കോഴിയിറച്ചി കഴിച്ചാൽ മലബന്ധം ഉണ്ടാകില്ല, അതിനൊപ്പം ഇത് കൂടി കഴിക്കൂ

പ്രോട്ടീന്റെ സമ്പന്നമായ ഉറവിടമാണ് കോഴിയിറച്ചി. പേശികളുടെ വളർച്ചയ്ക്കും കേടുപാടുകൾ പരിഹരിക്കുന്നതിനും ആവശ്യമാണ്. നിയാസിൻ (ബി 3), പിറിഡോക്സിൻ (ബി 6) എന്നീ വിറ്റാമിനുകളുടെ മികച്ച ഉറവിടം കൂടിയാണ്. കൂടാതെ, ഇതിൽ ഫോസ്ഫറസ്, സെലിനിയം തുടങ്ങിയ ധാതുക്കൾ അടങ്ങിയിട്ടുണ്ട്. ഇവ അസ്ഥികളുടെ ആരോഗ്യത്തിലും രോഗപ്രതിരോധ പ്രവർത്തനത്തിലും പ്രധാന പങ്ക് വഹിക്കുന്നു.

Also Read: ബ്ലഡ് ഷുഗർ നിയന്ത്രിക്കാം, രാവിലെ ഉലുവ കുതിര്‍ത്ത വെള്ളം കുടിക്കൂ

കോഴിയിറച്ചി കൂടുതൽ പ്രോട്ടീൻ നൽകുന്നു, കൊഴുപ്പ് കുറവാണ്. ശരീര ഭാരം നിയന്ത്രിക്കാൻ ശ്രമിക്കുന്നവർക്ക് അനുയോജ്യമാണ്. കോഴിയറിച്ചി കഴിക്കുന്നത് ശരീര താപനില വർധിപ്പിക്കുമെന്ന ധാരണ നമുക്കിടയിലുണ്ട്. നമ്മുടെ ശരീരത്തിന് താപനിലയ്ക്ക് അനുസരിച്ച് മാറ്റങ്ങൾ വരുത്താനുള്ള കഴിവുണ്ട്. കാലാവസ്ഥയ്ക്ക് അനുസൃതമായി ശരീരത്തിൽ ചൂടും തണുപ്പും നിലനിർത്തുന്നു. അതിനാൽ, ശരീര താപനിലയും കോഴിയിറച്ചിയും തമ്മിൽ ഒരു ബന്ധവുമില്ലെന്ന് വ്യക്തമാണ്. കോഴിയിറച്ചിയും ശരീര താപനിലയും തമ്മിലുള്ള ബന്ധത്തെക്കുറിച്ച് ഡോക്ടർ എന്താണ് പറയുന്നതെന്ന് നോക്കാം. 

Also Read: ദിവസം 8 ഗ്ലാസ് വെള്ളമാണോ കുടിക്കുന്നത്? അമിതമായാൽ അപകടകരം

കോഴിയിറച്ചി കഴിക്കുന്നത് ശരീര താപനില വർധിപ്പിക്കുമെന്ന് നമ്മളിൽ പലരും വിശ്വസിക്കുന്ന ഒന്നാണ്. നിങ്ങൾ എന്ത് ഭക്ഷണം കഴിച്ചാലും അതിൽ ഉചിതമായ അളവിൽ നാരുകൾ ചേർക്കണം. കോഴിയിറച്ചി കഴിക്കുന്നത് ശരീര താപനില വർധിപ്പിക്കുമെന്ന് ശാസ്ത്രീയമായി തെളിയിക്കപ്പെട്ടിട്ടില്ല.  അതുകൊണ്ട്, കോഴിയിറച്ചി കഴിക്കുമ്പോൾ നാരുകളുള്ള പച്ചക്കറികളും ചെറുധാന്യങ്ങളും ചേർക്കുന്നത് എപ്പോഴും നല്ലതാണ്. അല്ലാത്തപക്ഷം, മലബന്ധം ഉണ്ടാകാൻ സാധ്യതയുണ്ടെന്ന് ഡോ.അരുൺ കുമാർ പറഞ്ഞു.

Also Read: ആദ്യം വെള്ളം കുടിക്കാം, ഭക്ഷണശേഷം നടക്കാം; വണ്ണം പെട്ടെന്ന് കുറയ്ക്കാനുള്ള 8 വഴികൾ

കോഴിയിറച്ചി മാത്രം ശരീര താപനില വർധിപ്പിക്കുമെന്ന് പറയാനാവില്ല. ശരീര താപനില വർധിക്കുന്നതിന് നിരവധി കാരണങ്ങളുണ്ടാകാം. പ്രോട്ടീൻ ആവശ്യകത നിറവേറ്റുന്നതിന് കോഴിയിറച്ചി ഭക്ഷണത്തിൽ ധാരാളമായി ചേർക്കാം. എന്നിരുന്നാലും, കോഴിയിറച്ചി കഴിക്കുമ്പോൾ ദഹനത്തിന് സഹായിക്കുന്ന നാരുകളുള്ള ഭക്ഷണങ്ങൾ ഒപ്പം കഴിക്കുന്നതാണ് നല്ലത്.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: കുറ്റബോധത്തോടെ ഒരു വെള്ളരിക്ക കഴിച്ചാലും ശരീര ഭാരം കൂടും; ന്യൂട്രീഷ്യനിസ്റ്റ് പറയന്നത് കേൾക്കൂ