പാചകം ചെയ്യുന്നതിനുമുമ്പ് അരി കുതിർക്കുന്നത് ബ്ലഡ് ഷുഗർ കുറയ്ക്കാൻ സഹായിക്കുമോ?

ഉച്ചയ്ക്ക് ചോറ് കഴിച്ചശേഷം ഉറക്കം തോന്നാറുണ്ടോ?. ശരീര ഭാരം കൂടുകയാണെന്ന് നിങ്ങൾക്ക് തോന്നാറുണ്ടോ?. പാചകം ചെയ്യുന്നതിനു മുൻപ് അരി ഏതാനും മണിക്കൂറുകൾ കുതിർക്കുന്നത് ഈ പ്രശ്നങ്ങൾ മറികടക്കാൻ സഹായിക്കും. പാചകം ചെയ്യുന്നതിനുമുമ്പ് അരി വെള്ളത്തിൽ കുതിർക്കുന്നത് ഗ്ലൈസെമിക് ഇൻഡക്സിലും മൊത്തത്തിലുള്ള പോഷകാഹാരത്തിലും ഗുണം ചെയ്യും.

ഭക്ഷണത്തിലെ കാർബോഹൈഡ്രേറ്റ് രക്തത്തിലെ പഞ്ചസാരയുടെ അളവ് എത്ര വേഗത്തിൽ ഉയർത്തുന്നുവെന്നതിന്റെ അളവുകോലാണ് ജിഐ. കുറഞ്ഞ ജിഐ ഉള്ള ഭക്ഷണങ്ങൾ കൂടുതൽ പതിയെ ദഹിക്കുന്നു, ഇത് രക്തത്തിലെ പഞ്ചസാരയുടെ അളവ് ക്രമാനുഗതമായി വർധിക്കുന്നതിന് ഇടയാക്കുകയും കൂടുതൽ ഊർജം നൽകുകയും ചെയ്യുന്നുവെന്ന് ഹൈദരാബാദിലെ ഡയറ്റീഷ്യൻ ഡോ.ജി.സുഷമ പറഞ്ഞു.

അരി കുതിർക്കുന്നതിലൂടെ ജിഐ കുറയ്ക്കാൻ സഹായിക്കും. ചോറ് കഴിച്ചശേഷം രക്തത്തിലെ പഞ്ചസാര കൂടാനുള്ള സാധ്യത കുറയ്ക്കുമെന്ന് അവർ പറഞ്ഞു. അരി കുതിർക്കുമ്പോൾ എൻസൈമാറ്റിക് തകർച്ചയ്ക്ക് വിധേയമാകുന്നു. ഈ പ്രക്രിയയിൽ അരി ധാന്യങ്ങളിൽ സ്വാഭാവികമായി അടങ്ങിയിരിക്കുന്ന ചില എൻസൈമുകൾ സങ്കീർണ്ണമായ കാർബോഹൈഡ്രേറ്റുകളെ ലളിതമായ പഞ്ചസാരകളാക്കി മാറ്റാൻ തുടങ്ങുന്നു. ഈ എൻസൈമാറ്റിക് പ്രവർത്തനം ശരീരത്തിന് അരി ദഹിപ്പിക്കുന്നത് എളുപ്പമാക്കാനും അതിൽ അടങ്ങിയിരിക്കുന്ന പോഷകങ്ങൾ ആഗിരണം ചെയ്യുന്നത് എളുപ്പമാക്കുന്നുവെന്ന് അവർ അഭിപ്രായപ്പെട്ടു.

Read More

• ഒരു മാസം പരിപ്പ് കഴിക്കാതിരുന്നാൽ ശരീരത്തിന് എന്ത് സംഭവിക്കും?
• മാധവന്റെ ഇഷ്ട പ്രഭാത ഭക്ഷണം തൈര് ചേർത്ത പഴങ്കഞ്ഞി, ആരോഗ്യത്തിന് നല്ലതാണോ?
• തൊലി കളഞ്ഞ ആപ്പിൾ കഴിച്ചാൽ ആർത്തവ വേദന പമ്പ കടക്കും?
• ചെമ്പരത്തി ചായക്കോ വെള്ളത്തിനോ പ്രമേഹം മാറ്റാൻ കഴിയുമോ?
• നെയ്യ് കഴിച്ചാൽ ശരീര ഭാരം കുറയില്ല, മറിച്ച് കൂടും