രാത്രി മുഴുവൻ കുതിർത്ത് വയ്ക്കുക, രാവിലെ കുടിക്കുക; ശരീര ഭാരം കുറയും

ആരോഗ്യകരമായ ജീവിതശൈലിക്ക് ശരിയായ ഭക്ഷണശീലങ്ങൾ അത്യാവശ്യമാണ്. പ്രത്യേകിച്ച്, നിങ്ങളുടെ ദിവസം പുതുമയോടെ ആരംഭിക്കേണ്ടത് വളരെ പ്രധാനമാണ്. ഇതിനായി, രാത്രിയിൽ കുറച്ച് ചേരുവകൾ ചേർത്ത് രാവിലെ വെറും വയറ്റിൽ കുടിക്കുന്ന ഒരു ആരോഗ്യകരമായ പാനീയത്തിന് ശരീരത്തിൽ നിരവധി അത്ഭുതങ്ങൾ സൃഷ്ടിക്കാൻ കഴിയും. ഉലുവയും ജീരകവും ഒരുമിച്ച് കുതിർത്ത് കുടിക്കുന്നതിലൂടെ അവയുടെ ഔഷധ ഗുണങ്ങൾ പല മടങ്ങ് വർധിക്കുന്നു.

Also Read: പ്രമേഹം വരാൻ കൂടുതൽ സാധ്യത, ഈ 6 ഭക്ഷണങ്ങൾ ഒഴിവാക്കിക്കോളൂ

ചേരുവകൾ

• ഉലുവ - 1 ടീസ്പൂൺ 
• ജീരകം - 1 ടീസ്പൂൺ
• വെള്ളം - 1 ഗ്ലാസ്

തയ്യാറാക്കുന്ന വിധം

ഒരു 1 ഗ്ലാസ് വെള്ളം എടുക്കുക. അതിലേക്ക് 1 ടീസ്പൂൺ ഉലുവയും ജീരകവും ചേർത്ത് നന്നായി ഇളക്കുക. ഈ മിശ്രിതം രാത്രി മുഴുവൻ (കുറഞ്ഞത് 8 മണിക്കൂർ) കുതിർക്കുക. ഇങ്ങനെ കുതിർക്കുന്നത് വഴി അവയുടെ പോഷകങ്ങൾ പൂർണ്ണമായും വെള്ളത്തിൽ ആഗിരണം ചെയ്യപ്പെടും. രാവിലെ ഉണർന്ന ഉടനെ, പല്ല് തേച്ച ശേഷം, ഈ വെള്ളം അരിച്ചെടുത്ത് വെറും വയറ്റിൽ കുടിക്കുക. കുതിർത്ത ഉലുവയും ജീരകവും ചവയ്ക്കുകയോ പാചകം ചെയ്യുമ്പോൾ ഉപയോഗിക്കുകയോ ചെയ്യാം.

Also Read: '4 ഗ്രാം പ്രോട്ടീൻ' അടങ്ങിയ ഒരേയൊരു പഴം; പ്രമേഹമുള്ളവർ ഒരിക്കലും ഒഴിവാക്കരുത്

ഒരു മാസത്തേക്ക് രാവിലെ വെറും വയറ്റിൽ ഈ പാനീയം കുടിച്ചാൽ, നിങ്ങളുടെ ശരീരത്തിൽ അത്ഭുതകരമായ മാറ്റങ്ങൾ അനുഭവപ്പെടും. ഉലുവയിലും ജീരകത്തിലും നാരുകൾ ധാരാളം അടങ്ങിയിരിക്കുന്നതിനാൽ ഈ പാനീയം ദിവസവും കുടിക്കുന്നത് മലബന്ധം ഒഴിവാക്കാൻ സഹായിക്കും. ഇത് മലവിസർജനം മെച്ചപ്പെടുത്തുകയും വിട്ടുമാറാത്ത മലബന്ധം തടയാൻ സഹായിക്കുകയും ചെയ്യുന്നു. ജീരകം ദഹന എൻസൈമുകളെ ഉത്തേജിപ്പിക്കുകയും ഭക്ഷണം എളുപ്പത്തിൽ ദഹിപ്പിക്കാൻ സഹായിക്കുകയും ചെയ്യുന്നു. ഇത് വയറുവേദന, ദഹനക്കേട് തുടങ്ങിയ പ്രശ്നങ്ങൾ കുറയ്ക്കും.

ഉലുവയിലെ നാരുകൾ ദീർഘനേരം വയറു നിറഞ്ഞതായി തോന്നിപ്പിക്കുകയും അമിതമായി ഭക്ഷണം കഴിക്കുന്നത് നിയന്ത്രിക്കുകയും ശരീരഭാരം കുറയ്ക്കാൻ സഹായിക്കുകയും ചെയ്യുന്നു. ഈ വെള്ളം ശരീരത്തിന്റെ ഉപാപചയ നിരക്ക് വർധിപ്പിക്കുകയും അനാവശ്യ കൊഴുപ്പ് കത്തുന്നതിനെ ഉത്തേജിപ്പിക്കുകയും ചെയ്യുന്നു.

Also Read: പ്രമേഹരോഗികൾക്ക് വാഴപ്പഴം എപ്പോൾ കഴിക്കാം?

ഇതിനുപുറമെ, ഉലുവയിലെ ലയിക്കുന്ന നാരുകൾ 'ഗാലക്ടോമാനൻ' രക്തത്തിലെ പഞ്ചസാരയുടെ ആഗിരണം മന്ദഗതിയിലാക്കുന്നു. ഇത് രക്തത്തിലെ പഞ്ചസാരയുടെ അളവ് നിയന്ത്രണത്തിലാക്കാൻ സഹായിക്കുന്നു. ഉലുവയ്ക്ക് സ്വാഭാവിക വേദനസംഹാരിയും വീക്കം തടയുന്ന ഗുണങ്ങളുമുണ്ട്. ആർത്തവ സമയത്ത് പേശിവലിവും വേദനയും കുറയ്ക്കാൻ സഹായിക്കുന്നു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: കാലാവസ്ഥ മാറ്റം പ്രമേഹമുള്ളവരെ ബാധിക്കുന്നതെങ്ങനെ?