/indian-express-malayalam/media/agency_attachments/RBr0iT1BHBDCMIEHAeA5.png)
Follow Us/indian-express-malayalam/media/media_files/Celf9tVx7qCwkRwRombe.jpg)
Credit: Pexels
അടുത്തിടെ കൊതുകിനെ ഉപയോഗിച്ചുള്ള ബർഗർ കഴിക്കുന്ന ഒരു വീഡിയോ സോഷ്യൽ മീഡിയയിൽ വൈറലായിരുന്നു. കിഴക്കന്‍ ആഫ്രിക്കയിലെ വിക്ടോറിയ പ്രദേശത്തെ ആളുകളാണ് കൊതുകിനെ ഉപയോഗിച്ച് ബർഗർ തയ്യാറാക്കി കഴിക്കുന്നത്. പ്രാണികളെ കഴിക്കുന്നത് പലർക്കും അസാധാരണമോ അരോചകമോ ആയി തോന്നുമെങ്കിലും, ഈ ശീലം ആരോഗ്യത്തിനും പരിസ്ഥിതിക്കും ഗുണം ചെയ്യുന്നതാണെന്ന് അറിയുക. ഇതിനെക്കുറിച്ച് കണ്ടന്റ് ക്രിയേറ്റർ ക്രിഷ് അശോക് അടുത്തിടെ ഇൻസ്റ്റഗ്രാം റീലിൽ വിശദീകരിച്ചിരുന്നു.
''അടുത്തിടെ, ഒരു വൈറൽ വീഡിയോയിൽ ആഫ്രിക്കയിലെ ചില ആളുകൾ കൊതുക് ബർഗർ കഴിക്കുന്നത് കണ്ടു. മഴക്കാലത്ത് വിക്ടോറിയ പ്രദേശത്തുള്ളവർ 600,000 കൊതുകുകളെ ഉപയോഗിച്ചാണ് ഒരു ബർഗർ തയ്യാറാക്കുന്നത്. പ്രാണികളെ കഴിക്കുന്നത് ആരോഗ്യത്തിന് നല്ലതല്ലെന്ന് കരുതുന്നത് സ്വാഭാവികമാണ്. എന്നാൽ, അങ്ങനെ ചിന്തിക്കുന്നത് തെറ്റാണ്. ആരോഗ്യത്തിന് നല്ലതാണ്,'' അദ്ദേഹം വീഡിയോയിൽ പറഞ്ഞു.
ബീഫ്, ചിക്കൻ തുടങ്ങിയ മാംസങ്ങളിലെ പ്രോട്ടീന്റെ അളവിനെക്കാൾ കൂടുതൽ പോഷകഗുണമാണ് പ്രാണികൾക്കുള്ളത്. അവ പ്രോട്ടീന്റെ സമ്പന്നമായ ഉറവിടമാണ്. നമ്മുടെ ശരീരത്തിന് ആവശ്യമായ എല്ലാ അമിനോ ആസിഡുകളും അവയിൽ അടങ്ങിയിരിക്കുന്നുവെന്ന് സീനിയർ ന്യൂട്രീഷ്യനിസ്റ്റ് ഇപ്‌സിത ചക്രബർത്തി പറഞ്ഞു. പ്രാണികൾ ബി 12, റൈബോഫ്ലേവിൻ എന്നിവയുൾപ്പെടെ നിരവധി വിറ്റാമിനുകളും ഇരുമ്പ്, സിങ്ക്, മഗ്നീഷ്യം തുടങ്ങിയ അവശ്യ ധാതുക്കളും നൽകുന്നു. ചില പ്രാണികൾ ഒമേഗ-3, ഒമേഗ-6 ഫാറ്റി ആസിഡുകൾ, കൈറ്റെൺ (ദഹന ആരോഗ്യത്തെ സഹായിക്കുന്ന ഒരു തരം നാരുകൾ) എന്നിവ പോലുള്ള ആരോഗ്യകരമായ കൊഴുപ്പുകളും നൽകുന്നുവെന്ന് അവർ വ്യക്തമാക്കി.
ആഫ്രിക്കയിലും ഏഷ്യയിലും ലാറ്റിനമേരിക്കയിലുടനീളമുള്ള പല സംസ്കാരങ്ങളിലും നൂറ്റാണ്ടുകളായി പ്രാണികളെ ഭക്ഷിക്കുന്ന രീതിയുണ്ട്. പാശ്ചാത്യ സമൂഹങ്ങൾ പലപ്പോഴും അതിനെ വെറുപ്പോടെയാണ് കാണുന്നത്. എന്നാൽ, പ്രാണികളുടെ ആരോഗ്യ ഗുണങ്ങൾ തിരിച്ചറിയുന്നതിനാൽ ആളുകളെ മനോഭാവം ഏറെക്കുറെ ഇപ്പോൾ മാറിയിട്ടുണ്ടെന്നും അവർ അഭിപ്രായപ്പെട്ടു.
Read More
Stay updated with the latest news headlines and all the latest Lifestyle news. Download Indian Express Malayalam App - Android or iOS.