വാഴപ്പഴത്തിൽ ഒരു നുള്ള് കുരുമുളക് ചേർത്ത് കഴിക്കൂ; കരൾ നിങ്ങളോട് നന്ദി പറയും

വാഴപ്പഴത്തിൽ എപ്പോഴെങ്കിലും കുരുമുളക് വിതറി കഴിച്ചിട്ടുണ്ടോ?. ഉത്തരം ഇല്ല എന്നാണെങ്കിൽ ഒരു തവണ പരീക്ഷിച്ചു നോക്കാവുന്നതാണ്. ഒറ്റനോട്ടത്തിൽ, ഈ ആശയം വിചിത്രമായി തോന്നുമെങ്കിലും, ഈ കോമ്പിനേഷന് ചില ആരോഗ്യ നേട്ടങ്ങളുണ്ട്. വാഴപ്പഴത്തിനൊപ്പം കുരുമുളക് ചേർക്കുമ്പോൾ കരളിന് അത്ഭുതങ്ങൾ സൃഷ്ടിക്കാൻ കഴിയുന്ന ഒരു പോഷകസമ്പുഷ്ടമായ ഭക്ഷണമായി മാറുന്നു.

വാഴപ്പഴം, നാരുകൾ, പൊട്ടാസ്യം, ആന്റിഓക്‌സിഡന്റുകൾ എന്നിവ നൽകുന്നു, അതേസമയം, കുരുമുളക് പോഷകങ്ങൾ ആഗിരണം ചെയ്യാൻ സഹായിക്കുന്നു. ഇവ ഒരുമിച്ച്, ദഹനത്തെ പിന്തുണയ്ക്കുകയും, വീക്കം കുറയ്ക്കുകയും, ശരീരത്തെ വിഷമുക്തമാക്കുകയും ചെയ്യുന്നു.

Also Read: ഒരു മാസം ദിവസവും മുട്ട കഴിച്ചാൽ ശരീരത്തിന് എന്ത് സംഭവിക്കും?

കരളിന്റെ ആരോഗ്യത്തിന് വാഴപ്പഴം എങ്ങനെ സഹായിക്കുന്നു? 

അടുത്തിടെ നടന്ന ഒരു പഠനത്തിൽ, വാഴപ്പഴത്തിൽ പെക്റ്റിൻ പോലുള്ള ലയിക്കുന്ന നാരുകൾ അടങ്ങിയിട്ടുണ്ടെന്ന് കണ്ടെത്തി, ഇത് കുടലിന്റെ ആരോഗ്യത്തെ പിന്തുണയ്ക്കുകയും കരളിന്റെ പ്രവർത്തനത്തെ പരോക്ഷമായി ഗുണം ചെയ്യുകയും ചെയ്യുന്നു. വാഴപ്പഴം കുടലിലെ നല്ല ബാക്ടീരിയകളുടെ വളർച്ചയ്ക്ക് സഹായിക്കുന്നു, രക്തത്തിലെ പഞ്ചസാരയെ സ്ഥിരപ്പെടുത്തുന്നു, വീക്കം കുറയ്ക്കുന്നു. ഇവ മൂന്നു കരളിന്റെ ആരോഗ്യത്തിന്റെ പ്രധാന തൂണുകളാണ്. ഈ ആരോഗ്യകരമായ പഴത്തിനൊപ്പം ഒരു സുഗന്ധവ്യഞ്ജനം കൂടിച്ചേരുമ്പോൾ, ഗുണങ്ങൾ വർധിക്കുന്നു.

Also Read: 3 മാസം മതി, വണ്ണവും വയറും കുറയ്ക്കാം; ഈ 5 കാര്യങ്ങൾ മുടക്കരുത്

കരളിന്റെ ആരോഗ്യത്തിന് കുരുമുളക് എങ്ങനെ ഗുണം ചെയ്യും? 

സാധാരണ സുഗന്ധവ്യഞ്ജനങ്ങളെക്കാൾ കുരുമുളകിന് ഔഷധ ഗുണങ്ങളുമുണ്ട്. ഇതിലെ സജീവ സംയുക്തമായ പൈപ്പറിന് ശക്തമായ ആന്റിഓക്‌സിഡന്റും ആന്റി-ഇൻഫ്ലമേറ്ററി ഫലങ്ങളുമുണ്ട്. ഫ്രീ റാഡിക്കലുകളെ നിർവീര്യമാക്കുന്നു, പോഷക ആഗിരണം മെച്ചപ്പെടുത്തുന്നു.

അങ്ങനെയെങ്കിൽ വാഴപ്പഴത്തിൽ ഒരു നുള്ള് കുരുമുളക് ചേർക്കുന്നത് നിങ്ങൾ ചിന്തിക്കുന്നതിലും കൂടുതൽ ശരീരത്തിന് സഹായിക്കുന്നു. ഈ രണ്ട് ചേരുവകളും ഒരുമിച്ച് ദഹനം മെച്ചപ്പെടുത്തുകയും, വയറു വീർക്കുന്നത് കുറയ്ക്കുകയും, ഉപാപചയ പ്രവർത്തനങ്ങളും പോഷക ആഗിരണം മെച്ചപ്പെടുത്തുകയും ചെയ്യുന്നു. നിങ്ങളുടെ മൊത്തത്തിലുള്ള ആരോഗ്യം വർധിപ്പിക്കുകയും കരളിന്റെ പ്രവർത്തനത്തെ കൂടുതൽ കാര്യക്ഷമമായി സഹായിക്കുകയും ചെയ്യും.

Also Read: വില 100 ൽ താഴെ, പോക്കറ്റ് കാലിയാകാതെ പ്രോട്ടീൻ നേടാം; 16 ഇന്ത്യൻ ഭക്ഷണങ്ങൾ

ദിവസവും വാഴപ്പഴം കുരുമുളകിനൊപ്പം കഴിക്കാമോ? 

കഴിക്കാം, പക്ഷേ മിതത്വം പ്രധാനമാണ്. എല്ലാ ദിവസവും ഈ കോമ്പോ കഴിക്കുന്നത് മിക്ക ആളുകൾക്കും ദോഷകരമല്ല. ആഴ്ചയിൽ മൂന്നോ നാലോ ദിവസം കഴിക്കുന്നത് അനുയോജ്യമാണ്. വാഴപ്പഴത്തിൽ സ്വാഭാവികമായും പൊട്ടാസ്യവും പ്രകൃതിദത്ത പഞ്ചസാരയും കൂടുതലാണ്, അതിനാൽ അമിതമായ ഉപഭോഗം പോഷക ബാലൻസിനെ തകരാറിലാക്കുകയോ രക്തത്തിലെ പഞ്ചസാരയുടെ വർധനവിന് കാരണമാവുകയോ ചെയ്യും, പ്രത്യേകിച്ച് പ്രമേഹമുള്ളവരിൽ. അതേസമയം, ചെറിയ അളവിൽ കുരുമുളക് ഫലപ്രദമാണ്. അമിതമായ അളവിൽ കഴിക്കുമ്പോൾ അസിഡിറ്റി ഉണ്ടാക്കിയേക്കാം.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക. 

Read More: ഒരു മാസത്തേക്ക് ദിവസവും ഓട്സ് കഴിച്ചാൽ ശരീരത്തിന് എന്ത് സംഭവിക്കും?