തേങ്ങ ചിരകി സമയം കളയേണ്ട, ഇത് ഒരു തവണ പൊടിച്ചു വച്ചാൽ ദോശയും ഇഡ്ഡലിയും കഴിക്കാൻ കൊതിക്കും

മലയാളികളുടെ സ്പെഷ്യൽ ചട്നിയാണ് ചമ്മന്തി പൊടി.  വിദേശത്തേയ്ക്കു പറക്കുന്ന ഏതൊരു മലയാളിക്കും ഒപ്പം ഒരു ചെറിയ പൊതിയിൽ ഈ പൊടിയും ഉണ്ടാകും. ഇഡ്ഡലിക്കും ദോശയ്ക്കും മാത്രമല്ല വേണ്ടി വന്നാൽ ചോറിനും ഇതുണ്ടെങ്കിൽ മറ്റൊരു കറി വേണ്ടേ വേണ്ട.

Also Read: മാവ് ഇങ്ങനെ അരച്ചെടുക്കൂ, ദോശയും ഇഡ്ഡലിയും ഇനി പഞ്ഞിപോലെ സോഫ്റ്റായി കിട്ടും

തേങ്ങ ചിരകിയതും, പരിപ്പുകളും, വറ്റൽമുളകുമൊക്കെ വറുത്ത് പൊടിച്ചാണ് നാടൻ സ്റ്റൈലിൽ സാധാരണ​ ചമ്മന്തി പൊടി തയ്യാറാക്കാറുള്ളത്. പ്രാദേശികമായി തന്നെ  ഇതിൻ്റെ ചേരുവകളിൽ വ്യത്യാസം ഉണ്ടാകാറുണ്ട്. അത്തരത്തിൽ അൽപ്പം സ്പെഷ്യലായ ഒരു ചമ്മന്തി പൊടിയുടെ റെസിപ്പിയാണ് വിജി ഷാരോൺ തൻ്റെ ഇൻസ്റ്റഗ്രാം പേജിലൂടെ പരിചയപ്പെടുത്തി തരുന്നത്. 

Also Read: ഉപ്പിൻ്റെ അളവ് കുറയ്ക്കാം രുചി കൂട്ടാം, ഈ പൊടിക്കൈകൾ പ്രയോഗിക്കൂ

ചേരുവകൾ

• ഉഴുന്ന് പരിപ്പ് 
• തുവര പരിപ്പ്
• കടലപരിപ്പ് 
• പൊട്ടു കടല
• എള്ള് 
• എണ്ണ
• വാളം പുളി
• കായം
• വറ്റൽമുളക്
• കറിവേപ്പില
• ഉപ്പ് 
• വെളുത്തുള്ളി 

View this post on Instagram

A post shared by VIJI SHARON PHILIP (@samayalwithsharon)

Also Read: എളുപ്പത്തിലുണ്ടാക്കാം ഈ പൊരിച്ച പത്തിരി, പുട്ട് പൊടി മതി

തയ്യാറാക്കുന്ന വിധം

• അടികട്ടിയുള്ള ഒരു പാത്രം അടുപ്പിൽ വെച്ച് അര കപ്പ് ഉഴുന്നു പരിപ്പ്, കാൽ കപ്പ് കടല പരിപ്പ്, രണ്ട് ടേബിൾസ്പൂൺ തുവര പരിപ്പ് എന്നിവ ഇടത്തരം തീയിൽ വറുക്കാം.
• അതിലേയ്ക്ക് കാൽ കപ്പ് പൊട്ടു കടലയും, മൂന്ന് ടീസ്പൂൺ എള്ളും ചേർത്ത് നന്നായി വറുത്ത് മാറ്റാം.
• അതേ പാത്രത്തിലേയ്ക്ക് അൽപ്പം എണ്ണയൊഴിച്ചു ചൂടാക്കി നെല്ലിക്ക വലിപ്പത്തിൽ പുളിയും, ചെറിയ കായ കട്ടയും ചേർത്ത് വറുത്ത് മാറ്റാം.
• പത്ത് വറ്റൽമുളകും, അൽപ്പം കറിവേപ്പിലയും ചേർത്ത് വറുത്തെടുക്കാം.
• ഒരു ടേബിൾസ്പൂൺ​ കല്ലുപ്പ് കൂടി ചേർത്ത് വറുത്ത് മാറ്റാം.
• ആവശ്യമെങ്കിൽ ആറോ ഏഴോ വെളുത്തുള്ളി തൊലിയോടെ ചേർത്ത് വറുക്കാം.
  ശേഷം ഇവയെല്ലാം ഒരുമിച്ച് പൊടിച്ചെടുക്കാം. 

Read More: ഒരു സ്പൂൺ തേങ്ങ പോലും വേണ്ട, കടലക്കറി രുചികരമാക്കാൻ ഈ മസാലക്കൂട്ട് മതി