വണ്ണം കുറയാൻ താമസം വരുന്നുണ്ടോ? ഈ 5 കാര്യങ്ങൾ ശ്രദ്ധിക്കൂ

ശരീര ഭാരം കുറയ്ക്കുകയെന്നത് പല കാരണങ്ങൾ ബുദ്ധിമുട്ടുകൾ നേരിട്ടേക്കാം. ശരീര ഭാരം കുറയുന്നതിൽ പല ഘടകങ്ങളും നിർണായക പങ്ക് വഹിക്കുന്നുണ്ട്. സമീകൃതാഹാരവും പതിവ് വ്യായാമങ്ങളും വളരെ പ്രധാനമാണ്. എന്നാൽ, ശരീര ഭാരം കുറയ്ക്കാൻ ശ്രമിക്കുന്നവർ ചെയ്യുന്ന ചില തെറ്റുകളുണ്ട്. ഇവ ശരീര ഭാരം കുറയുന്നതിൽ കാലതാമസം വരുത്താം.

കാർഡിയോ വ്യായാമം അമിതമായി ചെയ്യുക

അമിതമായി കാർഡിയോ വ്യായാമം ചെയ്യുന്നത് പേശികളുടെ ബലക്കുറവിനും, ഉപാപചയപ്രവർത്തനം മന്ദഗതിയിലാക്കാനും കാരണമാകും. കാർഡിയോ വ്യായാമം ശരീരഭാരം കുറയ്ക്കാൻ സഹായിക്കും, പക്ഷേ ഒരു പരിധി വരെ മാത്രം. കൊഴുപ്പ് എരിച്ചു കളയാൻ എല്ലായ്പ്പോഴും കാർഡിയോയെ സ്ട്രെങ്ത് ട്രെയിനിങ്ങുമായി സംയോജിപ്പിക്കണം.

ആവശ്യത്തിന് ഉറക്കം ലഭിക്കുന്നില്ല

ഉറക്കം കുറവാണെങ്കിൽ വിശപ്പും കൊഴുപ്പും നിയന്ത്രിക്കുന്ന ഹോർമോണുകളുടെ ഉത്പാദനം തടസ്സപ്പെടും, ഇത് ശരീരഭാരം കുറയ്ക്കാൻ കൂടുതൽ ബുദ്ധിമുട്ടാക്കും. ദിവസവും ഏഴ് മുതൽ എട്ട് മണിക്കൂർ വരെ ഉറക്കം ഉറപ്പാക്കുക. 

ഭക്ഷണം ഒഴിവാക്കുക

ഭക്ഷണം ഒഴിവാക്കുന്നത് ഉപാപചയപ്രവർത്തനത്തെ മന്ദഗതിയിലാക്കും. ഇത് കലോറി എരിച്ചു കളയുന്നത് കുറയ്ക്കുകയും കൂടുതൽ കൊഴുപ്പ് സംഭരിക്കുകയും ചെയ്യും.

ആവശ്യത്തിന് പ്രോട്ടീൻ ലഭിക്കുന്നില്ല

പേശികളുടെബലത്തിനും വളർച്ചയ്ക്കും പ്രോട്ടീൻ നിർണായകമാണ്. പ്രോട്ടീൻ കുറയുന്നത് കലോറി കത്തിക്കുന്നത് കുറച്ചേക്കാം.

ഭാഗനിയന്ത്രണം

ആരോഗ്യകരമായ ഭക്ഷണങ്ങൾ പോലും കഴിക്കുന്ന ഭാഗങ്ങളുടെ വലുപ്പം വളരെ വലുതാണെങ്കിൽ ശരീരഭാരം കുറയ്ക്കുന്നത് ബുദ്ധിമുട്ടിലാക്കും.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• കൊളസ്ട്രോളും ബ്ലഡ് ഷുഗറും നിയന്ത്രിക്കും; ഒരു ദിവസം 2 ഈന്തപ്പഴം കഴിക്കൂ
• പ്രമേഹമുണ്ടോയെന്ന് തിരിച്ചറിയാം; നടക്കുമ്പോൾ ഈ 4 ലക്ഷണങ്ങൾ ശ്രദ്ധിക്കൂ
• വായ്നാറ്റം അകറ്റും, നെഞ്ചെരിച്ചിലും കുറയ്ക്കും; രാത്രിയിൽ ഭക്ഷണശേഷം ഒരു ഏലയ്ക്ക ചവയ്ക്കാം
• വേനൽക്കാലത്ത് വയറിലെ കൊഴുപ്പ് കുറയ്ക്കണോ? ഈ 5 കാര്യങ്ങൾ ചെയ്യൂ