രാവിലെ 2 മുട്ട, രാത്രിയിൽ സൂപ്പ് മാത്രം; ജാൻവി കപൂറിന്റെ വടിവൊത്ത ശരീരത്തിനുപിന്നിലെ രഹസ്യം

ബോളിവുഡിലെ ഫിറ്റസ്റ്റ് സെലിബ്രിറ്റികളിൽ ഒരാളാണ് ജാൻവി കപൂർ. 28-ാം വയസിൽ കർശന ഡയറ്റും പതിവ് വ്യായാമവും ജാൻവി പിന്തുടരുന്നുണ്ട്. 2022 ൽ ഒരു മാഗസിന് നൽകിയ അഭിമുഖത്തിൽ തന്റെ ഫിറ്റ്നസ് രഹസ്യത്തെക്കുറിച്ച് ജാൻവി വെളിപ്പെടുത്തിയിരുന്നു. 

''ഞാൻ സ്ട്രിക്റ്റ് ഡയറ്റ് പിന്തുടരുന്നയാളാണ്. പ്രഭാതഭക്ഷണത്തിന് അവോക്കാഡോയും രണ്ട് മുട്ടയും മാത്രമാണ് ഞാൻ കഴിക്കാറുള്ളത്. ഉച്ചഭക്ഷണത്തിന് സ്പിനചും ഗ്രിൽഡ് ചിക്കനും കഴിക്കും. അത്താഴത്തിന് സൂപ്പ് മാത്രമാണ്. ജാപ്പനീസ്, ഇറ്റാലിയൻ, ആന്ധ്ര, മുഗളായ് എന്നിവയാണ് എനിക്ക് ഇഷ്ടപ്പെട്ട ഭക്ഷണങ്ങൾ,'' ജാൻവി പറഞ്ഞു.

എന്തിനോടാണ് ജാൻവി 'നോ നോ' എന്നു പറയുക എന്ന ചോദ്യത്തിന് ഗ്ലൂട്ടൻ എന്നായിരുന്നു താരത്തിന്റെ മറുപടി. തനിക്ക് അലർജിയുള്ളതിനാൽ ഗ്ലൂറ്റൻ ഒഴിവാക്കാറുണ്ടെന്ന് ജാൻവി പറഞ്ഞു. ഗോതമ്പ് പോലുള്ള ചില ധാന്യങ്ങളിൽ കാണപ്പെടുന്ന ഒരു പ്രോട്ടീനായ ഗ്ലൂറ്റൻ അടങ്ങിയ ഭക്ഷണങ്ങൾ ഒഴിവാക്കുന്നതാണ് ഗ്ലൂറ്റൻ ഫ്രീ ഡയറ്റ്. ധാരാളം പഞ്ചസാര അടങ്ങിയിട്ടുണ്ടെങ്കിലും പഴങ്ങൾ കഴിക്കാൻ തനിക്കേറെ ഇഷ്ടമാണെന്ന് ജാൻവി പറഞ്ഞു. ''എനിക്ക് സ്ട്രോബെറി വളരെ ഇഷ്ടമാണ്... എനിക്ക് ഗോൾഗപ്പയും ഐസ്ക്രീമും ഇഷ്ടമാണ്," ജാൻവി വ്യക്തമാക്കി.

എല്ലാ ഭക്ഷണങ്ങളും താൻ കഴിക്കാറുണ്ടെന്നും വണ്ണം കൂടാതിരിക്കാൻ വ്യായാമം ചെയ്യാറുണ്ടെന്നും മറ്റൊരു അഭിമുഖത്തിൽ ജാൻവി പറഞ്ഞിരുന്നു. രാവിലെ ഒരു സ്പൂൺ നെയ്യ് കഴിച്ചാണ് തന്റെ ദിവസം തുടങ്ങാറെന്നും ജാൻവി വെളിപ്പെടുത്തിയിരുന്നു. രാത്രിയിൽ 10 നു മുൻപായി അത്താഴം കഴിക്കാറുണ്ടെന്നും നടി പറഞ്ഞു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ഡോക്ടറെ അകറ്റി നിർത്താം, ഒരു ദിവസം 1 ആപ്പിൾ കഴിക്കൂ
• യോനി ആരോഗ്യം പ്രധാനം, ഈ 10 കാര്യങ്ങൾ ചെയ്യരുത്
• പ്രതിരോധശേഷി വർധിപ്പിച്ച് കാൻസർ സാധ്യത കുറയ്ക്കാം; 6 കാര്യങ്ങൾ നിർദേശിച്ച് ഡോക്ടർ
• ചോറോ ചപ്പാത്തിയോ; വണ്ണം കുറയ്ക്കാൻ നല്ലത് ഏതാണ്?