ശരീരത്തിലെ കൊഴുപ്പ് കുറയ്ക്കണോ? ദിവസവും കഴിക്കേണ്ട 3 ഭക്ഷണങ്ങൾ

ശരീരത്തിലെ കൊഴുപ്പ് കുറയ്ക്കുന്നതിൽ വ്യായാമവും ഭക്ഷണക്രമവും ഒരുപോലെ പങ്ക് വഹിക്കുന്നുണ്ട്. കൊഴുപ്പ് കുറയ്ക്കാൻ സഹായിക്കുന്ന ഭക്ഷണം എന്തൊക്കെയാണെന്ന് ഓരോരുത്തരും അറിഞ്ഞിരിക്കേണ്ടതുണ്ട്. ദീർഘനേരം തൃപ്തിപ്പെടുത്തുക, പോഷകങ്ങൾ അടങ്ങിയിരിക്കുക, മെറ്റബോളിസത്തെയും കുടലിന്റെ പ്രവർത്തനങ്ങളെയും സഹായിക്കുക,  ദിവസം മുഴുവൻ ഊർജം നൽകുക തുടങ്ങിയ എല്ലാ പ്രശ്നങ്ങളും ഭക്ഷണത്തിലൂടെ പരിഹരിക്കപ്പെട്ടാൽ മാത്രമേ ശരീര ഭാരം കുറയ്ക്കാൻ കഴിയൂ.

ശരീരഭാരം കുറയ്ക്കാൻ സഹായിക്കുന്ന പോഷകാഹാര ടിപ്സുകൾ പലപ്പോഴും പങ്കിടുന്ന ഫിറ്റ്നസ് പരിശീലക സോറയ, ദൈനംദിന ഭക്ഷണത്തിൽ ഉൾപ്പെടുത്താവുന്ന മൂന്ന് തരം ഭക്ഷണങ്ങളെക്കുറിച്ച് അടുത്തിടെ ഒരു വീഡിയോയിൽ സംസാരിച്ചിരുന്നു.

Also Read: ഒരു മാസം ചോറ് കഴിക്കാതിരുന്നാൽ ശരീരത്തിന് എന്ത് സംഭവിക്കും?

1.പുളിപ്പിച്ച ഭക്ഷണങ്ങൾ

ശരീരഭാരം കുറയ്ക്കാനുള്ള ലക്ഷ്യങ്ങളെ പിന്തുണയ്ക്കുന്നതിൽ നിങ്ങളുടെ ആമാശയം നിർണായക പങ്ക് വഹിക്കുന്നു. ഇത് മെറ്റബോളിസവുമായി അടുത്ത് ബന്ധപ്പെട്ടിരിക്കുന്നു. ആരോഗ്യകരമായ കുടൽ ഈ പ്രക്രിയയെ മികച്ച രീതിയിൽ സഹായിക്കുന്നു, അതോടൊപ്പം ശരീരം കലോറി കൂടുതൽ കാര്യക്ഷമമായി കത്തിക്കുകയും ചെയ്യുന്നു. പുളിപ്പിച്ച ഭക്ഷണം കുടലിന്റെ ആരോഗ്യത്തെ പിന്തുണയ്ക്കുന്നു. ഇത് വിശപ്പ്, ദഹനം, മെറ്റബോളിസം നിയന്ത്രണം എന്നിവയ്ക്ക് സഹായിക്കുന്നു. അവയിൽ പ്രോബയോട്ടിക്സും അടങ്ങിയിട്ടുണ്ട്. ഇത് കുടലിലെ നല്ല ബാക്ടീരിയകളുടെ വളർച്ചയെ സഹായിക്കുന്നു.

പുളിപ്പിച്ച ഭക്ഷണങ്ങൾ: ഗ്രീക്ക് തൈര്, കെഫീർ, സോർക്രൗട്ട്, മിസോ, അച്ചാറുകൾ, പുളിപ്പിച്ച കോട്ടേജ് ചീസ്.

Also Read: ഡ്രാഗൺ ഫ്രൂട്ട് ആരൊക്കെ കഴിക്കാൻ പാടില്ല? ദിവസവും കഴിച്ചാൽ അപകടമോ?

2. ജലാംശം നൽകുന്ന ഭക്ഷണങ്ങൾ

അടുത്തവ ജലാംശം നൽകുന്ന ഭക്ഷണങ്ങളാണ്. അവയിൽ ഉയർന്ന ജലാംശം ഉള്ളതിനാൽ നിങ്ങളെ സംതൃപ്തിപ്പെടുത്തുന്നു. "ഇത്തരം ഭക്ഷണങ്ങൾ വയറു നിറയാനും ജലാംശം വർധിപ്പിക്കാനും സഹായിക്കുന്നു, ഇവ രണ്ടും കൊഴുപ്പ് കുറയ്ക്കാൻ പ്രധാനമാണ്," അവർ പറഞ്ഞു. പഴങ്ങളും പച്ചക്കറികളും പോലുള്ള ജലാംശം നൽകുന്ന ഭക്ഷണങ്ങൾ ഉൾപ്പെടുത്തുന്നത്, ആസക്തിയെ അകറ്റി നിർത്തുകയും കലോറി ഉപഭോഗം നിയന്ത്രിക്കുകയും ചെയ്യുന്നു.

ഉയർന്ന ജലാംശം അടങ്ങിയ ഭക്ഷണങ്ങൾ: വെള്ളരിക്ക, തണ്ണിമത്തൻ, സ്ട്രോബെറി, സെലറി, ലെറ്റ്യൂസ്, തക്കാളി, ബെൽ പെപ്പർ, ഓറഞ്ച്.

Also Read: അന്ന് എന്റെ ശരീര ഭാരം 98 കിലോ; വീട്ടിലെ എല്ലാ ജോലികളും ഒറ്റയ്ക്ക് ചെയ്തു; വണ്ണം കുറച്ചതിനെക്കുറിച്ച് ഖുശ്ബു

3. അന്നജം ഇല്ലാത്ത പച്ചക്കറികൾ

അവയിൽ കാലറി കുറവാണ്, പക്ഷേ പോഷകങ്ങൾ കൂടുതലാണ്. അതായത് വളരെ കുറച്ച് കാലറിയിൽ നിങ്ങൾക്ക് ധാരാളം കഴിക്കാം.

അന്നജം ഇല്ലാത്ത പച്ചക്കറികൾ: സ്പിനച്, ബ്രോക്കോളി, കോളിഫ്ലവർ, ഗ്രീൻ ബീൻസ്, മുളപ്പിച്ച പയർവർഗങ്ങൾ, കാബേജ്, വെള്ളരി, കൂൺ.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ജിമ്മിൽ പോയാലും വണ്ണം കുറയില്ല; ഇത് നിയന്ത്രിക്കണമെന്ന് ഡോക്ടർ