കൊളസ്ട്രോൾ നിയന്ത്രിക്കണോ? പച്ച ഇഞ്ചി കഴിച്ചോളൂ

മോശം ജീവിതശൈലി മൂലമുണ്ടാകുന്ന ആരോഗ്യപ്രശ്നമാണ് ഉയർന്ന കൊളസ്ട്രോൾ. പുതിയ കോശങ്ങളുടെ രൂപീകരണത്തിനും ഹോർമോൺ ഉത്പാദനത്തിനും ശരീരത്തിന് കൊളസ്‌ട്രോൾ ആവശ്യമാണെങ്കിലും അമിത അളവ് ഹൃദയാഘാതവും പക്ഷാഘാതവും ഉൾപ്പെടെയുള്ള ഗുരുതരമായ ആരോഗ്യപ്രശ്‌നങ്ങൾക്ക് ഇടയാക്കും. എന്നാൽ, വീട്ടിൽ ലഭ്യമായ സുലഭമായൊരു ചേരുവ കൊണ്ട് കൊളസ്ട്രോൾ എളുപ്പത്തിൽ നിയന്ത്രിക്കാൻ കഴിയും. 

ഉയർന്ന കൊളസ്‌ട്രോൾ മൂലമുള്ള ഹൃദയാരോഗ്യ പ്രശ്‌നങ്ങൾ കുറയ്ക്കാൻ ഇഞ്ചി സഹായിക്കും. ഉയർന്ന കൊളസ്ട്രോളുള്ളവർ ദൈനംദിന ഡയറ്റിൽ ഒരു കഷ്ണം ഇഞ്ചി ഉൾപ്പെടുത്തിയാൽ രോഗാവസ്ഥ നിയന്ത്രണത്തിലാക്കാൻ സാധിക്കും. ഉയർന്ന കൊളസ്ട്രോൾ നിയന്ത്രണവിധേയമാക്കാൻ ഇഞ്ചി സഹായിക്കുന്നതെങ്ങനെയെന്ന് നോക്കാം.

ആന്റിഓക്സിഡന്റുകളാൽ സമ്പന്നം

ഉയർന്ന കൊളസ്‌ട്രോളിനെ ചെറുക്കാൻ പച്ച ഇഞ്ചി ഗുണകരമാണെന്നതിന്റെ പ്രധാന കാരണം ശക്തമായ ആന്റിഓക്‌സിഡന്റുകളാണ്. ഈ ആന്റിഓക്‌സിഡന്റുകൾ ശരീരത്തിലെ ഓക്‌സിഡേറ്റീവ് സ്ട്രെസിനെതിരെ പോരാടുന്നു. അതിലൂടെ കൊളസ്‌ട്രോൾ ഓക്‌സിഡേഷൻ സാധ്യത കുറയ്ക്കുന്നു.

വീക്കം കുറയ്ക്കാൻ സഹായിക്കുന്നു

ആന്റി-ഇൻഫ്ലമേറ്ററി സംയുക്തങ്ങൾ അടങ്ങിയ പച്ച ഇഞ്ചി ശരീരത്തിലെ വീക്കം കുറയ്ക്കാൻ സഹായിക്കുന്നു. സ്ഥിരമായ വീക്കം പലപ്പോഴും ഉയർന്ന കൊളസ്ട്രോൾ അളവുമായി ബന്ധപ്പെട്ടിരിക്കുന്നു. ദൈനംദിന ഭക്ഷണത്തിൽ ഇഞ്ചി ചേർക്കുന്നതിലൂടെ, വീക്കം കുറയ്ക്കാനും കൊളസ്ട്രോൾ നിയന്ത്രണത്തിലെ അതിന്റെ സ്വാധീനം കുറയ്ക്കാനും സാധിക്കും. 

ചീത്ത കൊളസ്‌ട്രോളിന്റെ അളവ് കുറയ്ക്കാൻ സഹായിക്കുന്നു

ശരീരത്തിലെ കൊളസ്ട്രോളിന്റെ അളവ് വർധിപ്പിക്കുന്നതിൽ എൽഡിഎൽ കൊളസ്ട്രോൾ പ്രധാന പങ്ക് വഹിക്കുന്നു. പച്ച ഇഞ്ചി പതിവായി കഴിക്കുന്നത് എൽഡിഎൽ കൊളസ്ട്രോളിന്റെ അളവ് കുറയ്ക്കുമെന്ന് തെളിയിച്ചിട്ടുണ്ട്. ഇത് ഹൃദയാരോഗ്യം മെച്ചപ്പെടുത്തുന്നതിന് സഹായിക്കും.

നല്ല കൊളസ്‌ട്രോളിന്റെ അളവ് വർധിപ്പിക്കാൻ സഹായിക്കുന്നു

എൽഡിഎൽ കൊളസ്‌ട്രോൾ കുറയ്ക്കുന്നതിനു പുറമേ, എച്ച്‌ഡിഎൽ കൊളസ്‌ട്രോളിന്റെ അളവ് കൂട്ടാൻ പച്ച ഇഞ്ചി സഹായിക്കുന്നു. എച്ച്‌ഡിഎൽ കൊളസ്‌ട്രോൾ 'നല്ല' കൊളസ്‌ട്രോളായി കണക്കാക്കപ്പെടുന്നു. ധമനികളിൽ നിന്ന് എൽഡിഎൽ കൊളസ്ട്രോൾ നീക്കം ചെയ്യാൻ ഇത് സഹായിക്കുന്നു. ഇതിലൂടെ ഹൃദ്രോഗ സാധ്യത കുറയ്ക്കുന്നു.

രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കുന്നു

രക്തത്തിലെ പഞ്ചസാരയുടെ അളവ് നിലനിർത്തുന്നത് മൊത്തത്തിലുള്ള ആരോഗ്യത്തിന് ആവശ്യമാണ്, പ്രത്യേകിച്ച് ഉയർന്ന കൊളസ്ട്രോൾ ഉള്ളവർക്ക്. രക്തത്തിലെ പഞ്ചസാര നിയന്ത്രിക്കുന്നതിനും പ്രമേഹ സാധ്യത കുറയ്ക്കുന്നതിനും കൊളസ്ട്രോൾ പ്രശ്നങ്ങൾ കുറയ്ക്കുന്നതിനും പച്ച ഇഞ്ചി സഹായിക്കുന്നു.

ദഹനത്തെ സഹായിക്കുന്നു

ഒരു കഷ്ണം ഇഞ്ചി കഴിച്ച് ദിവസം ആരംഭിക്കുന്നത് ഭക്ഷണം നന്നായി ദഹിപ്പിക്കാൻ സഹായിക്കുന്നു. നല്ല ദഹനവ്യവസ്ഥ കൊളസ്ട്രോൾ കുറയ്ക്കുന്നതിന് സഹായിക്കും. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ഏലയ്ക്ക വെള്ളം ദിവസവും കുടിച്ചാലുള്ള ഗുണങ്ങൾ അറിയാമോ?
• ശുദ്ധീകരിക്കാത്ത എണ്ണ പാചകത്തിനു മുൻപ് ചൂടാക്കണോ?
• 'അക്ഷയ് ഏഴിനെത്തും, സൽമാൻ ഖാൻ 1 മണിക്കേ എത്തൂ'; എന്തുകൊണ്ട് ചിലർ കൃത്യനിഷ്ഠ പാലിക്കുന്നില്ല?
• ബിസ്കറ്റ് ആരോഗ്യകരമായൊരു ലഘുഭക്ഷണമാണോ?