അരക്കെട്ട് ഒതുങ്ങും, കുടവയർ കുറയും; ഡയറ്റ് ഇല്ലാതെ കൊഴുപ്പ് ഉരുക്കിക്കളയാം

ഭക്ഷണനിയന്ത്രണമോ വ്യായാമമോ നടത്തിയിട്ടും നിങ്ങളുടെ അരക്കെട്ടിന്റെ വിസ്താരം കൂടുകയാണെങ്കിൽ, വിസറൽ കൊഴുപ്പായിരിക്കാം യഥാർത്ഥ കുറ്റവാളി. ജെല്ല് പോലെ ആന്തരികാവയവങ്ങള്‍ക്ക് ചുറ്റിലുമായി അടിയുന്ന കൊഴുപ്പാണ് വിസറല്‍ കൊഴുപ്പ്. ഉന്തിയ വയറും വിസ്താരത്തിലുള്ള അരക്കെട്ടും ഒരാൾക്കുണ്ടെങ്കിൽ വിസറല്‍ കൊഴുപ്പ് ഉണ്ടെന്നതിന് തെളിവാണ്. 

സാധാരണ വയറിലെ കൊഴുപ്പിൽ നിന്ന് വ്യത്യസ്തമായി, ഇത് നിങ്ങളുടെ വയറിനുള്ളിൽ ആഴത്തിൽ ഒളിഞ്ഞിരിക്കുകയും ഹൃദയാരോഗ്യത്തെ നിശബ്ദമായി സ്വാധീനിക്കുകയും ചെയ്യുന്നു. 31 വർഷത്തിലേറെ പരിചയസമ്പന്നനായ ഒർലാൻഡോ ആസ്ഥാനമായുള്ള ഇന്റർവെൻഷണൽ കാർഡിയോളജിസ്റ്റ് ഡോ. പ്രദീപ് ജംനാദാസ്, വിസറൽ കൊഴുപ്പ് കത്തിക്കാൻ ഏറ്റവും വേഗതയേറിയതും സുസ്ഥിരവുമായ മാർഗം പങ്കുവച്ചിട്ടുണ്ട്.

Also Read: കപ്പലണ്ടി കഴിക്കുന്ന ശീലമുണ്ടോ? ഒരു ദിവസം എത്ര കഴിക്കാം?

നിങ്ങൾ ഏതുതരം ഫാസ്റ്റിങ് ആണ് ചെയ്യേണ്ടത്?

ഒരാൾ വിസറൽ കൊഴുപ്പ് കുറയ്ക്കാൻ ആഗ്രഹിക്കുന്നുവെങ്കിൽ, ഞാൻ 12-12 ഫാസ്റ്റിങ്ങോടെയാണ് തുടങ്ങുന്നതെന്ന് ഡോ. ജംനാദാസ് പറയുന്നു. അതായത് 12 മണിക്കൂർ നേരത്തേക്ക് നിങ്ങൾ ഒന്നും കഴിക്കുന്നില്ല, കാലറിയില്ലാത്ത ദ്രാവകങ്ങൾ മാത്രം കുടിക്കുക, തുടർന്ന് അടുത്ത 12 മണിക്കൂർ നിങ്ങളുടെ ഭക്ഷണ കാലയളവാണ്. നിങ്ങളുടെ ശരീരത്തിന് പൊരുത്തപ്പെടാൻ അനുവദിക്കുന്ന തരത്തിൽ രണ്ടോ മൂന്നോ ആഴ്ചത്തേക്ക് ഈ ഷെഡ്യൂൾ പിന്തുടരാൻ അദ്ദേഹം നിർദേശിച്ചു. അതിനുശേഷം, ക്രമേണ 18-6 ഫാസ്റ്റിങ് രീതിയിലേക്ക് മാറുക. 

Also Read: ബിരിയാണി പ്രിയൻ, ദിവസത്തിൽ 5 നേരം ഭക്ഷണം, 6 ദിവസം വ്യായാമം; 59 ലും ഫിറ്റ്നസ് വിടാതെ സൽമാൻ ഖാൻ

"18-6 എന്നതുകൊണ്ട് ഉദ്ദേശിക്കുന്നത് ആറ് മണിക്കൂർ ഭക്ഷണം കഴിക്കാം, 18 മണിക്കൂർ വെള്ളം, കട്ടൻ ചായ, കട്ടൻ കാപ്പി, അല്ലെങ്കിൽ ഗ്രീൻ ടീ എന്നിവ മാത്രമേ കഴിക്കാവൂ, കാലറി ഇല്ല. കൊഴുപ്പ് കുറയ്ക്കാനും ഇൻസുലിൻ സെൻസിറ്റിവിറ്റി മെച്ചപ്പെടുത്താനും ശ്രമിക്കുന്ന മിക്ക ആളുകൾക്കും ഇത് നന്നായി പ്രവർത്തിക്കുന്ന ഒരു തരം ഫാസ്റ്റിങ്ങാണ്.

കൂടുതൽ ഗുരുതരമായ ഉപാപചയ അവസ്ഥയുള്ളവർക്ക് കൂടുതൽ ഘടനാപരമായ പ്ലാൻ ആവശ്യമായി വന്നേക്കാമെന്ന് ഡോ. ജംനാദാസ് പറഞ്ഞു. "ഒരു രോഗിക്ക് അമിതഭാരമുണ്ടെങ്കിൽ, അല്ലെങ്കിൽ പ്രമേഹമുണ്ടെങ്കിൽ, പ്രമേഹം മാറ്റുക അല്ലെങ്കിൽ ഏകദേശം 60 പൗണ്ട് കുറയ്ക്കുക എന്നതാണ് ലക്ഷ്യമെങ്കിൽ, ആ രോഗികൾക്ക് പ്രത്യേക ആവശ്യങ്ങളുണ്ട്. ഞാൻ അവരെ ആഴ്ചയിൽ ഒരിക്കൽ 48 മണിക്കൂർ ഫാസ്റ്റിങ്ങിലേക്ക് കൊണ്ടുപോകും."

View this post on Instagram

A post shared by The Diary Of A CEO. (@thediaryofaceopodcast)

Also Read: 6 മാസം ദിവസവും ഉച്ചവരെ കിടന്നുറങ്ങിയാൽ ശരീരത്തിന് എന്ത് സംഭവിക്കും?

ചിലപ്പോൾ ഞാൻ ഒമ്പത് ദിവസത്തിലൊരിക്കൽ മൂന്ന് ദിവസത്തെ വാട്ടർ ഫാസ്റ്റിങ്ങിന് പോകും. ഒമ്പത് ദിവസം കൂടുമ്പോൾ, നിങ്ങൾ ഒരു ദിവസം ഒരു നേരം ഭക്ഷണം കഴിക്കുന്ന രീതി. ഇടവിട്ടുള്ളതും ദീർഘനാളുള്ളതുമായ ഫാസ്റ്റിങ് ശരിയായി ചെയ്യുമ്പോൾ, വിസറൽ കൊഴുപ്പ് കുറയ്ക്കുന്നതിനും, രക്തത്തിലെ പഞ്ചസാരയുടെ ബാലൻസ് നിലനിർത്തുന്നതിനും, ദീർഘകാല ഹൃദയാരോഗ്യം മെച്ചപ്പെടുത്തുന്നതിനുമുള്ള ശക്തമായ ഉപകരണമാണെന്ന് അദ്ദേഹം വ്യക്തമാക്കി. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക. 

Read More: ചിയ സീഡ്സ് കഴിക്കുമ്പോൾ ശ്രദ്ധിക്കേണ്ട 5 തരം ആളുകൾ ആരൊക്കെ?