പഞ്ഞി പോലെ സോഫ്റ്റ് ചപ്പാത്തി വേണോ? ഗോതമ്പ് പൊടി ഇങ്ങനെ കുഴയ്ക്കൂ

രാവിലെയോ വൈകിട്ടോ ചപ്പാത്തി കഴിക്കുന്നവരുണ്ടോ?. ഗോതമ്പ് പൊടി മാത്രം ഉപയോഗിച്ച് തയ്യാറാക്കുന്ന ചപ്പാത്തി സ്ഥിരമായി കഴിക്കുമ്പോൾ മടുപ്പ് തോന്നിയിട്ടുണ്ടോ?. ഹെൽത്തി എന്നു പറയുമ്പോഴും ശരീരത്തിന് അവശ്യമായ എല്ലാ പോഷകങ്ങളും അതിൽ ഉണ്ടായിരിക്കണം എന്നാണെല്ലോ. അങ്ങനെയെങ്കിൽ ഇനി വെറുതെ ഗോതമ്പ് പൊടി മാത്രം ഉപയോഗിക്കാതെ ചെറുപയറും, കുറച്ച് പച്ചക്കറികളും ചേർത്ത് രുചികരമായ ചപ്പാത്തി തന്നെ ചുട്ടെടുത്തോളൂ. സ്കളിലേയ്ക്കുള്ള സ്നാക്സ് ബോക്സിൽ ഇതിൽ ഉൾപ്പെടുത്തിയാൽ പാത്രം കാലിയാകാതിരിക്കില്ല. നിധി തൻ്റെ ഇൻസ്റ്റഗ്രാം പേജിലൂടെയാണ് ഈ ഹെൽത്തി ചപ്പാത്തി റെസിപ്പി പരിചയപ്പെടുത്തി തരുന്നത്.  

Also Read: എണ്ണ കുറച്ച് രുചി കൂട്ടാം; പൂരി ക്രിസ്പിയാകാൻ ഇങ്ങനെ വറുത്തെടുക്കൂ

ചേരുവകൾ

• ചെറുപയർ പരിപ്പ്
• വറ്റൽമുളക്
• ഇഞ്ചി
• ഉപ്പ്
• മഞ്ഞൾപ്പൊടി
• കസൂരിമേത്തി
• മല്ലി
• കരിഞ്ചീരകം
• പനീർ
• ചോളം
• കാരറ്റ്
• ഗരംമസാല
• ഗോതമ്പ് പൊടി

Also Read: മാവ് ഇങ്ങനെ അരച്ചെടുക്കൂ, ദോശയും ഇഡ്ഡലിയും ഇനി പഞ്ഞിപോലെ സോഫ്റ്റായി കിട്ടും

View this post on Instagram

A post shared by Nidhi Khosla (@ohmyvegggies)

Also Read: ചായക്കടയിലെ നാടൻ പരിപ്പു വട ഇനി ക്രിസ്പിയായി വീട്ടിൽ തയ്യാറാക്കാം

തയ്യാറാക്കുന്ന വിധം 

• ഒരു കപ്പ് ചെറുപയർ പരിപ്പ് രണ്ട് മണിക്കൂർ വെള്ളത്തിൽ കുതിർത്തുവെച്ചതിലേയ്ക്ക് രണ്ട് പച്ചമുളകും, ഒരു ടേബിൾസ്പൂൺ ഇഞ്ചി ചതച്ചതും ചേർത്ത് അരച്ചെടുക്കാം.
• രണ്ട് കപ്പ് ഗോതമ്പ് പൊടിയിലേയ്ക്ക് ഒരു ടേബിൾസ്പൂൺ വറ്റൽമുളക് ചതച്ചതും, ഒരു ടേബിൾസ്പൂൺ​ കസൂരി മേത്തിയും, രണ്ട് ടേബിൾസ്പൂൺ മല്ലിയിലയും, ആവശ്യത്തിന് ഉപ്പും, അര ടീസ്പൂൺ മഞ്ഞൾപ്പൊടിയും, അര ടീസ്പൂൺ കരിഞ്ചീരകം, തയ്യാറാക്കി വെച്ചിരിക്കുന്ന അരപ്പ് എന്നിവ ചേർത്തിളക്കി മാവ് തയ്യാറാക്കാം.
• ഒരു ബൗളിലേയ്ക്ക് അരകപ്പ് പനീർ, അര കപ്പ് വേവിച്ച ചോളം, അര കപ്പ് കാരറ്റ്, അൽപ്പം മുളകുപൊടി, ഒരു ടേബിൾസ്പൂൺ ഗരംമസാല എന്നിവയും ആവശ്യത്തിന് ഉപ്പും ചേർത്തിളക്കാം.
• അത് തയ്യാറാക്കിയ മാവിനുള്ളിൽ വെച്ച് പരത്താം.
• ഒരു പാൻ അടുപ്പിൽ വെച്ച് അൽപ്പം നെയ്യോ എണ്ണയോ പുരട്ടി  പരത്തിയെടുത്ത മാവിൻ്റെ ഇരുവശങ്ങളും വേവിച്ചെടുക്കാം. 

Read More: തേങ്ങ ചിരകി സമയം കളയേണ്ട, ഇത് ഒരു തവണ പൊടിച്ചു വച്ചാൽ ദോശയും ഇഡ്ഡലിയും കഴിക്കാൻ കൊതിക്കും