പെട്ടെന്ന് ശരീര ഭാരം കുറയ്ക്കുന്നത് അപകടകരം, ശരിയായ രീതി എന്താണ്?

ഭക്ഷണ നിയന്ത്രണം മുതൽ ശ്രദ്ധയോടെ ഭക്ഷണം കഴിക്കുന്നതുവരെ ശരീരഭാരം കുറയ്ക്കുന്നത് ബാലൻസിനെ ആശ്രയിച്ചിരിക്കുന്നു. സെലിബ്രിറ്റി പോഷകാഹാര വിദഗ്ധ റുജുത ദിവേക്കർ അടുത്തിടെ ശരീരഭാരം കുറയ്ക്കാനും ഫിറ്റ്നസ് നിലനിർത്താനുമുള്ള ശരിയായ രീതികളെക്കുറിച്ച് ഇൻസ്റ്റഗ്രാം പോസ്റ്റിൽ വിശദീകരിച്ചിരുന്നു. വീട്ടിലെ ഭക്ഷണം കഴിച്ചാലും ഭാരം കുറയുമോ എന്നത് പലരും തന്നോട് ചോദിക്കാറുണ്ടെന്ന് അവർ പറയുന്നു. ഇതിനുള്ള ഉത്തരം അതെ എന്നാണെന്നും അവർ വ്യക്തമാക്കി. 

Also Read: ആപ്പിൾ സിഡെർ വിനഗറോ നാരങ്ങ വെള്ളമോ? വയറിലെ കൊഴുപ്പ് കുറയ്ക്കാൻ രാവിലെ ഏത് കുടിക്കണം?

എന്തിനാണ് ശരീരഭാരം കുറയ്ക്കാൻ ആഗ്രഹിക്കുന്നതെന്ന ചോദ്യം ആദ്യം നമ്മൾ സ്വയം ചോദിക്കണം. ഉറക്ക പ്രശ്നങ്ങൾ, പ്രമേഹം, രക്തസമ്മർദ്ദം, അല്ലെങ്കിൽ പൊണ്ണത്തടി എന്നിവയാണോ ശരീര ഭാരം കൂടുന്നതിന് കാരണമെന്ന് ആദ്യം മനസിലാക്കണം. അതുപോലെതന്നെ, വേഗത്തിൽ ശരീര ഭാരം കുറയ്ക്കാനും ശ്രമിക്കരുത്. ആദ്യത്തെ രണ്ടാഴ്ചയ്ക്കുള്ളിൽ വേഗത്തിൽ ശരീരഭാരം കുറച്ചാൽ പിന്നീട് ആരോഗ്യ പ്രശ്നങ്ങൾ ഉണ്ടാകുമെന്ന് അവർ പറഞ്ഞു.

Also Read: ശരീര ഭാരം നിലനിർത്തുക, നന്നായി ഉറങ്ങുക; കൊളസ്ട്രോൾ നിയന്ത്രിക്കുന്നതിനുള്ള 5 വഴികൾ

ശരീരഭാരം കുറയ്ക്കാനുള്ള ശരിയായ മാർഗം എന്താണ്?

ഭാരം കുറയ്ക്കാനുള്ള ശരിയായ മാർഗം പ്രധാനമായും വീട്ടിൽ പാകം ചെയ്ത ഭക്ഷണം കഴിക്കുക, പതിവായി വ്യായാമം ചെയ്യുക, കൃത്യസമയത്ത് ഉറങ്ങുക എന്നിവയാണ്. ശരീരഭാരം കുറയ്ക്കാനുള്ള ശരിയായ പാത നിങ്ങൾ പിന്തുടരുമ്പോൾ ആദ്യം സംഭവിക്കുന്നത് ഇവയാണ്.

Also Read: മധുരം കഴിക്കാത്തപ്പോഴും ബ്ലഡ് ഷുഗർ കൂടാൻ കാരണമെന്ത്?

1. ആദ്യത്തെ മൂന്ന് മാസത്തിനുള്ളിൽ ആരോഗ്യത്തിൽ പുരോഗതി കാണും.

2. അടുത്ത മൂന്ന് മാസത്തിനുള്ളിൽ നിങ്ങളുടെ സൈസ് കുറയാൻ തുടങ്ങും.

3. തുടർന്നുള്ള മൂന്ന് മാസങ്ങളിൽ ശരീര ഭാരം ക്രമേണ കുറയാൻ തുടങ്ങും.

View this post on Instagram

A post shared by Rujuta Diwekar (@rujuta.diwekar)

"ശരിയായ പാത പിന്തുടരുമ്പോൾ, ആദ്യം ശരീരഭാരം കുറയില്ലെന്ന് ഞാൻ പറയാൻ ആഗ്രഹിക്കുന്നു. ആദ്യം, ആരോഗ്യത്തിൽ പുരോഗതി ഉണ്ടാകും, പിന്നീട് നിങ്ങളുടെ വലുപ്പം കുറയും, 5-6 മാസങ്ങൾക്ക് ശേഷം മാത്രമേ ഭാരം കുറയാൻ തുടങ്ങൂ. ആദ്യത്തെ കുറച്ച് ആഴ്ചകളിൽ നിങ്ങൾ വളരെ വേഗത്തിൽ ശരീരഭാരം കുറയ്ക്കുകയാണെങ്കിൽ, നിങ്ങളുടെ ആരോഗ്യത്തിന്റെ ഒരു അപകട സൂചനയാണ്," റുജുത പറഞ്ഞു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: പനിയുള്ളപ്പോൾ വെറും വയറ്റിൽ പാരസെറ്റമോൾ കഴിച്ചാൽ ശരീരത്തിന് എന്ത് സംഭവിക്കും?