കൊളസ്ട്രോളും ബ്ലഡ് ഷുഗറും നിയന്ത്രിക്കും; ഒരു ദിവസം 2 ഈന്തപ്പഴം കഴിക്കൂ

ഈന്തപ്പഴം പോഷകസമൃദ്ധമായ ഒരു ഭക്ഷണമാണ്. നാരുകൾ, പ്രോട്ടീൻ, പൊട്ടാസ്യം എന്നിവയാൽ സമ്പുഷ്ടമായ ഈന്തപ്പഴത്തിന് കുറഞ്ഞ ഗ്ലൈസെമിക് സൂചികയുണ്ട്. അതിനാൽ പ്രമേഹരോഗികളിൽ ഗ്ലൂക്കോസ് മെറ്റബോളിസവും ഇൻസുലിൻ സെൻസിറ്റിവിറ്റിയും മെച്ചപ്പെടുത്താൻ സഹായിക്കുന്നു. ഈന്തപ്പഴം മോശം കൊളസ്ട്രോൾ കുറയ്ക്കുകയും ഹൃദ്രോഗ സാധ്യത കുറയ്ക്കുകയും ചെയ്യുന്നു.

ഈന്തപ്പഴത്തിൽ ഉയർന്ന അളവിൽ പോഷകങ്ങൾ അടങ്ങിയിട്ടുണ്ട്. എന്നാൽ, ഈന്തപ്പഴം എത്രമാത്രം കഴിക്കുന്നു എന്നതിനെക്കുറിച്ച് നിങ്ങൾ ശ്രദ്ധാലുവായിരിക്കണം. അമിതമായി കഴിക്കുന്നത് അധിക കലോറി ഉപഭോഗത്തിന് കാരണമാകും. ഒരു ദിവസം 1 ഒന്നോ രണ്ടോ വലുത് അതല്ലെങ്കിൽ മൂന്നു ചെറിയ ഈന്തപ്പഴങ്ങളോ കഴിക്കാനാണ് വിദഗ്‌ധർ നിർദേശിക്കുന്നത്. ഒരു ദിവസം രണ്ട് ഈന്തപ്പഴം കഴിക്കുന്നതാണ് സുരക്ഷിതം. 

ഈന്തപ്പഴത്തിൽ സുക്രോസ്, ഗ്ലൂക്കോസ് അല്ലെങ്കിൽ ഫ്രക്ടോസ് എന്നിവയുടെ രൂപത്തിൽ ഗണ്യമായ അളവിൽ പ്രകൃതിദത്ത പഞ്ചസാര അടങ്ങിയിട്ടുണ്ട്. എന്നാൽ നാരുകൾ ധാരാളം അടങ്ങിയിട്ടുള്ളതിനാൽ, പഞ്ചസാര ചേർത്ത സോഡകളേക്കാളും മറ്റ് പ്രോസസ്ഡ് ഭക്ഷണങ്ങളേക്കാളും ഈന്തപ്പഴം ഏത് ദിവസവും കഴിക്കാവുന്ന മികച്ച ലഘുഭക്ഷണമാണ്. 

നാരുകൾ രക്തത്തിലെ ഗ്ലൂക്കോസിന്റെ ആഗിരണം മന്ദഗതിയിലാക്കുന്നു, കൂടാതെ ഈ പഴത്തിലെ കുറഞ്ഞ ഗ്ലൈസെമിക് സൂചിക രക്തത്തിലെ പഞ്ചസാരയുടെ അളവിൽ ചെറിയ വർധനവിനേ കാരണമാകുന്നുള്ളൂ. കൊളസ്ട്രോളിന്റെയും ട്രൈഗ്ലിസറൈഡുകളുടെയും അളവ് ചെറിയ അളവിൽ ഈന്തപ്പഴം കുറയ്ക്കുമെന്നാണ് ചില ഗവേഷണങ്ങൾ പറയുന്നത്.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• പ്രമേഹമുണ്ടോയെന്ന് തിരിച്ചറിയാം; നടക്കുമ്പോൾ ഈ 4 ലക്ഷണങ്ങൾ ശ്രദ്ധിക്കൂ
• വായ്നാറ്റം അകറ്റും, നെഞ്ചെരിച്ചിലും കുറയ്ക്കും; രാത്രിയിൽ ഭക്ഷണശേഷം ഒരു ഏലയ്ക്ക ചവയ്ക്കാം
• വേനൽക്കാലത്ത് വയറിലെ കൊഴുപ്പ് കുറയ്ക്കണോ? ഈ 5 കാര്യങ്ങൾ ചെയ്യൂ
• മദ്യപിച്ചശേഷം ലൈംഗിക ബന്ധത്തിലേർപ്പെടുന്നത് സംതൃപ്തി നഷ്ടപ്പെടുത്തുമോ?