ഡിസംബറിൽ ഈന്തപ്പഴം കഴിക്കാം, അറിയാം കാരണങ്ങൾ

വിറ്റാമിനുകൾ, ധാതുക്കൾ, നാരുകൾ, ആന്റിഓക്‌സിഡന്റുകൾ എന്നിവയുൾപ്പെടെ അവശ്യ പോഷകങ്ങളാൽ സമ്പന്നമാണ് ഈന്തപ്പഴം. മധുരമുള്ള ഭക്ഷണങ്ങൾക്ക് ആരോഗ്യകരമായ ഒരു ബദലാണ് ഈന്തപ്പഴം. പോഷക സാന്ദ്രത, ഊർജം വർധിപ്പിക്കാനുള്ള കഴിവ് എന്നിവ ശൈത്യകാലത്ത് കഴിക്കാൻ അനുയോജ്യമായ ഭക്ഷണമാക്കി അവയെ മാറ്റുന്നു. ശരീരത്തിന് ആവശ്യമായ പോഷകങ്ങൾ നൽകാനും പ്രതിരോധശേഷി ശക്തിപ്പെടുത്താനും ഈന്തപ്പഴം സഹായിക്കും.

1. പ്രതിരോധശേഷി വർധിപ്പിക്കുന്നു

ഫ്ലേവനോയിഡുകൾ, കരോട്ടിനോയിഡുകൾ, ഫിനോളിക് ആസിഡ് തുടങ്ങിയ ആന്റിഓക്‌സിഡന്റുകളാൽ സമ്പന്നമാണ് ഈന്തപ്പഴം. ഫ്രീ റാഡിക്കലുകളെ ചെറുക്കാനും കോശങ്ങളുടെ കേടുപാടുകൾ തടയാനും സഹായിക്കുന്നു. വിറ്റാമിനുകളുടെയും ധാതുക്കളുടെയും ഉയർന്ന ഉള്ളടക്കം രോഗപ്രതിരോധ സംവിധാനത്തെ ശക്തിപ്പെടുത്തുന്നു, ജലദോഷം, പനി എന്നിവ പോലുള്ള ശൈത്യകാല രോഗങ്ങളെ പ്രതിരോധിക്കാൻ സഹായിക്കുന്നു.

2. ഇരുമ്പ് സമ്പുഷ്ടമായതിനാൽ വിളർച്ച തടയുന്നു

ഈന്തപ്പഴം ഇരുമ്പിന്റെ മികച്ച ഉറവിടമാണ്. ഹീമോഗ്ലോബിന്റെ അളവ് വർധിപ്പിക്കാൻ സഹായിക്കുന്നു. വിളർച്ച തടയുന്നതിന് ഇരുമ്പ് അത്യന്താപേക്ഷിതമാണ്. 

3. ദഹന ആരോഗ്യം പ്രോത്സാഹിപ്പിക്കുന്നു

നാരുകൾ കൂടുതലുള്ളതിനാൽ, ഈന്തപ്പഴം ദഹനത്തെ സഹായിക്കുന്നു, മലബന്ധം തടയുന്നു. ഈന്തപ്പഴത്തിലെ ലയിക്കുന്ന നാരുകൾ ക്രമമായ മലവിസർജനത്തെ പ്രോത്സാഹിപ്പിക്കുന്നു.

4. ഊർജ നില വർധിപ്പിക്കുന്നു

ഈന്തപ്പഴം ഗ്ലൂക്കോസ്, ഫ്രക്ടോസ്, സുക്രോസ് തുടങ്ങിയവയുടെ സ്വാഭാവിക ഉറവിടമാണ്.പെട്ടെന്നുള്ള ഊർജ്ജം നൽകുന്നു. ശൈത്യകാലത്ത്, ലഘുഭക്ഷണമായി ഈന്തപ്പഴം കഴിക്കുന്നത് സ്റ്റാമിന നിലനിർത്താനും അലസത തടയാനും സഹായിക്കുന്നു.

5. അസ്ഥികളുടെ ആരോഗ്യം വർധിപ്പിക്കുന്നു

ഈന്തപ്പഴത്തിൽ കാൽസ്യം, മഗ്നീഷ്യം, ഫോസ്ഫറസ്, പൊട്ടാസ്യം തുടങ്ങിയ അവശ്യ ധാതുക്കൾ അടങ്ങിയിട്ടുണ്ട്. ഇവ എല്ലുകളെ ശക്തിപ്പെടുത്താൻ സഹായിക്കുന്നു. 

6. ഹൃദയാരോഗ്യം മെച്ചപ്പെടുത്തുന്നു

ഈന്തപ്പഴത്തിൽ പൊട്ടാസ്യം അടങ്ങിയിട്ടുണ്ട്, ഇത് രക്തസമ്മർദ്ദം നിയന്ത്രിക്കാനും ഹൃദ്രോഗ സാധ്യത കുറയ്ക്കാനും സഹായിക്കുന്നു. ഈന്തപ്പഴത്തിലെ ആന്റിഓക്‌സിഡന്റുകൾ വീക്കം കുറയ്ക്കുകയും കൊളസ്‌ട്രോളിന്റെ അളവ് കുറയ്ക്കുകയും ചെയ്യുന്നു. 

7. ശരീരഭാരം നിയന്ത്രിക്കാൻ സഹായിക്കുന്നു

ഈന്തപ്പഴത്തിന് കുറഞ്ഞ ഗ്ലൈസെമിക് സൂചികയുണ്ട്, കൂടാതെ നാരുകളാൽ സമ്പുഷ്ടമാണ്. സംതൃപ്തിയെ പ്രോത്സാഹിപ്പിക്കുകയും അനാരോഗ്യകരമായ ഭക്ഷണം കഴിക്കാനുള്ള ആസക്തികളെ തടയുകയും ചെയ്യുന്നു. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ഒരു നുള്ള് ഉപ്പ് ചേർത്ത വെള്ളം മതി; ശരീര ഭാരം കുറയ്ക്കും, സ്ട്രെസ് അകറ്റും
• വിറ്റാമിൻ ഡിയുടെ കുറവ് ഗർഭധാരണത്തെ ബാധിക്കുമോ?
• ബ്ലഡ് ഷുഗർ നിയന്ത്രിക്കാൻ രാവിലത്തെ ശീലങ്ങൾ മാറ്റി പിടിക്കാം
• രാവിലെയോ രാത്രിയോ, മുട്ട കഴിക്കേണ്ടത് എപ്പോഴാണ്?