എണ്ണ കുറച്ച് രുചി കൂട്ടാം; പൂരി ക്രിസ്പിയാകാൻ ഇങ്ങനെ വറുത്തെടുക്കൂ

പൂരി ഇഷ്ടമില്ലാത്തവരായി ആരുമുണ്ടാകില്ല. എണ്ണയിൽ നന്നായി പൊങ്ങി, മൊരിഞ്ഞ പൂരി കഴിക്കാൻ നല്ല രസമാണ്. എന്നാൽ എണ്ണയുടെ ഉപയോഗം കൂടുതലായതിനാൽ പലരും പൂരി ഉണ്ടാക്കാൻ മടിക്കാറുണ്ട്. ആരോഗ്യകരമായ ഭക്ഷണശീലങ്ങൾ പിന്തുടരുമ്പോൾ, ഇഷ്ടവിഭവങ്ങളെ പൂർണ്ണമായി ഒഴിവാക്കേണ്ട ആവശ്യമില്ല. ചില ലളിതമായ കാര്യങ്ങൾ ശ്രദ്ധിച്ചാൽ, കുറച്ച് എണ്ണയിൽ പോലും നല്ല ക്രിസ്പിയായ പൂരി നമുക്ക് വീട്ടിൽ ഉണ്ടാക്കിയെടുക്കാൻ സാധിക്കും. മൈദയ്ക്ക് പകരം ഗോതമ്പ് മാവ് മാത്രം ഉപയോഗിക്കുക, മാവ് കുഴയ്ക്കുന്നതിലെ പ്രത്യേകത, എണ്ണയുടെ താപനില കൃത്യമായി നിലനിർത്തുക എന്നിവയെല്ലാം പൂരി തയ്യാറാക്കുമ്പോൾ എണ്ണയുടെ ഉപയോഗം കുറയ്ക്കാനുള്ള വഴികളാണ്. അധികം എണ്ണയില്ലാതെ ക്രിസ്പിയായി പൂരി വറുക്കുന്ന വിധം ബിൻസി തൻ്റെ യൂട്യൂബ് ചാനലിലൂടെ പരിചയപ്പെടുത്തി തരുന്നു. 

Also Read: ചപ്പാത്തി പഞ്ഞി പോലെയാകും, മാവ് കുഴയ്ക്കുമ്പോൾ ഇത് പോലെ ചെയ്തു നോക്കൂ

ചേരുവകൾ

• ഗോതമ്പ് പൊടി- 1 കപ്പ്
• റവ- 1/4 കപ്പ്
• ഉപ്പ്- ആവശ്യത്തിന്
• വെളിച്ചെണ്ണ/സൺഫ്ലവർ ഓയിൽ- 1 ടീസ്പൂൺ 
• ചൂടുവെള്ളം- ആവശ്യത്തിന് 

Also Read: ഇനി എത്ര ദോശ കഴിച്ചാലും മതിവരില്ല, ഈ പൊടിക്കൈ ട്രൈ ചെയ്യൂ 

Also Read: കറികളൊന്നും വേണ്ട, നാവിലിട്ടാൽ അലിയും ഈ പാൽ പുട്ട്

തയ്യാറാക്കുന്ന വിധം

• ഒരു കപ്പ് ഗോതമ്പ് പൊടിയിലേയ്ക്ക് ആവശ്യത്തിന് ഉപ്പ് ചേർക്കാം. അതിലേയ്ക്ക് കാൽ കപ്പ് റവ ചേർക്കാം. ശേഷം ആവശ്യത്തിന് ചെറുചൂടുള്ള വെള്ളം ഒഴിച്ചിളക്കി യോജിപ്പിക്കാം.
• പൊടി നന്നായി കുഴച്ച് മാവ് തയ്യാറാക്കാം. 
• ഇടയ്ക്ക് അൽപം നെയ്യോ വെളിച്ചെണ്ണയോ ചേർക്കുന്നത് മാവ് സോഫ്റ്റാകാനും ഒട്ടിപിടിക്കാതിരിക്കാനും സഹായിക്കും. 
• കുഴച്ച മാവ് 20 മിനിറ്റ് മാറ്റി വയ്ക്കാം. 
• ശേഷം മാവ് ചെറിയ ഉരുളകളാക്കാം. അത് വലിപ്പം കുറച്ച് പരത്തിയെടുക്കാം. 
• അടി കട്ടിയുള്ള ഒരു പാൻ അടുപ്പിൽ വച്ചു ചൂടാക്കാം. അതിലേയ്ക്ക് വെളിച്ചെണ്ണ ഒഴിക്കാം. 
• വെളിച്ചെണ്ണ ചൂടാകുമ്പോൾ തീ കുറച്ചു വച്ചി പരത്തിയ പൂരി അതിലേയ്ക്ക് ഇട്ട് വറുത്തെടുക്കാം. 
• കുറഞ്ഞ തീയിൽ വേണം പൂരി എണ്ണയിലേയ്ക്കിടാൻ. ഇരുവശങ്ങളും വെന്തിനു ശേഷം ഒരു ടിഷ്യൂ പേപ്പറിലേയ്ക്കു മാറ്റാം. ഇത് പൂരിയിലെ എണ്ണ മയം കുറയ്ക്കുന്നതിന് സഹായിക്കും. 

Read More: ഇവ മൂന്നും കൃത്യമായി ചേർക്കൂ, പഞ്ഞി പോലെ മൃദുവായ ഇഡ്ഡലി കഴിക്കാം