രോഗപ്രതിരോധി കൂട്ടാൻ സഹായിക്കുന്ന 5 ആയുർവേദ പാനീയങ്ങൾ

പലവിധ രോഗങ്ങളിൽനിന്നും രക്ഷ നേടാൻ ശക്തമായ പ്രതിരോധശേഷി ഉണ്ടായിരിക്കേണ്ടത് പ്രധാനമാണ്. ശക്തമായ രോഗപ്രതിരോധ സംവിധാനത്തിന് അണുബാധകളിൽ നിന്ന് ശരീരത്തെ സംരക്ഷിക്കാനും രോഗങ്ങളുടെ തീവ്രത കുറയ്ക്കാനും കഴിയും. ആയുർവേദ ഭക്ഷണങ്ങൾ കഴിക്കുന്നത് പ്രതിരോധശേഷി വർധിപ്പിക്കുന്നതിന് സഹായിക്കും. 

ആയുർവേദ പാനീയങ്ങളും പ്രതിരോധശേഷി വർധിപ്പിക്കാൻ സഹായിക്കും. ചില ആയുർവേദ ഹെർബൽ ടീകൾ രോഗപ്രതിരോധ ശേഷി ശക്തിപ്പെടുത്താൻ സഹായിക്കും. ഈ പാനീയങ്ങൾക്ക് ആന്റി-ഇൻഫ്ലമേറ്ററി, ആന്റിമൈക്രോബയൽ, ആന്റിഓക്‌സിഡന്റ് ഗുണങ്ങളുണ്ടെന്ന് വിശ്വസിക്കപ്പെടുന്നു. ഇവ മൊത്തത്തിലുള്ള ആരോഗ്യം മെച്ചപ്പെടുത്തുന്നു.

1. ഇഞ്ചി ചായ

ഇഞ്ചി ചെറിയ കഷണങ്ങളാക്കിയത് വെള്ളത്തിലിട്ട് 10 മിനിറ്റ് തിളപ്പിക്കുക. ഇതിലേക്ക് കുറച്ച് തേനും നാരങ്ങ നീരും ചേർക്കുക. അരിച്ചെടുത്തശേഷം കുടിക്കുക. ഇഞ്ചി അണുബാധകളെ ചെറുക്കാനും വീക്കം കുറയ്ക്കാനും സഹായിക്കുന്നു. 

2. തുളസി ചായ

തുളസി ഇലകൾ 5-10 മിനിറ്റ് വെള്ളത്തിലിട്ട് തിളപ്പിക്കുക. ഇതിലേക്ക് തേനും നാരങ്ങ നീരും ചേർക്കുക. തുളസിക്ക് ശക്തമായ ആന്റിബയോട്ടിക് ഗുണങ്ങളുണ്ട്, കൂടാതെ രോഗപ്രതിരോധ ശേഷി ശക്തിപ്പെടുത്താനും കഴിയും.

3. നെല്ലിക്ക ജ്യൂസ്

ചെറുചൂടുള്ള വെള്ളത്തിൽ ഒരു ടേബിൾസ്പൂൺ നാരങ്ങ നീര് ചേർത്ത് കുടിക്കുക. വിറ്റാമിൻ സി, ആന്റിഓക്‌സിഡന്റുകൾ, പ്രതിരോധശേഷി വർധിപ്പിക്കുന്ന അവശ്യ പോഷകങ്ങൾ എന്നിവയാൽ സമ്പന്നമാണ് നെല്ലിക്ക.

4. കറുവപ്പട്ട വെള്ളം

ഒരു കറുവപ്പട്ട 10 മിനിറ്റ് വെള്ളത്തിൽ തിളപ്പിക്കുക, അരിച്ചെടുക്കുക, ചൂടോടെ കുടിക്കുക. അണുബാധകളെ ചെറുക്കാനും വീക്കം കുറയ്ക്കാനും ദഹനത്തെ സഹായിക്കാനും കറുവപ്പട്ട സഹായിക്കും. 

5. ഉലുവ വെള്ളം

ഒരു ടേബിൾസ്പൂൺ ഉലുവ രാത്രി മുഴുവൻ വെള്ളത്തിൽ കുതിർത്ത്, അരിച്ചെടുത്ത്, വെറും വയറ്റിൽ വെള്ളം കുടിക്കുക. പ്രതിരോധശേഷി വർധിപ്പിക്കാനും ദഹനം മെച്ചപ്പെടുത്താനും ഉലുവ സഹായിക്കുന്നു.

Read More

• ശരീര ഭാരം കുറയ്ക്കാൻ തുടക്കക്കാരെ സഹായിക്കുന്ന 5 ടിപ്സുകൾ
• മുട്ടയുടെ മഞ്ഞക്കരു കളയണോ? ഒരു ദിവസം എത്ര കഴിക്കാം
• ആരോഗ്യകരമായ ലൈംഗിക ജീവിതത്തിന് ഒഴിവാക്കേണ്ട 5 ഭക്ഷണങ്ങൾ
• പ്രമേഹമുള്ളവർ തീർച്ചയായും കഴിക്കേണ്ട 5 ഭക്ഷണങ്ങൾ