പൊക്കിളിൽ ഈ എണ്ണ പുരട്ടൂ; ആരോഗ്യപ്രശ്നങ്ങൾ അകറ്റാം

ആരോഗ്യകരമായ ജീവിതത്തിന് ശരീരത്തിലെ ഓരോ ഭാഗവും വൃത്തിയായി സൂക്ഷിക്കേണ്ടത് അത്യാവശ്യമാണ്. എന്നാൽ, നമ്മളിൽ പലരും ശ്രദ്ധിക്കാൻ മറക്കുന്ന ഒരു ഭാഗമാണ് പൊക്കിൾ. ഇത് വൃത്തിയായി സൂക്ഷിച്ചില്ലെങ്കിൽ ഹീറ്റ് സ്ട്രോക്ക് പോലുള്ള നിരവധി ആരോഗ്യ പ്രശ്നങ്ങൾക്ക് കാരണമാകുമെന്ന് ഡോ.ശർമ്മിക പറയുന്നു.

പൊക്കിൾ വൃത്തിയായി സൂക്ഷിക്കാത്തത് മൂലമുണ്ടാകുന്ന പ്രശ്നങ്ങൾ

പൊക്കിളിൽ അഴുക്ക് അടിഞ്ഞുകൂടുന്നത് ചില ആരോഗ്യപ്രശ്നങ്ങൾക്ക് കാരണമാകും. സ്ത്രീകളിൽ ആർത്തവ സമയത്ത് കടുത്ത വയറുവേദന, യോനിയിൽ നിന്ന് സ്രവം ഉണ്ടാവുക തുടങ്ങിയ പ്രശ്നങ്ങൾക്ക് പൊക്കിളിൽ അഴുക്ക് കാരണമാകാം. ദീർഘനേരം ഇരുന്ന് ജോലി ചെയ്യുന്ന പുരുഷന്മാരിലും (ഉദാഹരണത്തിന്, കാർ ഡ്രൈവർമാർ, ഓഫീസ് ജീവനക്കാർ) ഇത് ചില ആരോഗ്യപ്രശ്നങ്ങൾക്ക് കാരണമാകും.

Also Read: പ്രമേഹമുള്ളവർക്ക് പൈനാപ്പിൾ എത്ര അളവ് കഴിക്കാം?

പൊക്കിൾ വൃത്തിയാക്കാനുള്ള രീതികൾ

ആവണക്കെണ്ണ അല്ലെങ്കിൽ വെളിച്ചെണ്ണ പൊക്കിളിൽ പുരട്ടി കുറച്ചു കഴിഞ്ഞ് കഴുകി കളയാം. ദിവസവും അല്ലെങ്കിൽ ആഴ്ചയിൽ ഒരിക്കൽ (ഞായറാഴ്ച) പൊക്കിളിൽ ശുദ്ധമായ ആവണക്കെണ്ണ പുരട്ടി തടവുക. അങ്ങനെ ചെയ്യുന്നത് ചെറിയ ഉരുളൻ കല്ലുകൾ പോലെ പൊക്കിളിൽ അടിഞ്ഞുകൂടിയിരിക്കുന്ന അഴുക്ക് നീക്കം ചെയ്യാൻ സഹായിക്കും. 

പൊക്കിളിൽ ചെറിയ വ്രണങ്ങളോ മുഴകളോ ഉണ്ടെങ്കിൽ, ആവണക്കെണ്ണയ്ക്ക് പകരം വെളിച്ചെണ്ണ ഉപയോഗിക്കാം. വെളിച്ചെണ്ണയ്ക്ക് മുറിവ് ഉണക്കുന്ന ഗുണങ്ങൾ ഉള്ളതിനാൽ, മുറിവുകൾ വേഗത്തിൽ സുഖപ്പെടുത്താൻ സഹായിക്കുന്നു. ഈ ലളിതമായ ശീലം പിന്തുടരുന്നതിലൂടെ ശാരീരിക ആരോഗ്യം മെച്ചപ്പെടുത്താൻ കഴിയും.

Also Read: ദിവസവും 7 നേരം ഭക്ഷണം, കൃത്യസമയത്ത് ഉറക്കം; 51-ാം വയസിലും ഹൃത്വിക് ഫിറ്റാണ്

കുളിക്കുന്നതിന് മുമ്പ് നെയ്യ് പൊക്കിളിൽ പുരട്ടുന്നതും ആരോഗ്യത്തിന് സഹായകരമാകും. പൊക്കിളിൽ നെയ്യ് പുരട്ടുന്നത് ചർമ്മത്തെ മൃദുലമാക്കുന്നു. പൊക്കിളിൽ പുരട്ടുമ്പോൾ, ചുറ്റുമുള്ള ചർമ്മത്തെ ഈർപ്പമുള്ളതാക്കാനും വരൾച്ച കുറയ്ക്കാനും മൃദുത്വം നൽകാനും സഹായിക്കും. തണുത്ത മാസങ്ങളിൽ പൊക്കിളിൽ നെയ്യ് പുരട്ടുന്നത് ചർമ്മത്തിന് ഏറെ ഗുണം ചെയ്യും. ചർമ്മത്തിൽ ഈർപ്പം നിലനിർത്തുന്നതിന് പൊക്കിളിൽ നെയ്യ് പുരട്ടണം. വരണ്ട ചർമ്മമുള്ള വ്യക്തികൾക്ക് ഇതേറെ ഗുണം ചെയ്യും. ആയുർവേദ പ്രകാരം പൊക്കിൾ ഭാഗത്തായി നെയ്യ് പുരട്ടുന്നത് ദഹന എൻസൈമുകളെ സജീവമാക്കുകയും മികച്ച ദഹനത്തെ പ്രോത്സാഹിപ്പിക്കുകയും ചെയ്യും. ദഹനപ്രശ്നങ്ങളുള്ളവർക്ക് നെയ്യ് ആശ്വാസം നൽകും.

Also Read: ഭക്ഷണമല്ല, രക്തത്തിലെ പഞ്ചസാരയുടെ അളവ് വർധിപ്പിക്കുന്ന 5 കാര്യങ്ങൾ ഇവയാണ്

നെയ്യ് പൊക്കിളിൽ പുരട്ടുന്നത് ശരീരത്തെ ശാന്തമാക്കുന്നു, അങ്ങനെ പിരിമുറുക്കം കുറയുന്നു, വേഗത്തിൽ ഉറക്കം നൽകുന്നു. ഉറക്കമില്ലായ്മ അല്ലെങ്കിൽ അസ്വസ്ഥമായ രാത്രികൾ അനുഭവിക്കുന്നവർക്ക് ഇത് വളരെ പ്രയോജനകരമാണ്. നെയ്യിലെ രോഗപ്രതിരോധ സംവിധാനത്തിന് ഗുണം ചെയ്യുന്നുണ്ട്. പൊക്കിളിൽ നെയ്യ് പുരട്ടുന്നതിലൂടെ, ഈ പോഷകങ്ങൾ കൂടുതൽ ഫലപ്രദമായി ആഗിരണം ചെയ്യപ്പെടുമെന്ന് വിശ്വസിക്കപ്പെടുന്നു. ഇത് അണുബാധകളെയും രോഗങ്ങളെയും ചെറുക്കാനുള്ള ശരീരത്തിന്റെ കഴിവ് വർധിപ്പിക്കുന്നു.  

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: അരക്കെട്ട് എന്നും ആകൃതിയിൽ നിൽക്കും? വയറിലെ കൊഴുപ്പ് കുറയ്ക്കാൻ ഈ 5 കാര്യങ്ങൾ ചെയ്യൂ