗിയാക്കാം; ഈ 5 കാര്യങ്ങൾ ചെയ്യൂ