ഓറഞ്ചിനേക്കാൾ നാലിരട്ടി വൈറ്റമിൻ; വീട്ടുമുറ്റത്തെ ഈ പഴം ഒരെണ്ണം കഴിക്കൂ

ഇന്നത്തെ തിരക്കിട്ട ജീവിതശൈലിയിൽ, ഹൃദയസംബന്ധമായ രോഗങ്ങൾ ഒരു വലിയ വെല്ലുവിളിയായി മാറിക്കൊണ്ടിരിക്കുകയാണ്. നമ്മുടെ ഹൃദയത്തെ ആരോഗ്യത്തോടെ നിലനിർത്തേണ്ടത് വളരെ പ്രധാനമാണ്. ഹൃദ്രോഗ സാധ്യത കുറയ്ക്കാനും ആരോഗ്യകരമായ ജീവിതം നയിക്കാനും നമ്മുടെ ജീവിതശൈലിയിൽ ശ്രദ്ധിക്കേണ്ടതുണ്ട്. 

നമ്മൾ കഴിക്കുന്ന ഭക്ഷണം ഹൃദയാരോഗ്യത്തിൽ നിർണായക പങ്ക് വഹിക്കുന്നു. ഹൃദയാരോഗ്യത്തിന് ഏറെ ഗുണകരമായ ഒരു പഴം നമ്മുടെയൊക്കെ വീട്ടുമുറ്റത്തുണ്ട്. എന്താണെന്നല്ലേ? പേരയ്ക്ക. നമ്മളിൽ പലരും പേരയ്ക്ക ആസ്വദിച്ചിട്ടുണ്ടാകും, പക്ഷേ ഇത് പോഷകങ്ങളുടെ ഒരു കലവറ കൂടിയാണെന്ന് നിങ്ങൾക്കറിയാമോ? തിളങ്ങുന്ന ചർമ്മം മുതൽ മികച്ച കുടലിന്റെ ആരോഗ്യം വരെ നിരവധി ഗുണങ്ങൾ ഈ ചെറിയ പഴം നൽകുന്നുണ്ട്. 

Also Read: 90 ദിവസത്തേക്ക് മദ്യം ഉപേക്ഷിച്ചാൽ ശരീരത്തിൽ എന്ത് സംഭവിക്കും?

ഡൽഹിയിലെ ഫോർട്ടിസ് ആശുപത്രിയിലെ ഡോ. ശുഭം വാത്സ്യ ഇൻസ്റ്റഗ്രാം പോസ്റ്റിൽ പേരയ്ക്കയുടെ അത്ഭുതകരമായ ആരോഗ്യ ഗുണങ്ങളെക്കുറിച്ചും ഭക്ഷണത്തിന്റെ പതിവ് ഭാഗമാക്കേണ്ടതിന്റെ കാരണത്തെക്കുറിച്ചും വിശദീകരിച്ചു.

പേരയ്ക്ക ഭക്ഷണത്തിന്റെ ഭാഗമാകേണ്ടത് എന്തുകൊണ്ട്?

"നമ്മുടെ രാജ്യത്ത് മാമ്പഴത്തിന് ലഭിക്കുന്ന അതേ പ്രാധാന്യം പേരയ്ക്കയ്ക്ക് ലഭിച്ചിരുന്നെങ്കിൽ, മുഴുവൻ രാജ്യവും വൈറ്റമിൻ സിയുടെ കുറവിൽ നിന്ന് മുക്തമാകുമായിരുന്നു. പേരയ്ക്കയിൽ ഓറഞ്ചിനേക്കാൾ നാലിരട്ടി വൈറ്റമിൻ സി അടങ്ങിയിട്ടുണ്ടെന്ന് നിങ്ങൾക്കറിയാമോ? ഇത് നിങ്ങളുടെ ധമനികൾക്ക് അത്ഭുതങ്ങൾ സൃഷ്ടിക്കുന്നു, വാസ്തവത്തിൽ, പേരക്ക നിങ്ങളുടെ ഹൃദയത്തിന് ഒരു അനുഗ്രഹമാണ്," ഡോ.വാത്സ്യ പറഞ്ഞു.

Also Read: ചോറ് പൂർണമായും ഒഴിവാക്കിയാൽ ശരീരത്തിന് എന്ത് സംഭവിക്കും?

"ഇതിലെ ലയിക്കുന്ന നാരുകൾ കൊളസ്ട്രോൾ നിയന്ത്രിക്കാൻ സഹായിക്കുന്നു, അതേസമയം പൊട്ടാസ്യം രക്തസമ്മർദം സ്ഥിരമായി നിലനിർത്തുന്നു. പേരയ്ക്കയിൽ ആന്റിഓക്‌സിഡന്റുകൾ ധാരാളം അടങ്ങിയിട്ടുണ്ട്. ഇത് ഹൃദയകോശങ്ങളെ ഓക്‌സിഡേറ്റീവ് സമ്മർദ്ദത്തിൽ നിന്ന് സംരക്ഷിക്കുന്നു. പ്രമേഹ രോഗികൾക്ക് സെൻസിറ്റിവിറ്റി മെച്ചപ്പെടുത്താൻ സഹായിക്കുന്നു. അസിഡിറ്റി കുറയ്ക്കുകയും അൾസറുകളിൽ നിന്ന് സംരക്ഷിക്കുന്നതിൽ പ്രധാന പങ്കു വഹിക്കുകയും ചെയ്യുന്നു," അദ്ദേഹം വ്യക്തമാക്കി.

View this post on Instagram

A post shared by Dr. Shubham Vatsya (@dr.shubhamvatsya)

Also Read: ഉലുവ കുതിർക്കണോ? വണ്ണവും കൊളസ്ട്രോളും കുറയ്ക്കുമോ? 13 ചോദ്യങ്ങൾക്ക് ഡോക്ടറുടെ ഉത്തരം

"ഫ്ലേവനോയ്ഡുകൾ, ലൈക്കോപീൻ തുടങ്ങിയ ശക്തമായ ആന്റിഓക്‌സിഡന്റുകൾ പേരയ്ക്കയിൽ അടങ്ങിയിട്ടുണ്ട്, ഇത് കോശങ്ങളുടെ കേടുപാടുകൾ തടയാനും മൊത്തത്തിൽ നിങ്ങളെ നിലനിർത്താനും സഹായിക്കുന്നു," പേരയ്ക്കയുടെ സമ്പന്നമായ ആന്റിഓക്‌സിഡന്റ് ഉള്ളടക്കം ചൂണ്ടിക്കാണിച്ചുകൊണ്ട് ഡോ. വാത്സ്യ പറഞ്ഞു നിർത്തി. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക. 

Read More: ആറ് മാസം കൊണ്ട് 27 കിലോ ഔട്ട്; വണ്ണം കുറച്ച യുവതിയുടെ ഡയറ്റ് രഹസ്യം