ജിമ്മിൽ പോയിട്ട് 30 വർഷം ആയിക്കാണും, വണ്ണം കുറച്ചത് വീട്ടിലെ ഭക്ഷണം കഴിച്ച്: ഖുശ്ബു

തെന്നിന്ത്യൻ ചിത്രങ്ങളിലെ ഒരു കാലത്തെ താരറാണിയായിരുന്നു ഖുശ്ബു. സംവിധായകൻ സുന്ദറുമായുള്ള വിവാഹത്തോടെയാണ് ഖുശ്ബു അഭിനയത്തിൽനിന്നും വിട്ടു നിൽക്കാൻ തുടങ്ങിയത്. പിന്നീട്, അഭിനയ ജീവിതത്തിലേക്ക് മടങ്ങിയെത്തിയ ഖുശ്ബു ഇപ്പോൾ അഭിനയത്തിലും രാഷ്ട്രീയപ്രവർത്തനങ്ങളിലും സജീവമാണ്. 

അടുത്തിടെ ശരീര ഭാരം കുറച്ചും ഖുശ്ബു ഫിറ്റ്നസ് പ്രേമികളെ അമ്പരിപ്പിച്ചിരുന്നു. ജിമ്മിൽ പോകാതെ, വീട്ടിൽ വ്യായാമം ചെയ്തും വീട്ടിൽ തയ്യാറാക്കിയ ഭക്ഷണം കഴിച്ചുമാണ് ഖുശ്ബു ശരീര ഭാരം കുറച്ചത്. അടുത്തിടെ നലം ക്ലിനിക്കിന്റെ ഉദ്ഘാടന പരിപാടിയിൽ പങ്കെടുത്ത ഖുശ്ബു തന്റെ ശരീര ഭാരം കുറയ്ക്കാനുള്ള യാത്രയെക്കുറിച്ച് സംസാരിച്ചിരുന്നു.

Also Read: 35 കിലോ കുറയ്ക്കാൻ പാടുപെടേണ്ട; ഈ 5 കാര്യങ്ങൾ ചെയ്തോളൂ

മൈദ അടങ്ങിയ ഉത്പന്നങ്ങളെല്ലാം താൻ കഴിക്കുന്നത് നിർത്തിയതായി ഖുശ്ബു പറഞ്ഞു. മൈദ അടങ്ങിയ ഒരു ഉത്പന്നങ്ങളും വേണ്ട. ഒരു ശരീര ബോഡിക്കും മൈദ നല്ലതല്ല. രണ്ടു ബിസ്കറ്റ് നാലു ചപ്പാത്തിക്ക് തുല്യമാണെന്നും ഖുശ്ബു അഭിപ്രായപ്പെട്ടു. ഒരു ദിവസം ബിസ്കറ്റോ മറ്റെന്തെങ്കിലും കഴിക്കുന്നുവെങ്കിൽ ആ ദിവസത്തിലെ മറ്റു ഭക്ഷണം നിയന്ത്രിക്കണമെന്ന് അവർ പറഞ്ഞു. 

Also Read: നാരങ്ങയും വെളുത്തുള്ളിയും ഇഞ്ചിയും ചേർത്ത വെള്ളം കുടിക്കൂ; അതിശയിപ്പിക്കും ഗുണങ്ങൾ

ശരീര ഭാരം കുറയ്ക്കാൻ എപ്പോഴും വീട്ടിൽ തയ്യാറാക്കിയ ഭക്ഷണം കഴിക്കുന്നതാണ് നല്ലത്. പട്ടിണി കിടന്നാലും ശരീര ഭാരം കുറയില്ല. ഒരു ദിവസം 5-6 തവണ ഭക്ഷണം കഴിക്കാം. ചോറും ചപ്പാത്തിയും, ബ്രെഡും ചപ്പാത്തിയും, ചോറും ബ്രെഡും ഇങ്ങനെ മിക്സ് ചെയ്ത് കഴിച്ചാൽ ശരീര ഭാരം കുറയില്ല. ഏതെങ്കിലും ഒരെണ്ണം കഴിക്കാൻ ഖുശ്ബു നിർദേശിച്ചു. 

Also Read: പ്രമേഹം നിയന്ത്രിക്കുന്നതിനുള്ള മാജിക്കൽ ടിപ്‌സ്; ഭക്ഷണം ഇങ്ങനെ ചവയ്ക്കൂ

താൻ ജിമ്മിൽ പോകാറേയില്ലെന്നും ഖുശ്ബു വെളിപ്പെടുത്തി. ഞാൻ ജിമ്മിൽ പോയിട്ട് 30 വർഷമെങ്കിലും ആയിക്കാണും. ഞാൻ എപ്പോഴും പുറത്ത് വ്യായാമങ്ങൾ ചെയ്യാൻ ഇഷ്ടപ്പെടുന്നയാളാണ്. എത്ര ദൂരം നടക്കാൻ പറഞ്ഞാലും ഞാൻ സന്തോഷത്തോടെ നടക്കും. ശരീര ഭാരം കുറയ്ക്കുകയെന്നത് ബുദ്ധിമുട്ടുള്ള കാര്യമാണ്. പക്ഷേ, ആദ്യത്തെ 5 കിലോ കുറയ്ക്കുകയെന്നത് എളുപ്പമാണ്. 5 കിലോയ്ക്ക് ശേഷം കുറയ്ക്കുകയെന്നതാണ് ബുദ്ധിമുട്ടുള്ള കാര്യം. ആ സമയത്ത് ഭക്ഷണത്തിലും വ്യായാമങ്ങളിലും മാറ്റം വരുത്തുന്നത് ഗുണം ചെയ്യുമെന്ന് ഖുശ്ബു പറഞ്ഞു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: 3 ദിവസം കൊണ്ട് കരൾ വൃത്തിയാക്കാം, രാവിലെ വെറും വയറ്റിൽ ഈ പാനീയം കുടിക്കൂ