ചുമയും ജലദോഷവും അകറ്റും, ഉറക്കം നൽകും: മാതള നാരങ്ങയുടെ ഇല ദിവസവും കഴിക്കാം

പോഷകസമൃദ്ധമായ ഒരു പഴമാണ് മാതളനാരങ്ങ. പ്രതിരോധശേഷി വർധിക്കുന്നത് മുതൽ കൊളസ്ട്രോൾ നിലനിർത്തുന്നതുവരെ, ഈ പഴം നിരവധി ആരോഗ്യ ഗുണങ്ങൾ നൽകുന്നുണ്ട്. എന്നാൽ, മാതളനാരങ്ങയുടെ ഇലകൾക്കും ആരോഗ്യ ഗുണങ്ങളുണ്ടെന്ന് നിങ്ങൾക്കറിയാമോ?. മഞ്ഞപ്പിത്തം, വയറിളക്കം, വയറുവേദന, ഉറക്കമില്ലായ്മ എന്നിവ ചികിത്സിക്കുന്നതു മുതൽ ശരീരഭാരം കുറയ്ക്കാനും പ്രതിരോധശേഷി വർധിപ്പിക്കാനും വരെ മാതളനാരങ്ങ ഇലകൾക്ക് കഴിയുമെന്ന് വിദഗ്ദ്ധർ പറയുന്നു. മാതളനാരങ്ങ ഇലകൾ കഴിക്കുന്നതിന്റെ നിരവധി ഗുണങ്ങൾ നോക്കാം.

ചുമയും ജലദോഷവും നിയന്ത്രിക്കാൻ സഹായിക്കുന്നു

ഈ ഇലകൾ പ്രതിരോധശേഷി വർധിപ്പിക്കാനും ചുമയും ജലദോഷവും ചികിത്സിക്കാനും സഹായിക്കുന്നു. ഇലകൾ വെള്ളത്തിൽ തിളപ്പിച്ച് 10 ദിവസത്തിൽ രണ്ടുതവണ കുടിക്കുക.

ഉറക്കമില്ലായ്മയ്ക്ക് പരിഹാരം

മാതളനാരങ്ങ ഇലകൾ ഉറക്കമില്ലായ്മയ്ക്ക് പരിഹാരമാണെന്ന് പറയപ്പെടുന്നു. ഇലകൾ 10 മിനിറ്റ് വെള്ളത്തിൽ നന്നായി തിളപ്പിക്കുക. രാത്രി ഉറങ്ങുന്നതിനുമുമ്പ് ഈ വെള്ളം കുടിക്കുക. നല്ല ഉറക്കം കിട്ടും.

എക്‌സിമ ചികിത്സിക്കുന്നു

വിട്ടുമാറാത്ത ചർമ്മ അലർജിയും ചൊറിച്ചിലും ഉണ്ടെങ്കിൽ, മാതളനാരങ്ങ ഇലകൾ അതിനുള്ള ഒരു മികച്ച പരിഹാരമാണ്. ഇലകൾ പേസ്റ്റ് രൂപത്തിലാക്കി ചൊറിച്ചിലുള്ള ഭാഗങ്ങളിൽ പുരട്ടുക.

മുഖക്കുരു കുറയ്ക്കുന്നു

ഇലകളും മാതള നാരങ്ങയുടെ കുരുക്കളും പേസ്റ്റ് രൂപത്തിലാക്കി മുഖക്കുരുവിൽ പുരട്ടുക. മാതളനാരങ്ങ നീര് ഒരു മികച്ച ടോണറാണ്, ഇത് സുഷിരങ്ങൾ അടയ്ക്കുകയും ചർമ്മത്തെ മനോഹരമാക്കുകയും ചെയ്യുന്നു.

വയറുവേദനയ്ക്ക് പരിഹാരം

ഇലകൾ ദഹനാരോഗ്യം വർധിപ്പിക്കുമെന്നും പറയപ്പെടുന്നു. ഇലകളിൽ അടങ്ങിയിരിക്കുന്ന പോഷകങ്ങളും ധാതുക്കളും ദഹനത്തെ ഉത്തേജിപ്പിക്കാൻ സഹായിക്കുന്നു. അതുപോലെ ദഹനക്കേട്, വയറിളക്കം തുടങ്ങിയ പ്രശ്‌നങ്ങൾ ഇല്ലാതാക്കാനും സഹായിക്കും. ഇലകൾ ചേർത്ത് ഒരു ചായ തയ്യാറാക്കി ചൂടോടെ കുടിക്കുക. 

പ്രതിരോധശേഷി വർധിപ്പിക്കുന്നു

മാതളനാരങ്ങ ഇലകൾ പ്രതിരോധശേഷി വർധിപ്പിക്കാൻ സഹായിക്കും. രോഗപ്രതിരോധ സംബന്ധമായ തകരാറുകളിൽ നിന്ന് ശരീരത്തെ സംരക്ഷിക്കുന്നു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ഇഡ്ഡലി ദിവസവും കഴിക്കാം, ഈ ആരോഗ്യ ഗുണങ്ങൾ അറിയാതെ പോകരുതേ?
• ആർത്തവ സമയത്ത് അമിതമായ വയറു വേദന, ആശ്വാസമേകാൻ ഇതാ ഒരു വിദ്യ
• ഉച്ചഭക്ഷണത്തിനുശേഷം എപ്പോൾ അത്താഴം കഴിക്കാം?
• പ്രമേഹമുള്ളവർ പ്രഭാത ഭക്ഷണം ഒഴിവാക്കിയാൽ എന്ത് സംഭവിക്കുമെന്ന് അറിയാമോ?