പ്രമേഹം നിയന്ത്രിക്കാം, ഗ്രാമ്പൂ ചായ കുടിക്കൂ

ഇന്ത്യൻ അടുക്കളകളിൽ സാധാരണയായി ഉപയോഗിക്കുന്ന സുഗന്ധവ്യഞ്ജനങ്ങളിൽ ഒന്നാണ് ഗ്രാമ്പൂ. എന്നാൽ, ഗ്രാമ്പൂവിന് പ്രമേഹം നിയന്ത്രിക്കാൻ കഴിയുമെന്നാണ് പറയുന്നത്. ഡയറ്റിൽ ഗ്രാമ്പൂ ചേർത്ത ചായ ഉൾപ്പെടുത്തിയാൽ പ്രമേഹരോഗികൾക്ക് ഗുണകരമാകും. ഗ്രാമ്പൂ ചായയുടെ ഗുണങ്ങളും പ്രമേഹത്തെ നിയന്ത്രിക്കാൻ സഹായിക്കുന്നത് എങ്ങനെയെന്നും നോക്കാം.

പ്രമേഹരോഗികൾക്ക് ദഹന ആരോഗ്യം വളരെ പ്രധാനമാണ്. ദുർബലമായ ദഹനവ്യവസ്ഥ രക്തത്തിലെ പഞ്ചസാരയുടെ അളവ് പെട്ടെന്ന് ഉയരാൻ ഇടയാക്കും. അസ്ഥിരമായ രക്തത്തിലെ പഞ്ചസാരയുടെ അളവ് വയറിലെ ഞരമ്പുകളെ തകരാറിലാക്കുകയും ദഹനത്തെ മന്ദീഭവിപ്പിക്കുകയും ചെയ്യും. ഇത് തടയാൻ ഗ്രാമ്പൂ ചായ കുടിക്കുന്നത് സഹായിക്കും.

ആന്റിഓക്‌സിഡന്റുകളാൽ സമ്പന്നമായ ഭക്ഷണപാനീയങ്ങൾ പ്രമേഹമുള്ളവർ ഡയറ്റിൽ ഉൾപ്പെടുത്തണം. ആന്റിഓക്‌സിഡന്റുകളുടെ സമ്പന്നമായ ഉറവിടമാണ് ഗ്രാമ്പൂ. ഫ്രീ റാഡിക്കലുകൾ മൂലമുണ്ടാകുന്ന നാശത്തിൽ നിന്ന് ശരീരത്തെ സംരക്ഷിക്കാൻ അവ സഹായിക്കുന്നു. പ്രമേഹം ശരീരത്തിൽ വീക്കം ഉണ്ടാക്കുകയും മറ്റ് ആരോഗ്യപ്രശ്നങ്ങളിലേക്ക് നയിക്കുകയും ചെയ്യും. ഗ്രാമ്പൂ ചായ പോലുള്ള ആന്റി ഇൻഫ്ലാമേറ്ററി ഗുണങ്ങളുള്ള ഭക്ഷണങ്ങളും പാനീയങ്ങളും കഴിക്കുന്നതിലൂടെ ഇത് പരിഹരിക്കാനാകും.

ഗ്രാമ്പൂ ചായയുടെ മറ്റൊരു അത്ഭുതകരമായ ഗുണം പ്രമേഹരോഗികളിലെ ഒരു സാധാരണ പ്രശ്നമായ ഇൻസുലിൻ സംവേദനക്ഷമത മെച്ചപ്പെടുത്താനുള്ള കഴിവാണ്. ഗ്രാമ്പൂ ചായ ഇൻസുലിൻ സംവേദനക്ഷമത മെച്ചപ്പെടുത്താൻ സഹായിക്കും.

ഗ്രാമ്പൂ ചായ തയ്യാറാക്കുന്ന വിധം

കുറച്ചു ഗ്രാമ്പൂ പൊടിച്ചെടുക്കുക. ഇത് ചേർത്ത വെള്ളം 8-10 മിനിറ്റ് തിളപ്പിക്കുക. ആവശ്യത്തിന് അനുസരിച്ച് വെള്ളം കൂടുതൽ ചേർക്കാവുന്നതാണ്. വെള്ളം തിളക്കാൻ തുടങ്ങുമ്പോൾ കുറച്ച് തേയില പൊടി ചേർക്കുക. കുറച്ചു മിനിറ്റു കൂടി തിളപ്പിച്ചശേഷം അരിച്ചെടുത്ത് കുടിക്കുക. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ഉറങ്ങുന്നതിനു മുൻപ് പാലിൽ ശർക്കര ചേർത്ത് കുടിച്ചാലുള്ള ആരോഗ്യ ഗുണങ്ങൾ
• ആരോഗ്യമുള്ള ഹൃദയത്തിന് ഒഴിവാക്കൂ ഈ ഭക്ഷണങ്ങൾ
• വയറിലെ കൊഴുപ്പ് കുറയ്ക്കാൻ ഈ പ്രഭാത ശീലങ്ങൾ സഹായിച്ചേക്കാം
• ദിവസവും ഒരു പച്ചമുട്ട കഴിച്ചാൽ ശരീരത്തിന് എന്തു സംഭവിക്കും?
• ഉപ്പോ പഞ്ചസാരയോ ചേർത്ത തൈര്, ഇവയിലേതാണ് നല്ലത്?