പ്രീഡയബറ്റിസ് ഉള്ളവർ സമൂസ, ചിപ്‌സ് എന്നിവ കഴിക്കരുത്, എന്തുകൊണ്ട്?

മധുരപലഹാരങ്ങളും ചോക്ലേറ്റുകളും ഉപേക്ഷിച്ച് കലോറി പരിധി പാലിച്ചിട്ടുണ്ടെങ്കിലും, രക്തത്തിലെ പഞ്ചസാരയുടെ അളവ് 115 mg/dL-ൽ താഴെയായി കുറയുന്നില്ലെന്ന് ഒരു രോഗി എന്നോട് പരാതിപ്പെട്ടിരുന്നു. കലോറിയുടെ അളവ് നോക്കിയാണ് ഞാൻ ഭക്ഷണം കഴിക്കുന്നത്. ഇഷ്ടപ്പെട്ട ഒരു ഭക്ഷണത്തിൽ കലോറി കൂടുതലാണെങ്കിൽ മറ്റൊന്ന് ഒഴിവാക്കുമെന്ന് യുവാവ് പറഞ്ഞു. അയാൾ മറ്റൊരു കാര്യം കൂടി വ്യക്തമാക്കി. എല്ലാ ദിവസവും വൈകിട്ട് 4 മണിക്ക് ചായക്കൊപ്പം ഒരു സമൂസയും രാത്രിയിൽ 7 മണിക്ക് ഒരു പാക്കറ്റ് വറുത്ത ചിപ്സും കഴിക്കാറുണ്ടെന്ന്. അവിടെയാണ് അയാളുടെ പ്രധാന പ്രശ്നം.

തെറ്റായ ഭക്ഷണങ്ങൾ കാരണമാണ് യുവാവിന് ബ്ലഡ് ഷുഗർ നിയന്ത്രണത്തിലാക്കാൻ കഴിയാതെ വന്നത്. സമൂസകളിലും ചിപ്‌സുകളിലും വലിയ അളവിൽ പഞ്ചസാര അടങ്ങിയിട്ടില്ലായിരിക്കാം. പക്ഷേ, ഉയർന്ന താപനിലയിൽ എണ്ണയിൽ വറുത്താണ് തയ്യാറാക്കുന്നത്. അവയിൽ അഡ്വാൻസ്ഡ് ഗ്ലൈക്കേഷൻ എൻഡ്-പ്രൊഡക്‌ട്‌സ് (AGEs) വളരെ കൂടുതലാണ്, ഉയർന്ന താപനിലയിൽ പാചകം ചെയ്യുമ്പോൾ ഉണ്ടാകുന്ന ദോഷകരമായ സംയുക്തങ്ങളാണിത്.

Also Read: ഇൻസുലിൻ എടുത്തശേഷവും ബ്ലഡ് ഷുഗർ ഉയരുന്നത് എന്തുകൊണ്ട്?

പ്രോട്ടീനുകളോ കൊഴുപ്പുകളോ പഞ്ചസാരയുമായി സംയോജിക്കുമ്പോൾ രൂപം കൊള്ളുന്ന ഈ സംയുക്തങ്ങൾ ശരീരത്തിൽ അടിഞ്ഞുകൂടുകയും കോശങ്ങൾ ഇൻസുലിനോട് പ്രതികരിക്കുന്ന രീതിയെ തടസപ്പെടുത്തുകയും രക്തത്തിലെ ഗ്ലൂക്കോസിന്റെ അളവ് വർധിപ്പിക്കുകയും ചെയ്യും. അവ വീക്കം ഉണ്ടാക്കുകയും രക്തക്കുഴലുകൾക്ക് കേടുപാടുകൾ വരുത്തുകയും ചെയ്യുന്നു.

ശരീരം അന്നജത്തെ ഗ്ലൂക്കോസാക്കി മാറ്റുന്നു. അതിനാൽ, ഒരു ഡോനട്ടിനേക്കാൾ കൂടുതൽ കാർബോഹൈഡ്രേറ്റ് അടങ്ങിയ ഭക്ഷണം രക്തത്തിലെ ഗ്ലൂക്കോസിന്റെ അളവ് വർധിപ്പിക്കുന്നു. അതായത്, മധുരമില്ലാത്ത ഭക്ഷണങ്ങൾ പോലും രക്തത്തിലെ പഞ്ചസാരയുടെ അളവ് വർധിപ്പിക്കുന്നതിനും പ്രമേഹ സാധ്യത വർധിപ്പിക്കുന്നതിനും കാരണമാകും.

Also Read: മലബന്ധത്തിന് വാഴപ്പഴത്തെക്കാൾ മികച്ചത്, ഈ പഴം ഒരെണ്ണം കഴിച്ച് നോക്കൂ

സമൂസ, ചിപ്‌സ്, പക്കോഡ തുടങ്ങിയ വറുത്ത ലഘുഭക്ഷണങ്ങളിലും കേക്കുകൾ, കുക്കികൾ പോലുള്ള ബേക്കറി ഇനങ്ങളിലും ഉയർന്ന അളവിൽ എജിഇകൾ കാണപ്പെടുന്നു. ഇവയ്ക്ക് പകരം ആവിയിൽ വേവിച്ചതോ പുഴുങ്ങിയതോ ആയ ഭക്ഷണങ്ങൾ തിരഞ്ഞെടുക്കുക.

ലേഖനം എഴുതിയത് ഡോ.റിച്ച ചതുർവേദി

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക. 

Read More

• രാവിലെ വെറും വയറ്റിൽ തേങ്ങാ വെള്ളം കുടിക്കാം, പലതുണ്ട് ഗുണങ്ങൾ
• 30 വയസിനുശേഷമുള്ള പ്രമേഹം, ഈ ലക്ഷണങ്ങൾ തിരിച്ചറിയൂ