പേരയ്ക്കയോ ആപ്പിളോ: ആരോഗ്യത്തിന് നല്ലത് ഏത്? എന്തുകൊണ്ട്?

ശരീര ആരോഗ്യം നിലനിർത്തുന്നതിൽ പഴങ്ങൾക്ക് വലിയ പങ്കുണ്ട്. വളരെ സുലഭമായി ലഭ്യമായ രണ്ടു പഴങ്ങളാണ് പേരയ്ക്കയും ആപ്പിളും. ഇവ രണ്ടും പോഷക സാന്ദ്രമായ പഴങ്ങളാണ്. എന്നാൽ, ഇവയിൽ ഏതാണെന്ന് കൂടുതൽ ആരോഗ്യകരമെന്ന് ചോദിച്ചാൽ ഇത്തിരി ആശയക്കുഴപ്പത്തിലാകും. 

വിറ്റാമിൻ സി ഉള്ളടക്കത്തിന് പേരുകേട്ടതാണ് പേരയ്ക്ക. പ്രതിദിന വിറ്റാമിൻ സിയുടെ 200% ലധികം നൽകാൻ ഒരു പേരയ്ക്കയ്ക്ക് കഴിയും. പ്രതിരോധശേഷി വർധിപ്പിക്കുന്നതിനും ചർമ്മത്തിന്റെ ആരോഗ്യം മെച്ചപ്പെടുത്തുന്നതിനും ഓക്സിഡേറ്റീവ് സമ്മർദത്തെ ചെറുക്കുന്നതിനും പേരയ്ക്ക ഗുണം ചെയ്യും. എന്നാൽ, ഒരു ആപ്പിളിൽ മിതമായ അളവിൽ മാത്രമേ വിറ്റാമിൻ സി അടങ്ങിയിട്ടുള്ളൂ. 

ആപ്പിൾ ഫൈബർ ഉള്ളടക്കത്തിൽ മുന്നിലാണ്. ഒരു ഇടത്തരം ആപ്പിൾ ഏകദേശം 4 ഗ്രാം നാരുകൾ നൽകുന്നു, പ്രത്യേകിച്ച് പെക്റ്റിൻ. പേരയ്ക്കയിൽ നാരുകൾ അടങ്ങിയിട്ടുണ്ട്, പക്ഷേ അൽപം കുറവാണ്. ഒരു പഴത്തിന് ഏകദേശം 3 ഗ്രാം മാത്രമേ നൽകുന്നുള്ളൂ. നാരുകൾ ദഹന ആരോഗ്യത്തിന് ഗുണം ചെയ്യും, കൊളസ്ട്രോൾ അളവ് നിയന്ത്രിക്കാൻ സഹായിക്കുന്നു. ഇതൊക്കെയാണെങ്കിലും, പേരയ്ക്ക ലയിക്കുന്നതും ലയിക്കാത്തതുമായ നാരുകൾ നൽകുന്നുണ്ട്. അതിനാൽതന്നെ ദഹന ആരോഗ്യത്തിനുള്ള മികച്ച തിരഞ്ഞെടുപ്പാണ്.

രണ്ട് പഴങ്ങളിലും കലോറി കുറവാണ്. ഒരു ഇടത്തരം ആപ്പിളിൽ ഏകദേശം 95 കലോറി ഉണ്ട്, ഒരു ഇടത്തരം പേരക്കയിൽ ഏകദേശം 68 കലോറി ഉണ്ട്. രണ്ടും ശരീരഭാരം നിയന്ത്രിക്കുന്നവർക്കുള്ള മികച്ച തിരഞ്ഞെടുപ്പുകളാണ്. എന്നാൽ പേരയ്ക്ക കുറച്ച് കലോറിയും കൂടുതൽ പോഷകങ്ങളാൽ നിറഞ്ഞതുമാണ്. പേരയ്ക്കയിൽ ആപ്പിളിനേക്കാൾ കൂടുതൽ പ്രോട്ടീൻ ഉണ്ട്. പ്രോട്ടീൻ വർധിപ്പിക്കുന്നതിനുള്ള മികച്ച ഓപ്ഷനാണ്  പേരയ്ക്ക.

ഫ്രീ റാഡിക്കലുകളെ ചെറുക്കാനും വീക്കം കുറയ്ക്കാനും വിട്ടുമാറാത്ത രോഗങ്ങളുടെ സാധ്യത കുറയ്ക്കാനും അറിയപ്പെടുന്ന ലൈക്കോപീൻ, ക്വെർസെറ്റിൻ എന്നിവയുൾപ്പെടെയുള്ള ആന്റിഓക്‌സിഡന്റുകളുടെ ഏറ്റവും ശക്തമായ ഉറവിടങ്ങളിലൊന്നാണ് പേരയ്ക്ക. പിങ്ക് നിറത്തിലുള്ള പേരയ്ക്കയിൽ ഉയർന്ന അളവിൽ ലൈക്കോപീൻ ഉണ്ട്. ഇത് സ്തനങ്ങളുടെ ആരോഗ്യത്തിന് ഗുണം ചെയ്യും. ആപ്പിളിന്റെ തൊലിയാണ് കൂടുതൽ ആന്റിഓക്‌സിഡന്റുകളും ഉള്ളത്. അതിനാൽ ആപ്പിൾ തൊലി കളയാതെ കഴിക്കുന്നത് ഗുണം വർധിപ്പിക്കും.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• തണുപ്പ് കാലത്ത് കഴിക്കാൻ പാടില്ലാത്ത പഴങ്ങൾ അറിയാമോ?
• ഡിസംബറിൽ ഈന്തപ്പഴം കഴിക്കാം, അറിയാം കാരണങ്ങൾ
• ഒരു നുള്ള് ഉപ്പ് ചേർത്ത വെള്ളം മതി; ശരീര ഭാരം കുറയ്ക്കും, സ്ട്രെസ് അകറ്റും
• വിറ്റാമിൻ ഡിയുടെ കുറവ് ഗർഭധാരണത്തെ ബാധിക്കുമോ?
• ബ്ലഡ് ഷുഗർ നിയന്ത്രിക്കാൻ രാവിലത്തെ ശീലങ്ങൾ മാറ്റി പിടിക്കാം