സൂര്യകാന്തി വിത്തുകൾ പ്രമേഹം ചികിത്സിക്കാൻ സഹായിക്കുമോ?

പ്രമേഹ രോഗികൾക്ക് സൂര്യകാന്തി വിത്തുകൾ നൽകുന്ന ആരോഗ്യ ഗുണങ്ങൾ കുറച്ചു കാണരുത്. പോഷകങ്ങളാൽ സമ്പുഷ്ടമാണെന്ന് മാത്രമല്ല, പ്രമേഹം, പൊണ്ണത്തടി, കൊളസ്ട്രോൾ തുടങ്ങിയ പല വിട്ടുമാറാത്ത ആരോഗ്യപ്രശ്നങ്ങൾ തടയുന്നതിലും പങ്കു വഹിക്കുന്നുണ്ട്. ആന്റിഓക്‌സിഡന്റുകൾ, പ്രോട്ടീൻ, നാരുകൾ, കോപ്പർ, വിറ്റാമിൻ ഇ, വിറ്റാമിൻ ബി-1, മറ്റ് ധാതുക്കൾ എന്നിവയാൽ സമ്പുഷ്ടമാണ് സൂര്യകാന്തി വിത്തുകൾ.

നാഷണൽ ലൈബ്രറി ഓഫ് മെഡിസിനിൽ പ്രസിദ്ധീകരിച്ച ഒരു പഠനമനുസരിച്ച്, സൂര്യകാന്തി വിത്തുകളുടെയും ഫ്ളാക്സ് സീഡുകളുടെയും ഉപയോഗം രക്തത്തിലെ ഗ്ലൂക്കോസിന്റെ അളവ് നിയന്ത്രിക്കാനും നിലനിർത്താനും സഹായിക്കും. ടൈപ്പ്-2 പ്രമേഹത്തെ ചികിത്സിക്കാൻ പ്രമേഹ രോഗികൾക്ക് സുരക്ഷിതമായി സൂര്യകാന്തി വിത്തുകൾ കഴിക്കാമെന്ന് വിദഗ്ധർ പറയുന്നു.

പ്രമേഹരോഗികൾക്ക് സൂര്യകാത്തി വിത്തുകൾ ഗുണകരമാകുന്നതെങ്ങനെ?

1. വൈറ്റമിൻ ഇ, മഗ്നീഷ്യം, സെലിനിയം തുടങ്ങിയ പോഷകങ്ങൾ ടൈപ്പ്-2 പ്രമേഹം തടയാനോ അല്ലെങ്കിൽ രോഗബാധിതരിൽ രോഗലക്ഷണങ്ങൾ നിയന്ത്രിക്കാനോ സഹായിക്കും.

2. ജേണൽ ഓഫ് മെഡിസിനൽ ഫുഡ് പറയുന്നതനുസരിച്ച്, ഈ വിത്തുകളിൽ അടങ്ങിയിരിക്കുന്ന വിറ്റാമിൻ ഇ ടൈപ്പ്-2 പ്രമേഹ രോഗികൾക്ക് ശരീരത്തിലെ രക്തത്തിലെ ഗ്ലൂക്കോസിന്റെ അളവ് നിയന്ത്രിക്കാൻ സഹായിക്കും.

3. സൂര്യകാന്തി വിത്തുകൾ മഗ്നീഷ്യം കൊണ്ട് സമ്പുഷ്ടമാണ്, ഇത് ടൈപ്പ് -2 പ്രമേഹ ചികിത്സയ്ക്ക് വളരെ അത്യാവശ്യമാണ്.

4. സൂര്യകാന്തി വിത്തുകളിൽ കാണപ്പെടുന്ന മറ്റൊരു പ്രധാന പോഷകമാണ് സെലിനിയം. ജേണൽ ഓഫ് ക്ലിനിക്കൽ ന്യൂട്രീഷനിൽ പ്രസിദ്ധീകരിച്ച ഒരു പഠനമനുസരിച്ച്, ടൈപ്പ്-2 പ്രമേഹത്തിനുള്ള സാധ്യത കുറവുമായി ബന്ധപ്പെട്ടിരിക്കുന്നതിനാൽ പ്രമേഹ രോഗികൾക്ക് സെലിനിയം മികച്ചതാണ്.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• പാൽ മാത്രം കുടിച്ചാൽ എല്ലുകളുടെ ബലം കൂടുമോ? 
• ഉച്ചഭക്ഷണം ഒഴിവാക്കുന്നത് ശീലമാണോ? ശരീര ഭാരം കൂടുമെന്ന് അറിയുക
• കൊളസ്ട്രോൾ നിയന്ത്രിക്കണോ? പച്ച ഇഞ്ചി കഴിച്ചോളൂ
• ഏലയ്ക്ക വെള്ളം ദിവസവും കുടിച്ചാലുള്ള ഗുണങ്ങൾ അറിയാമോ?