25 കിലോ സിംപിളായി കുറയ്ക്കാം; ഈ 5 പാനീയങ്ങളിൽ ഒന്നു രാത്രിയിൽ കുടിക്കൂ

ശരീര ഭാരം കുറയ്ക്കാൻ സഹായകരമായ ടിപ്സുകൾ പങ്കിടുന്ന നിരവധി ഫിറ്റ്നസ് പരിശീലകരുണ്ട്. അക്കൂട്ടത്തിലൊരാളാണ് അമാക. വെറും നാല് മാസത്തിനുള്ളിൽ 25 കിലോ കുറച്ച് അമ്പരപ്പിച്ച ഫിറ്റ്നസ് കോച്ചു കൂടിയാണ് അവർ. തനിക്ക് ശരീര ഭാരം കുറയ്ക്കാൻ സഹായിച്ച ഭക്ഷണക്രമത്തെയും വ്യായാമ രഹസ്യങ്ങളെയും കുറിച്ച് അവർ ഇൻസ്റ്റഗ്രാമിൽ പോസ്റ്റ് പങ്കിടാറുണ്ട്. 

വേഗത്തിൽ ശരീരഭാരം കുറയ്ക്കാനും മെറ്റബോളിസം വർധിപ്പിക്കാനും സഹായിക്കുന്ന 5 പാനീയങ്ങളെക്കുറിച്ച് അവർ അടുത്തിടെ ഒരു പോസ്റ്റ് ഷെയർ ചെയ്തിരുന്നു. രാത്രിയിൽ കുടിക്കേണ്ട ഈ പാനീയങ്ങളുടെ ആരോഗ്യ ഗുണങ്ങളെക്കുറിച്ചും അവർ വിശദീകരിച്ചിരുന്നു.

1. ചെറുചൂടുള്ള നാരങ്ങ വെള്ളം

ചെറുചൂടുള്ള വെള്ളവും നാരങ്ങയും ദഹനത്തെ സഹായിക്കുകയും വയറു വീർക്കുന്നത് കുറയ്ക്കുകയും ചെയ്യുന്നു. 1 കപ്പ് ചെറുചൂടുള്ള വെള്ളത്തിൽ അര മുറി നാരങ്ങയുടെ നീര് കലർത്തി കിടക്കുന്നതിന് 20–30 മിനിറ്റ് മുമ്പ് കുടിക്കുക.

Also Read: പ്രമേഹമുള്ളവർക്ക് ഓണ സദ്യ ആസ്വദിച്ച് ഉണ്ണാം; ഈ കാര്യങ്ങൾ ഒന്നു ശ്രദ്ധിച്ചോളൂ

2. കറുവാപ്പട്ട ചായ

കറുവാപ്പട്ട രക്തത്തിലെ പഞ്ചസാരയെ ബാലൻസ് ചെയ്യുന്നു. ഉറങ്ങുമ്പോൾ കൊഴുപ്പ് കത്തുന്നതും ഇത് വർധിപ്പിക്കുന്നു. 1 കപ്പ് വെള്ളത്തിൽ 1 ടേബിൾസ്പൂൺ കറുവാപ്പട്ട പൊടി അല്ലെങ്കിൽ 1 സ്റ്റിക്ക് ചേർത്ത് 5 മിനിറ്റ് തിളപ്പിക്കുക. ഉറങ്ങുന്നതിന് 20-30 മിനിറ്റ് മുമ്പ് ചൂടോടെ കുടിക്കുക.

3. ഇഞ്ചി ചായ

ഇഞ്ചി കൊഴുപ്പ് കത്തിക്കുകയും, നന്നായി ഉറങ്ങാൻ സഹായിക്കുകയും ചെയ്യുന്നു. ഒരു കപ്പ് വെള്ളം തിളപ്പിക്കുക. ഒരു വിരൽ നീളത്തിൽ ഇഞ്ചി, അരിഞ്ഞതോ അല്ലെങ്കിൽ രണ്ട് ടേബിൾസ്പൂൺ ഇഞ്ചി അരച്ചതോ, പേസ്റ്റോ, പൊടിച്ചതോ ചേർക്കുക. ഒരു ടീബാഗ് ശുദ്ധമായ ഗ്രീൻ ടീ ചേർക്കുക. 10 മിനിറ്റ് തിളപ്പിക്കുക. അരിച്ചെടുത്ത് കുടിക്കുക.

Also Read:വയർ കുറച്ച് അരക്കെട്ട് പരന്നതാക്കാം, ഈ 8 കാര്യങ്ങൾ മടികൂടാതെ ചെയ്യൂ

4. ആപ്പിൾ സിഡർ വിനഗർ പാനീയം

ശരീരത്തെ വിഷവിമുക്തമാക്കുകയും ഒറ്റരാത്രികൊണ്ട് ദഹനം മെച്ചപ്പെടുത്തുകയും ചെയ്യുന്നു. 1 ടേബിൾസ്പൂൺ ആപ്പിൾ സിഡർ വിനഗർ 1 കപ്പ് ചൂടുവെള്ളത്തിൽ കലർത്തുക. 1 ടീസ്പൂൺ ഇഞ്ചി പേസ്റ്റ് ചേർക്കുക. കിടക്കുന്നതിന് 30 മിനിറ്റ് മുമ്പ് കുടിക്കുക.

View this post on Instagram

A post shared by CERTIFIED NUTRITIONIST (@shred_with_amaka)

Also Read: രാവിലെ വെറും വയറ്റിൽ 1 സ്‌പൂൺ നെയ്യ് കഴിക്കൂ; നേടൂ ഈ 5 ആരോഗ്യ ഗുണങ്ങൾ

5. ചമോമൈൽ ചായ

ഇത് വിശ്രമം നൽകുന്നു, ആഴത്തിൽ ഉറങ്ങാൻ സഹായിക്കുന്നു. നല്ല ഉറക്കം മികച്ച മെറ്റബോളിസം ഉറപ്പാക്കും. 1 ചമോമൈൽ ടീ ബാഗ് 1 കപ്പ് ചൂടുവെള്ളത്തിൽ 5 മിനിറ്റ് കുതിർക്കാൻ വയ്ക്കുക. തുടർന്ന് പതുക്കെ കുടിക്കുക.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: നടത്തം, ഉറക്കം, പ്രോട്ടീൻ; വണ്ണം പെട്ടെന്ന് കുറയ്ക്കാം, ഈ 5 കാര്യങ്ങൾ ശീലമാക്കൂ