ബ്ലഡ് ഷുഗർ നിയന്ത്രിക്കാം, രാവിലെ ഉലുവ കുതിര്‍ത്ത വെള്ളം കുടിക്കൂ

നമ്മുടെയൊക്കെ അടുക്കളയിൽ വളരെ സുലഭമായി കാണുന്ന ഒന്നാണ് ഉലുവ. ഭക്ഷണം പാകം ചെയ്യുന്ന സമയത്ത് പല വിഭവങ്ങളിലും ഉലുവ ചേർക്കാറുണ്ട്. ഉലുവയ്ക്ക് ആരോഗ്യ ഗുണങ്ങളും ഏറെയുണ്ട്. നാരുകള്‍, ആന്റി ഓക്‌സിഡന്റുകള്‍, വിറ്റാമിനുകളായ എ, സി തുടങ്ങിയവ ഉലുവയിൽ അടങ്ങിയിട്ടുണ്ട്. ഉലുവ വെള്ളം കുടിക്കുന്നതും ആരോഗ്യത്തിന് ഗുണം ചെയ്യും.

ഉലുവ രാത്രി മുഴുവൻ കുതിർത്ത് രാവിലെ വെറും വയറ്റിൽ ആ വെള്ളം കുടിക്കുന്നത് രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കുമെന്ന് ഡോ.പൊർക്കോഡി ഹരി തന്റെ യൂട്യൂബ് പേജിൽ പോസ്റ്റ് ചെയ്ത വീഡിയോയിൽ പറഞ്ഞു. പുരാതന കാലം മുതൽ ഇന്നുവരെ എല്ലാത്തരം രോഗങ്ങൾക്കും ഉലുവ ഒരു മരുന്നായി ഉപയോഗിച്ചുവരുന്നുണ്ട്. ശരിയായ ഭക്ഷണക്രമത്തിൽ ശ്രദ്ധ ചെലുത്തിയാൽ മാത്രമേ നമുക്ക് ആരോഗ്യം കൈവരിക്കാൻ കഴിയൂ. ഭക്ഷണത്തിൽ ഉലുവ ഉൾപ്പെടുത്തുന്നതിലൂടെ പ്രമേഹവും വൃക്ക അണുബാധയും ഭേദമാക്കാമെന്ന് അവർ പറഞ്ഞു.

Also Read: ദിവസം 8 ഗ്ലാസ് വെള്ളമാണോ കുടിക്കുന്നത്? അമിതമായാൽ അപകടകരം

പ്രമേഹരോഗികള്‍ക്ക് ഉലുവ കഴിക്കുന്നത് ശരീരത്തിന് എങ്ങനെ ഗുണം ചെയ്യുമെന്നും കുതിര്‍ത്ത് കഴിക്കുന്നതിന്റെ ഗുണങ്ങള്‍ എന്താണെന്നും അവർ വിശദീകരിച്ചിട്ടുണ്ട്. ഒരു കിലോഗ്രാം ഭാരത്തിന് ഒരു ഗ്രാം ഉലുവ കഴിക്കണം. ഇത് രാത്രി മുഴുവൻ കുതിർത്ത് രാവിലെ വെറും വയറ്റിൽ കുടിക്കാം. ശരീരം തണുപ്പിക്കാൻ ആഗ്രഹിക്കുന്നവർക്ക് ഉലുവ കുതിർത്ത് കഴിക്കാം. 

Also Read: ആദ്യം വെള്ളം കുടിക്കാം, ഭക്ഷണശേഷം നടക്കാം; വണ്ണം പെട്ടെന്ന് കുറയ്ക്കാനുള്ള 8 വഴികൾ

മലബന്ധം, പൊണ്ണത്തടി, ആർത്തവ ക്രമക്കേടുകൾ, ശരീരതാപം തുടങ്ങിയ പ്രശ്നങ്ങൾക്കുള്ള ഒരു പരിഹാരമാണ് ഉലുവ. ഇത്  കുടലിന്റെ ആരോഗ്യം മെച്ചപ്പെടുത്തുകയും പ്രതിരോധശേഷി വർധിപ്പിക്കുകയും ചെയ്യുന്നു. ഇതിനുപുറമെ, എല്ലാ ദിവസവും രാവിലെ വെറും വയറ്റിൽ ഉലുവ കുതിർത്ത വെള്ളം കുടിക്കുന്നത് ശരീരത്തെ തണുപ്പിക്കാനും ചൂട് കുറയ്ക്കാനും സഹായിക്കും. ഉലുവ വെള്ളം അമിതമായ വിയർപ്പ്, നിർജലീകരണം, മഞ്ഞപ്പിത്തം, ശരീരതാപം മൂലമുണ്ടാകുന്ന നിർജലീകരണം എന്നിവ തടയുകയും ചെയ്യുമെന്ന് അവർ അഭിപ്രായപ്പെട്ടു.

Also Read: കുറ്റബോധത്തോടെ ഒരു വെള്ളരിക്ക കഴിച്ചാലും ശരീര ഭാരം കൂടും; ന്യൂട്രീഷ്യനിസ്റ്റ് പറയന്നത് കേൾക്കൂ

ഉലുവ ഭക്ഷണത്തിൽ ഉൾപ്പെടുത്താനുള്ള ചില വഴികളുണ്ട്. ചപ്പാത്തിക്ക് കുഴയ്ക്കുമ്പോൾ മാവിൽ കുറച്ച് ഉലുവ പൊടി ചേർക്കാവുന്നതാണ്. പാലിൽനിന്ന് തൈര് ഉണ്ടാക്കുമ്പോൾ കുറച്ച് ഉലുവ ചേർക്കാവുന്നതാണ്. മോരിൽ ഉലുവ ചേർത്തും കുടിക്കാം. ഒരു ദിവസം 15 ഗ്രാം മുതൽ 30 ഗ്രാം വരെ ഉലുവ കഴിക്കാവുന്നതാണ്.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: പൊക്കിളിൽ ഈ എണ്ണ പുരട്ടൂ; ആരോഗ്യപ്രശ്നങ്ങൾ അകറ്റാം